ئه‌رێ‌ تو كه‌سه‌كی د نیاسی جگاره‌یان بكێشیت و بێ‌ مننه‌ت هه‌موو تشته‌كی بخۆت؟

نوش نيوز:

ل به‌راهیێ‌ پێدڤیه‌ مرۆڤ هزر د وێ‌ چه‌ندێ‌ دا بكه‌ت كا ئه‌وێن تووشی نه‌خۆشیێن دلی بووین چ لێ‌ قه‌ومایه‌؟ ئه‌رێ‌ تو كه‌سه‌كی د نیاسی كو جگاره‌یان بكێشیت و زێره‌ڤانیا كێشا له‌شێ‌ خۆ نه‌كه‌ت و بێ‌ مننه‌ت هه‌موو تشته‌كی دخۆت؟ ب راستی گه‌له‌ك یا ب زه‌حمه‌ته‌ ئه‌م هه‌لسه‌نگاندنا وان كه‌سان بكه‌ین ئه‌وێن تووشی مه‌ترسیێن ئێشێن دلی دبن، هه‌كه‌ ئه‌م ته‌ماشه‌ی پتریا خه‌لكی ژی بكه‌ین دێ‌ دیاربیت كو گه‌له‌ك كه‌سێن نورمال ژی د مه‌ترسیێ‌ دانه‌ ژوانژی گه‌له‌ك هه‌نه‌ تووشی نه‌خۆشیا شه‌كرێ‌ و بلندبوونا كولیسترولی و فشارا خوینێ‌ بووینه‌ و ل گه‌ل وێ‌ چه‌ندێ‌ جگاركێشن و وه‌رزشێ‌ ژی ئه‌نجام ناده‌ن، راسته‌ كو خوارنا گیزان و ب كارئینانا زه‌یتێ‌ تاراده‌یه‌كی دێ‌ هاریكاریا ڤان كه‌سان كه‌ن بۆ كێمكرنا مه‌ترسیان، به‌لێ‌ چ حه‌ب یان خوارنێن ده‌ستنیشانكری نینن كو نه‌خۆشی ئێكسه‌ر چاره‌بكه‌ن و هه‌كه‌ نه‌خۆش پارێزا خۆ نه‌كه‌ت دێ‌ مه‌ترسیا به‌رده‌وام ل سه‌ر هه‌بیت.

له‌ورا پێدڤی یه‌ هنده‌ك پێنگاڤان ب جهبینی داكو راده‌یه‌ك بۆ مه‌ترسیێن نه‌خۆشیێن دلی بهێته‌ دانان، به‌لێ‌ جارێ‌ پێدڤیه‌ تو بزانی كا ئه‌و چ مه‌ترسینه‌، ئه‌وژی ( ره‌گه‌ز، ژیێ‌ مرۆڤی و مێژوویا هه‌بوونا ڤان نه‌خۆشیان د خێزانێ‌ دا) كو هه‌موو د جێگیركری نه‌ و مرۆڤ نه‌شێت كونترۆلێ‌ ل سه‌ر بكه‌ت، ئه‌و كاریگه‌رێن مرۆڤی شیان هه‌بن ل سه‌ر زال ببیت پێكهاتینه‌ ژ بلندبوونا ئاستێ‌ كولیسترولی و روینان د خوینێ‌ دا و جگاره‌كێشان و كێم چالاكی و و قه‌له‌وی و فشارێن ده‌روونی.

هنده‌ك په‌یامێن پزیشكی هه‌نه‌ بۆ وان كه‌سێن ل دووڤ شێوازه‌كێ‌ ساخله‌میێ‌ دچن وه‌كو رێڤه‌چوون و مه‌له‌ڤانی كرنێ‌ ، ئه‌وژی ئه‌وه‌ ئه‌ڤ چالاكیه‌ راده‌یه‌كی بۆ مه‌ترسیێن تووشبونێ‌ ب نه‌خوشیێن دلی دادنن و ب رێكا وان دشیاندایه‌ گه‌له‌ك مفایێن ساخله‌میێ‌ بده‌ستڤه‌ بینین وه‌كو كێمكرنا سه‌نگی و ئاستێ‌ كولیسترولی و روینان دخوینێ‌ دا.

سێ‌ كاریگه‌رێن سه‌ره‌كی یێن مه‌ترسیێ‌ هه‌نه‌ ( ئاستێ‌ كولیسترولی و بلندبوونا فشارا خوینێ‌ و جگاره‌كێشان) و هه‌ر ئێك ژوان تێرا خۆ مه‌ترسی هه‌نه‌، هه‌كه‌ ته‌ پتر ژ كاریگه‌ره‌كێ‌ ب مه‌ترسی هه‌بیت هه‌لبه‌ت دێ‌ زه‌نگلا مه‌ترسیێ‌ ژی ل ده‌ڤ ته‌ پتر بیت ژبه‌ركو زیان دێ‌ پتر كومڤه‌بیت، بلندبوونا رێژا كولیسترولی رامان ژێ‌ ئه‌وه‌ كو مه‌ترسیه‌ك یا هه‌ی، و بلندبوونا فشارا خوینێ‌ ل گه‌ل یا كولیسترولی رامان ژێ‌ ئه‌وه‌ كو ئه‌ڤ مه‌ترسیه‌ دوحارا پتر لێ‌ دهێت، به‌لێ‌ بلندبوونا رێژا كولیسترولی و ل گه‌ل یا فشارا خوینێ‌ و جگاره‌كێشانژی دێ‌ ڤێ‌ مه‌ترسیێ‌ چوار جاران پتر لێ‌ كه‌ت.

به‌لێ‌ دشیاندایه‌ راده‌یه‌كی بۆ ڤان مه‌ترسیان بدانین ب دووڤچوونا ڤان هه‌ر چوار ره‌فتاران داكو جوداهیه‌ك بكه‌ڤیته‌ ژیانا مه‌ و بلا ژبیر نه‌كه‌ین كو ژبلی رێنمایێن پزیشكی گه‌له‌ك كار هه‌نه‌ تو بخو دشێی ئه‌نجام بده‌ی، به‌لێ‌ دێ‌ هه‌ر ته‌ پێدڤی ب هاریكاریا وانژی بیت، ره‌نگه‌ نوشدار ده‌رمانان بۆ ته‌ بنڤیسیت و ل گه‌ل دا بێژیته‌ دێ‌ چاوان ب كارئینی و یا ل سه‌ر ته‌ژی پێدڤیه‌ ب شێوازه‌كێ‌ دروستی هه‌موو رێنمایێن گرێدای ته‌ بجهبینی.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *