به‌رسڤێن پێنج ژ گرنگترین ئاریشێن سێسكی ل ده‌ڤ زه‌لامان

نوش نيوز:

• هنده‌ك كه‌س هه‌نه‌ چه‌ندین جورێن مرهه‌م و بخاخان ب كاردئینن وه‌كو چاره‌سه‌ری كو ئاڤا وان زووكا نه‌هێت، ئه‌رێ‌ مفایه‌ك د كارئینانا وان دا هه‌یه‌ و چ سه‌ربارك ژێ‌ په‌یدادبن؟

به‌رسڤ: زوو هاتنا ئاڤا زه‌لامی یان ب له‌ز هاتنا وێ‌، رامان ژێ‌ ئه‌وه‌ كو ئاڤا زه‌لامی دهێت به‌ری هه‌ردو لا بگه‌هنه‌ خوشیا سێكسی، ئه‌ڤه‌ ل ده‌ڤ هنده‌ك كه‌سان دبیته‌ ئه‌گه‌رێ‌ ئاریشه‌یێن ده‌روونی و ئاریشه‌یێن خێزانی ژی ژێ‌ په‌یدادبن، ئه‌ڤه‌ نه‌ نه‌خۆشی یه‌، به‌لێ‌ ل ده‌ڤ كوران په‌یدادبیت و ب تایبه‌ت ژی ل ده‌مێ‌ ده‌ستپێكێ‌ دبنه‌ خودان هه‌ڤژین و دبیت ژی ب ڤه‌كێشیت، چاره‌سه‌ریا وێ‌ ل پتریا ده‌مان ئه‌وه‌ كو هه‌ڤژینا وی پیچه‌ك هاریكاریا وی بكه‌ت، دا پیچه‌كێ‌ گیرو ببیت و هه‌لبه‌ت دشیاندایه‌ زه‌لام مرهه‌م و بخاخان ب كاربینیت كو پیچه‌ك ژ فیریانا وی یا سێكسی گیرو دكه‌ن و چ سه‌ربارك ژڤێ‌ چه‌ندێ‌ په‌یدانابن.

• هنده‌ك گازنده‌یان دكه‌ن كو ئاڤا وان زووكا ناهێت، ئه‌گه‌رێن ڤێ‌ چه‌ندێ‌ چنه‌ و چ چاره‌سه‌ری هه‌یه‌؟

به‌رسڤ: هه‌تا كو ئاڤا زه‌لامی ب دروستی بهێت، پێدڤی یه‌ سه‌مامێ‌ ژناڤدا بهێته‌ گرتن و ئه‌و زه‌ڤله‌كێن ل دورماندور ئه‌ندامێ‌ سێكسی ته‌نكبوون بكه‌ڤیتێ‌ دماوێ‌ سێكسی دا و هه‌ر ئالوزیه‌ك دڤان هه‌ردو كریاران دا دێ‌ بیته‌ ئه‌گه‌ر زه‌لام خوشیێ‌ ژ سێكسی نه‌بینیت، هنده‌ك جاران نه‌خوشیێن تووشی كۆئه‌ندامێ‌ ده‌ماران دبن دگه‌ل خوارنا هنده‌ك ده‌رمانان، یانژی نشته‌رگه‌ریێن پروستاتان و ئه‌ندامێ‌ سێكسی دبنه‌ ئه‌گه‌رێ‌ ڤێ‌ چه‌ندێ‌ و هنده‌ك جاران ژی ئه‌گه‌ر زه‌لام ب زه‌حمه‌ت گه‌هشته‌ خوشیا سێكسی یان رێكا دروست یا كریارا سێكسی نه‌زانیت دبیته‌ ئه‌ڤ چه‌نده‌ په‌یداببیت.

• ئه‌رێ‌ هه‌بوونا خوریانێ‌ د ئه‌ندامێ‌ سێكسی دا نیشانا هه‌بوونا نه‌خۆشیه‌كا سێكسی یه‌؟

به‌رسڤ: خوریان د ئه‌ندامێ‌ سێكسی دا وه‌كو هه‌ر خوریانه‌كا دیتره‌ د له‌شیدا و دبیت چ ئه‌گه‌ر بو نه‌بن ب تایبه‌ت ئه‌گه‌ر خوریان یا وه‌ختی بیت دبیت ئه‌گه‌ره‌كێ‌ پیستی هه‌بیت وه‌كو هه‌ستداریێ‌ یان فتریاتا و هه‌ودانێن پیستی و دبیت ژی هنده‌ك ده‌رمان یان هه‌ودانێن سێكسی ببنه‌ ئه‌گه‌رێ‌ خوریانێ‌.

• ئه‌گه‌رێن وه‌رمینا ئه‌ندامێ‌ سێكسی چنه‌؟

به‌رسڤ: ئه‌گه‌رێن وه‌رمینا ئه‌ندامێ‌ سێكسی یان گرێدای پشكه‌كا له‌شی یه‌ وه‌ك ژ كاركه‌تنا دلی یان گولچیسكان, یانژی ژئه‌گه‌ره‌كێ‌ خو جهی وه‌ك هه‌ستداری و هه‌ودانان و نه‌خوشیێن پیس یانژی دبیت ژئه‌گه‌رێ‌ شكه‌ستنا ئه‌ندامێ‌ سێكسی بیت و هنده‌ك جاران ژی ژبه‌ركو زه‌لام كریارا سێكسی گه‌له‌كدرێژ دكه‌ت دبیته‌ ئه‌گه‌رێ‌ وه‌رمینێ‌.

• ئه‌گه‌ر خوین دگه‌ل ئاڤا زه‌لامی ب ده‌ركه‌ڤیت چ ئه‌گه‌ر هه‌نه‌؟

به‌رسڤ: ده‌ركه‌فتنا خوینێ‌ دگه‌ل ئاڤا زه‌لامی، نیشانه‌كا نه‌ئاسایی یه‌ و پێدڤی ب دووڤچونێ‌ هه‌یه‌ و گه‌له‌ك ئه‌گه‌ر ژی بۆ وێ‌ چه‌ندێ‌ هه‌نه‌ وه‌ك هه‌ودانا پروستاتان و هه‌ودانێن ئه‌ندامێ‌ نێرینه‌ و هنده‌ك جاران ژی پشتی نشته‌رگه‌ریێن پرۆستاتان ئه‌ڤ حاله‌ته‌ په‌یدادبن و هه‌روه‌سان په‌نجه‌شێرا پروستاتان دبیته‌ ئه‌گه‌رێ‌ وێ‌ چه‌ندێ‌ و دیسان خوارنا ده‌رمانێن دژی جه‌لتا خوینێ‌ و نه‌خۆشیێن كو خوین به‌ربوونێ‌ په‌یدادكه‌ن دبنه‌ ئه‌گه‌ر خوین دگه‌ل ئاڤا زه‌لامی بهێت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *