ب رێیەکا سڤک خوە ژ ئاریشێن ژبیرکرنێ قورتال بکە

نوش نيوز:

ئەرێ تو زوو تشتان ژبیر دکەی؟ ئەرێ تە گۆمان ھەیە کو شیانێن تەیێن مێشکی بۆ وەرگرتنا کاروباران و تێگەھشتنێ دسنۆرداینە؟ تو دترسی کو ئەڤە ل گەل بۆرینا دەمی خرابتر لێبھێت؟

تو ب تنێ یا وەسا نینی، گەلەک کەسان ل سەرانسەری جیھانێ ھەمان نیشان یێن ھەین، بەلێ ئەگەرێن تێکچوونا مێشکی یێن ھەر ئێکی د جودانە، ئەگەر چ بن مە شەش پێنگاڤ ھەنە کو رێژا ژیراتیێ زێدەتر لێبھێت و دێ مێشکێ خوە ڤەگەرینیە سەر ھێزا وی و زوو د تشتان گەھی.

بێھنا خوە ڤەدە و ھەناسێن کوور ھلکێشە: باشترین رێ کو مێشک ھەردەم یێ گەنج بیت و ساخلەمیا وی یا باش بیت بێھنڤەدانە ل گەل راھێنانێن ھەناسا کوور. کو ئەڤە زڤرینا خوینێ ب ھێز دئێخیت و باندۆرەکا ئەرێنی ل ساخلەمیا مێشکی دکەت، گەلەک بەرنامە ھەنە راھێنانێن ھەناسێ ل گەل راھێنانێن کێمکرنا سەنگێ ل گەل ئێک گرێددەن کو ئەنجامێن مێشکی یێن باش بدەستڤە دئینن.

خوارنا تە رێیا تەیە بۆ ژیراتیێ: ئێک ژ وان رێیێن ڤەگەراندنا ھێز و بزاڤا مێشکی خوارنا باشە، زانا دبێژن مەعیدە رێیەکا راستە بۆ بزاڤا ھشیارکرنا مێشکی، خوارنێن کەرستێن دژی گیرھەبوونێ تێدا نە بتنێ دژاتیا پەنجەشێرێ دکەن بەلکو بۆ ساخلەمیا مێشکی ژی دباشن وەکو فێقی و کەسکاتی و گەنم و گووزا ھندێ و بھارات.

بەرنامێ شیانا مێشکی تاقی بکە: مێشکێ مرۆڤی وەکو ئامیرەکێ فێرکرنێ یە، ل سەر مرۆڤی پێدڤیە ئامیرێن دروست بۆ مەشقدانا مێشکی بەردەست بکەت، بەرنامەکێ ھەی ناڤێ وی ” بەرنامێ شیانێن مێشکی” کو کار بۆ پێشڤەبرنا شیانێن گوھلێبوون و ئاخفتنێ دکەت، زێدەباری ئەنجامدانا یاریێن وەکو تەپا مێزێ یان فێربوونا زمانەکێ نوو کو پێدڤی ب ھزرکرنێ ھەیە، ئەڤە ھەموو رێ ل بەر ژدەستدانا بیردانکێ یا گرێدای پیراتیێ دگرن.

دەستویریەکێ بدە ھزرکرنێ: ھەکە ھاندانا مێشکێ بۆ ھزرکرنێ یا باش بیت، بێدەنگکرنا وی ژی یا باشە، فشارێن ژیانێ و بەردەوام ھزرکرن تێدا گەلەک زیانێ ل شانێن مێشکی دکەن و کریارا زانینێ وەکو فێرکرن و ھزرکرن دراوەستینن، ھزرکرنەکا بێدەنگ د کاروباران دا مێشکی تەنا دکەت و شیانێن وی ڤەدژینیتە ڤە، لەورا یا باشە مرۆڤ دەستویریەکێ بدەتە ھزرکرنێ.

مێشکێ خوە ب کەنیێ ب بزاڤ بێخە: چو تشت ژ وێ خۆشتر و بساناھیتر نینن کو تو ل جڤاتەکا پڕی کەنی روونی و دلێ خوە پێ تژی بکەی، ھورمۆنێ دوبامین ئەو لەش ب کەنیێ بەرددەت ئەو بخو شانێن مێشکی ژی دپارێزیت و ب بزڤا ئێخیت. بەرێخوەدانا فلمێن کومێدی یان گوھدانا نوکتەکێ کارەکێ ب مفایە بۆ مێشکی و پلا تێگەھشتنا وی بلند دکەت.

ھشیاری جگارەکێشانێ بی: گەلەک ڤەکۆلینان دوپات کریە کو ئاستێ مێشکی و زانینێ ل نک جگارکێشان گەلەک ژ یێن نە جگارکێش لاوازترە، جگارەکێشان کارتێکرنەکا نەرێنی ل مێشکی دکەت و ڤەخوارنا مەیێ ژی ھەمان کارتێکرن ل سەر کارێ مێشکی ھەیە.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *