بەرسۆژ چیە؟

نوش نيوز، ئدریس ئاسیهى:

بەرسوژکج یان هلدانا ترشاتیێ نیشانێن گهۆڕینەکا فیزیکینە د گەدەی دا؛ ب بۆرینا دەمى یان وەستاندنا وى ،دەرگەهێ سەرى یێ گەدەى سستاهى دکەڤتێ و ب ئەرکێ خوە وەکۆ پێتڤی رانابت و دگەل هێرانا خوارنێ،  ترشاتیا دناڤا گەدەى دا، بەرو بۆڕیا سەرى یا خوارنێ هلددت و وێ بەرسوژکێ پەیدا دکت؛ و بەرسوژک زێدەتر دبت هەگەر مرۆڤ خوە بچەمینت یان لسەر پشتێ خوە درێژکت.

د. به‌ردان تايبه‌تمه‌ندێ نه‌خۆشيێن دل و هناڤا گۆت: ل دەف مرۆڤێ ساخلەم، دەرگەهێ سەرى یێ گەدەى ب شێوەیەک دروست کار دکت و ل دەمێ گەدە خوارنێ دهێرت ئەو دەرگەه د هێت گرتن وناهێلت ترشاتى بۆ سەرى هلددت  و ئەو کەس ب ئارامى خوارنا خوە دخوت و ئارێشا ترشاتیێ  ل دەف پەیدا نابت.

دکتۆرى باس ل هۆکارێن بەرسوژکێ کر و گۆت: چەندین جۆڕین خوارنێ هەنە دبن هۆکار بۆ ڤێ نەخوەشیێ وەکۆ:

  • خوارنێن پڕى بهارات، و پیڤاز و ئەو مەعجوونین ژ باجانان دهێن دروستکرن وەکۆ صاص و کەچەپێ.
  • خوارنین قەلاندى.
  • خوارنێن تێر روون، و شوکولاتا و نعناع.
  • ڤەخوارنێن گازى وەکۆ بیبسى، و مەیێ و قەهوە و گەلەک ڤەخوارنا چایێ.

دگەل چەند هۆکارەکێن دى وەکۆ:

  • جگارە کێشانێ .
  • قەلەوى .
  • دووگیانى.

سەبارەت ب کارتێکرنا بەرسوژکێ ل رۆتینا ژیانا رۆژانە، دکتۆرى گۆت: هەگەر بەرسوژک درێژبوو و ب شێوەیەک بەردەوام پەیدابوو، مرۆڤ دێ هەست ب نەئارامیێ کت و دویرکەڤت ژ رۆتینێ خوە یێ رۆژانە و د بت پێتڤى ب چارەسەریێ هەبت و ب بەردەوامیا خوە، دبت کارتێکرنەکا نێگەتیف ل (مرئ) ى، بۆڕیا سەرى یا خوارنێ بکت و هێدی هێدى پویچ بکت و تووشى نەخوەشیێن گران ببت.

گۆتژى: سەبارەت ب دەستنیشانکرنا ڤێ نیشانێ و کویراتیا وێ پێدڤیە نۆژدار دیرۆکا وێ ل دەف نەخوەشى بزانت و دبت پێتڤى ب تیشکێ و نازۆرێژى ببت.

پاشى، باس ل رێکێن چارەسەریێ کرن و گۆت: گەلەک رێک هەنە کۆ مرۆڤ خوە دوورى نەخوەشیێن گەدەى بکت نەخاسمە بەرسوژکێ  وەکۆ:

  • گهۆڕینا شێوازێ ژیانێ و سیستەمێ خوارنێ.
  • بەزاندنا کێشا لەشی ( دوورکەتن ژ قەلەویێ).
  • خوە دوور خستن ژ خوارنێن دبن هۆکارێ بەرسوژکێ.
  • نابت پشتى خوارنێ ئێک سەر خوەدرێژبکن یان ل سەر پشتێ بنڤن هەگەر ب کێماسى 3 دەمژمێڕ نەبۆریبن.
  • دەست بەردان ژ جگارەکێشانێ و ڤەخوارنا مەیێ.
  • باشترە ل دەمێ نڤستنێ بالگیهێ تە بلندبت.
  • دبت نەخوەش پێدڤى ب دەرمانان هەبت و ل دویف نڤیسینا نۆژدارێ تایبەتمەند.
  • ب رێژەیەک گەلەک کێم، دبت نەخوەش پێدڤى ب نشتەرگەریێ ببت.
زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *