ئه‌و زارۆیێن ئاخێ‌ د خوون چ نه‌خۆشی هه‌یه‌؟

نۆش نیوز، له‌زگین جوقی:
تایبه‌تمه‌نده‌كێ‌ نه‌خۆشیێن خوینێ‌ ل ده‌ڤ زارۆیان دیاركر كو ئه‌و زارۆیێن خوینا وان كێم گه‌له‌ك جاران حه‌ز ژ خوارنا ئاخێ‌ دكه‌ن و پێدڤیه‌ دایك پشتی شه‌ش هه‌یڤیێ‌ ده‌ست ب كارئینانا خوارنێن ساخله‌م بۆ زارۆیێ‌ خوه‌ بكه‌ت ب تنێ‌ ب هیڤیا شێری ڤه‌ نه‌هێلیت.
د. عه‌بدولره‌حمان عه‌بدوللا، تایبه‌تمه‌ندێ‌ نه‌خۆشیێن خوینێ‌ یێن زارۆیان دیاركر كو كێمبوونا خوینێ‌ ئاریشه‌كا به‌ربه‌لاڤه‌ ل ده‌ڤ هه‌ر زارۆكه‌كی ل ژیێ‌ شه‌ش هه‌یڤیێ‌ هه‌تا 15 سالیێ‌، ب تایبه‌تی ژی ژیێ‌ ئێك سالیێ‌ هه‌تا سێ‌ سالیێ‌ دا پتر كێمبوونا خوینێ‌ ده‌ست پێ‌ دكه‌ت، هه‌روه‌سا ژی ژیێ‌ 12 سالیێ‌ هه‌تا 15 سالیێ‌ ژی كێمبوونا خوینێ‌ دروست بیت، چونكه‌ ڤان ژییان پتر له‌شێ‌ وان گه‌شه‌ دكه‌ت و پێدڤی ب پتر خوارنێ‌ دبن و ره‌نگه‌ د ڤی ژی دا خوارنا وان كێمتر بیت ئه‌و بخوه‌ پێدڤی پتر خوارنێ‌ هه‌نه‌، له‌ورا ژی ئه‌و كه‌رستێن بۆ خوینێ‌ باش گه‌له‌ك وه‌رناگرن و دئه‌نجامدا كێمبوونا خوینێ‌ دروست دبیت وگۆت: گه‌له‌ك ئه‌گه‌ر بو ڤێ‌ چه‌ندێ‌ هه‌نه‌، به‌لێ‌ ئه‌گه‌رێ‌ ژهه‌موویان پتر به‌ربه‌لاڤ كێمبوونا خوینێ‌ ژ ئه‌گه‌رێ‌ كێمبوونا مادێ‌ ئاسنی یه‌، ئه‌ڤه‌ گه‌له‌ك یا مشه‌ یه‌ كو ژبه‌ر ئه‌گه‌رێن خوارنێ‌ دروست دبیت و خوارنا ساخله‌م ناهێته‌ وه‌رگرتن .
د. عه‌بدولره‌حمان عه‌بدوللا محسن، دیار كر ژی گه‌له‌ك جاران خوارنا ساخله‌م ناهێته‌ دان بۆ زارۆی له‌ورا ژی كێمبوونا خوینێ‌ دروست دبیت و گۆت: ئه‌و بخوه‌ پێدڤیه‌ دژیێ‌ شه‌ش هه‌یڤیێ‌ و پێهه‌ل خوارنا ساخله‌م ده‌ست پێ‌ بكه‌ت وه‌كو نانی و فێقی، به‌لێ‌ هنده‌ك دایك هه‌نه‌ خوارنێ‌ زوو ده‌ست پێ‌ ناكه‌ن و پشتبه‌ستنی ل سه‌ر شێری ب تنێ‌ دكه‌ن، له‌ورا كێمبوونا خوینێ‌ دروست بیت و ئه‌و زارۆیێن خوارنێن نه‌باش دخۆن یێن بێ‌ كه‌رستێ‌ ئاسنی یانژی ئه‌و خوارنێن ماده‌یێن ئاسنی دناڤدا كێم بیت ، دژیێ‌ 12 سالیێ‌ هه‌تا 15 سالیێ‌ ژی دا گه‌شه‌كرنا زارۆیێ‌ دروست دبیت و هه‌كه‌ خوارنێن نه‌ ساخله‌م بخۆت ئه‌وژی تووشی كێمبوونا خوینێ‌ دبن.
تایبه‌تمه‌ندێ‌ نه‌خۆشیێن خوینێ‌ یێن زارۆیان دیاركر كو ده‌مێ‌ خوین ل ده‌ڤ زارۆیه‌كی یا كێم بیت ره‌نگێ‌ وی تێكدچیت و نه‌شێن خوارنێ‌ بخۆن و گه‌له‌ك ره‌وشا وی تێكدچیت و گه‌له‌ك دكه‌ته‌ گری و ناله‌ نالێ‌ دكه‌ت و ره‌نگه‌ ژی بێهنا وی ته‌نگ ببیت وهه‌كه‌ ماده‌یێن ئاسنی یێ‌ كێم بیت ره‌نگه‌ ئه‌و زارۆك ئاخێ‌ بخۆت و حه‌ز ژ خارنا ئاخێ‌ بكه‌ت، ئه‌و خوارنێن مرۆڤ نه‌شێت بخۆت دبیت ئه‌و زارۆك بخۆن یێن خوینا وان كێم و ده‌مێ‌ زارۆك ئاخێ‌ دخۆت ئه‌ڤه‌ ئێكه‌ ژ ئه‌گه‌ران ماده‌یێن ئاسنی له‌شی وی دا كێم دبیت و چه‌ندین ئه‌گه‌رێن دی هه‌نه‌ زارۆك ڤان ره‌فتاران دكه‌ت.
ئاشكه‌را كر كو ئه‌و زارۆیێن خوینا وان كێم پێدڤیه‌ قه‌ستا نۆشداری بكه‌ن داكو بهێنه‌ چاره‌سه‌ركرن وشرینقه‌ و شروب هه‌نه‌ یێن ماده‌یێن ئاسنی دناڤ دا بۆ وان زارۆیان دهێنه‌ بكارئینان، به‌لێ‌ ئه‌م ئاموژگاریان ل دایكان دكه‌ین پشتی شه‌ش هه‌یڤیێ‌ خوارنێ‌ بده‌نه‌ زارۆیان ب تایبه‌تی ژی خوارنێن ساخله‌م وه‌كو گوشتی و فێقی و پرته‌قال و سیڤ و مۆز و كه‌سكاتی ژی بده‌نه‌ زارۆیان و ب هیڤیا شیری ب تنێ‌ ڤه‌ زارۆك نه‌مینیت داكو تووشی كیمبوونا خوینێ‌ نه‌بیت”.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *