ساخله‌میا به‌رده‌رش چه‌ند پێزانینان ل سه‌ر تووشبوویێن كورۆنایێ‌ ئاشكه‌را دكه‌ت

دهۆك، له‌زگین  جوقی:

رێڤه‌به‌را ساخله‌میێ‌ ل قه‌زا به‌رده‌ره‌ش دیاركر كو پشتی ل گۆندێ‌ زیلكان ل قه‌زا به‌رده‌رش 12 حاله‌تیێن كورۆنایێ‌ هاتینه‌ تۆماركرن مه‌ ده‌ست ب كه‌ره‌نتینكرنا هه‌موو گۆندێ‌ زیلكان هاتیه‌ كرن.

د. نارین عومه‌ر موسا، رێڤه‌به‌را ساخله‌میێ‌ ل قه‌زا به‌رده‌ره‌ش دیاركركو نه‌خۆشه‌ك دژیێ‌ 75 ساليێ دا سه‌را نه‌خۆشخانا ئاكرێ‌ كربوو ل وێرێ پشكنینكرن بۆ هاتبوونه‌ كرن پشتی ئه‌نجام دیاربووین ديار بوو، تووشى‌ كورۆنایێ‌ بوویه‌ ئه‌ڤ تووشبوویێن دى‌ ژی خه‌لكێ‌ گۆندێى نه‌ هه‌موو به‌ركه‌فتيێن ئێكدونه‌، “ئه‌م هیڤيدارين وه‌لاتی‌ هه‌ڤكار بن وتێكه‌لیێ نه‌كه‌ن دا كو ره‌وش بهێته‌ كونترۆلكرن، گۆندێ‌ زیلكان ل قه‌زا به‌رده‌رش 12 حاله‌تێن كورۆنایێ‌ هه‌تا نوكه‌ یێن هاتینه‌ تۆماركرن و حاله‌ته‌ك ژی ل به‌رده‌رش هاتیه‌ تۆماركرن. مه‌ ده‌ست ب وه‌رگرتنا پیرابوونێن توند كریه‌ ل وێ‌ ده‌ڤه‌ری”.

ئاشكه‌را كر كو هه‌ر ل ده‌ستپێكی وان‌ ده‌ست ب كه‌ره‌نتینكرنا 47 كه‌سان كر د دووڤ دا ژی 45 سيمپل بۆ پشت راستبوونێ‌ ژ كورۆنایێ‌ ل گۆندێ‌ زیلكان هاتنه‌ وه‌رگرتن ئه‌ڤ سيمپلێن خه‌لكى ب شێوه‌یه‌كێ‌ هه‌ره‌مه‌كێ‌ هاتنه‌ وه‌رگرتن بۆ پتر پشت راستبوونێ‌ 50 سيمپلێن دی ژ ناڤ گۆندێ‌ زیلكان هاتنه‌ وه‌رگرتن و بڕیار ژی هاته‌ دان گۆندێ‌ زیلكان  ب ته‌مامی بهێته‌ كه‌ره‌نتینكرن بۆ ده‌مێ‌ 14 رۆژان دێ‌ گۆند یێ‌ كه‌ره‌نتین‌ كرى یبت دا كو كونترۆل ل سه‌ر كورۆنایێ‌ بهێته‌ كرن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *