خوریانا له‌شی دناڤبه‌را نه‌خۆشی و هه‌ستداریێ‌ دا

نۆش نیوز، له‌زگین جوقی:

تایبه‌تمه‌نده‌كێ‌ نه‌خۆشیێن پیستی ل دهۆكێ‌ دیاركركو گه‌له‌ك جاران دێ‌ بینی كه‌سه‌ك دێ‌ سه‌رێ‌ خوه‌ خورینت پشتی ده‌مه‌كێ‌ كێم ته‌ دیت پشتا خوه‌ یا سینگێ‌ خوه‌ یان ژی ده‌ستێ‌ خوه‌ ژی خوراندن، ئه‌ڤێ‌ چه‌ندێ‌ گه‌له‌ك ئه‌گه‌ر هه‌نه‌ باشتره‌ ئه‌و كه‌س قه‌ستا نۆشدارین پیستی بكه‌ن هه‌كه‌ بۆ ده‌مه‌كێ‌ درێژ ئه‌و خوریان ل وان بمینت هه‌ر جارا پارچه‌كا لاشێ‌ وێ‌ خوریێت داكو بهێنه‌ چاره‌سه‌ركرن.

د. محسن یاسین دۆسكی، تایبه‌تمه‌ندێ‌ نه‌خۆشیێن پیستێ‌ ل دهۆكێ‌ دیاركركو خوریانێ‌ گه‌له‌ك ئه‌گه‌ر هه‌نه‌ ژوانا ژی ئه‌گه‌رێن میكروبی وه‌كو فتریات و گوریبوون وحاله‌ت ژی هه‌نه‌ لیرن ئه‌و خوریانا وه‌كو لیرا لێ‌ دهێت ئه‌ڤه‌ جۆره‌كێ‌ حه‌ساسیێ‌ یه‌ مرۆڤ جۆره‌ كه‌ره‌سته‌كێ‌ خوارنێ‌ یان ده‌رمان یان شرنقه‌ ب كارئیناینه‌ و ره‌نگه‌ ژی جل وبه‌رگ بۆ مرۆڤه‌كێ‌ لیرا دروست بكه‌ن یان ژی ئه‌و كه‌ره‌ستێن مرۆڤ سه‌ره‌ریێ‌ دگه‌ل دا كه‌ت بنه‌ ئه‌گه‌ر لیر بۆ وی كه‌سی دروست ببن و هنده‌ك جاران ژبه‌ر له‌قدانا پێشیه‌كێ‌ بۆ مرۆڤێ‌ زۆر خوریان دروست بیت یان

هه‌كه‌ هات خوریان ژبه‌ر لیرا بیت ره‌نگه‌ ژی ئه‌گه‌رێن وێ‌ نافخۆیی بن و وێ‌ كه‌سی جۆره‌كێ‌ ده‌رمانی یان خوارنی بكارئینابیت ژبه‌ر هندێ‌ لاشی وێ‌ بیته‌ لیر و گۆت: ئه‌و كه‌سێ‌ تووشی لیرا ژی بیت پێدڤیه‌ پشكنینن خوه‌ ئه‌نجام بده‌ت داكو چاره‌سه‌ری بۆ بهێته‌ كرن و چاره‌سه‌ری ژی یا مشه‌یه‌ و چو مه‌ترسی ل سه‌ر پیستێ‌ مرۆڤێ‌ نینه‌ ب تنێ‌ حاله‌ته‌كی لیر ده‌مێ‌ دخوریێن جهێ‌ مه‌ترسیێ‌ نه‌ ئه‌وژی هه‌كه‌ د حه‌فكا مرۆڤێ‌ دا دروست بیت و وه‌ره‌م دروست بیت ل سه‌ر بێهنته‌نگیا مرۆڤی ئه‌ڤ جۆرێ‌ لیران یێ‌ ب ترسه‌ و هه‌كه‌ نه‌ساخ زوو چاره‌سه‌ریا خوه‌ نه‌كه‌ت ره‌نگه‌ بگه‌هیته‌ وی راده‌یی ئه‌و نه‌ساخ پێدڤی فه‌تحه‌كێ‌ ببیت ئه‌و فه‌تحه‌ د حه‌فكێ‌ دا بۆ كێشانا هه‌وایی دهێته‌ چێكرن”.

ئاشكه‌را كر كو مادده‌یه‌ك هه‌یه‌ دبێژنی ئه‌درینالین ئه‌ڤه‌ ماده‌كه‌ دناڤ له‌شێ‌ مرۆڤی دایه‌ هه‌موو كه‌سان ژی ئه‌ڤه‌ هه‌یه‌ ده‌مێ‌ مرۆڤ دچیته‌ به‌ر هه‌تاڤێ‌ زێده‌بیت یان ژی ده‌مێ‌ مرۆڤ وه‌رزشێ‌ ئه‌نجام دده‌ت ئه‌و ماده‌ زێده‌دبیت، ئه‌ڤه‌ دبیته‌ حه‌ساسی بۆ مرۆڤێ‌ و ئه‌ڤ جۆری حه‌ساسیێ‌ وه‌كو ده‌رزیكایه‌ مرۆڤ هه‌ست پێ‌ دكه‌ت ده‌رزیك دچنه‌ لاشێ‌ مرۆڤی را وهنده‌ك جاران ل ده‌مێ‌ ب كارئینانا ئاڤ گه‌رم ژی وه‌ل مرۆڤی دهێت و خوریان دروست بیت.

د. محسن گۆت: هه‌كه‌ مرۆڤی چو ئاریشێن پیستی نه‌بن نورماله‌ ئاڤا گه‌رم بكاربینت بۆ سه‌رشووتنێ‌، به‌لێ‌ هه‌كه‌ مرۆڤی حه‌ساسی یان لیر هه‌بن ب تایبه‌تی ژی دڤی وه‌رزی دا ئاڤا تێهن شیر، ئانكو نه‌یا گه‌رم بیت ونه‌یا ته‌زی بیت دشێت بكاربینت، چونكو هه‌كه‌ ئاڤا گه‌رم بكاربینت لیر لاشی مرۆڤێ‌ زێده‌بن و هه‌كه‌ هات مرۆڤێ‌ لیر هه‌بن ئه‌و لیر سۆرتر لێ‌ دهێن و چو چاره‌سه‌ریێن ب ساناهی ژی نینن، هه‌كه‌ مرۆڤی لیر هه‌بن ئاڤه‌كا ته‌زی بۆ لاشێ‌ خوه‌ بكاربینت وبچته‌ به‌ر هه‌وایێ‌ ته‌زی و كه‌ره‌ستێن ترش و تیژ نه‌خۆت دێ‌ ژێ‌ هێته‌ پاراستن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *