گه‌له‌ك نه‌خۆش چاره‌سه‌یا به‌ركێن گولچیسكان ب گرنگی وه‌رناگرن

نوش نيوز، له‌زگین جوقی:

تایبه‌تمه‌نده‌كێ‌ نه‌خۆشیێن كولیچیسك و نه‌زوكیێ‌ و پرۆستاتان دیاركر گه‌له‌ك جۆرین به‌ركی هه‌نه‌ و پتر یێن كالسیوم ئوكزالیت وكالسیۆم فوسفوت، ئه‌ڤ جۆره‌ گه‌له‌ك دمشه‌نه‌ و رێژا وان دگه‌هیته‌ 75%، هه‌روه‌سا جۆره‌كێ‌ دی هه‌یه‌ دبێژنێ‌ یوریك ئه‌سید، ئه‌ڤه‌ پتر ژ پرۆتیناتان دروست دبیت و رێژا وی دگه‌هیته‌ 10%، یێن دییتر ژی رێژا وان كێمتره‌.

د. خالس سه‌بری هه‌سنی، تایبه‌تمه‌ندێ‌ نه‌خۆشیێن گولچیسك و نه‌زوكی و پرۆستاتان دیاركر كو ده‌مێ‌ به‌رك دهێته‌ خار و دگه‌هیته‌ دناڤ حالبی دا ئێشانه‌كا زۆر دژوار بۆ نه‌ساخی دروست بیت و ئه‌ڤه‌ ژی دبیت دلرابوون بۆ نه‌ساخی چێببیت، یانژی ره‌نگێ‌ میزێ‌ بهێته‌ گوهۆرین و به‌ر ب سۆربوونێ‌ ڤه‌ بچیت ژبه‌ر خوینبه‌ربوونێ‌ د گولچیسكێ‌ دا كو جۆره‌كێ‌ خوینێ‌ ده‌ردكه‌ڤیت و هه‌كه‌ ئه‌ڤ نیشانه‌ نه‌بن هنده‌ك نیشانێن دی هه‌نه‌ ره‌نگه‌ نه‌ساخی كولبوونا ده‌ست ئاڤێ‌ یا به‌رده‌وام بو چێببیت و هنده‌ك حاله‌ت هه‌نه‌ هه‌كه‌ به‌رك بهێته‌ پشت گوه هاڤێتن ره‌نگه‌ گولچیسكا نه‌ساخی راوه‌ستینت و ئه‌ڤه‌ دێ‌ پێدڤی ب شووشتنا گولچیسكان بیت وخه‌لك هه‌یه‌ گرنگیێ‌ ب چاره‌سه‌ریا به‌ركی ناده‌ن، ئه‌و به‌رك مه‌زن دبیت هه‌تا ژ پێنج ملمان دگه‌هیته‌ پێنج سانتیمان ژی كو مه‌ یێ‌ دیتی به‌رك وه‌سا یێ‌ مه‌زن بووی ده‌ڤ نه‌ساخان و ب زه‌حمه‌ت دكه‌ڤیت، چه‌ند به‌رك بچووك بیت چاره‌سه‌ریا وی ب ساناهیتره‌، چونكو چه‌ند به‌رك مه‌زن ببیت چاره‌سه‌ری ژی ب زه‌حمه‌ت دكه‌ڤیت.

ئاشكه‌را كر كو ده‌ست نیشانكرنا به‌ركا گه‌له‌ك ساناهیی یه‌ ل پارێزگه‌ها دهۆكێ‌ و هه‌موو جهان سونار یا هه‌ی نه‌ساخ دشێت بگریت و ب رێژا 95% به‌ركی گولیچسكا دا ده‌ست نێشان دكه‌ت، به‌لێ‌ به‌ركێن حالبی دا ره‌نگه‌ ئه‌و پیچه‌كێ‌ زه‌حمه‌تربیت هه‌تا دهێته‌ ده‌ستنیشانكرن، ئه‌وژی هه‌كه‌ به‌رك ژ پێنج ملمان مه‌زنتر بیت، هه‌روه‌سا تێشكا نورمال ژی دشێت به‌ركی دیاربكه‌ت وب رێیا مفراسی زۆر باشتر به‌رك دهێته‌ ده‌ستنیشانكرن، ئه‌ڤه‌ژی بۆ وان كه‌سان دهێته‌ گرتن هه‌كه‌ سونارێ‌ و تیشكێ‌ به‌رك ده‌ستنیشان نه‌كر دحالبی دا ب رێیا مفراسی دهێته‌ ده‌ستنیشانكرن وچاره‌سه‌ری ژی ل دووڤ مه‌زنی وبچووكیا به‌ركی و جۆرێ‌ به‌ركی و ژیێ‌ نه‌خۆشی دمینیت، ئه‌ڤه‌ هه‌موو بۆ چاره‌سه‌ریا به‌ركی دگرنگن، بۆ نموونه‌ ژی هه‌كه‌ كه‌سه‌كێ‌ به‌ركێ‌ پێنج ملم كولیچسكی دا هه‌بیت چاره‌سه‌ریا وی رێیا هنده‌ك ده‌رمانانه‌ و هه‌كه‌ مه‌زنتر بیت سانتیمه‌ك و دو سانتیم ئه‌م دشێین ب رێیا لێزه‌رێ‌ چاره‌سه‌ر بكه‌ین و ئه‌و به‌رك دهێته‌ شكاندن، به‌لێ‌ یا گرنگ ئه‌وه‌ نه‌ساخ چاڤدێریا خوه‌ بكه‌ت و گه‌له‌ك نه‌ساخ هه‌نه‌ ده‌مێ‌ به‌ركێ‌ وان دهێته‌ شكاندن خه‌مساریێ‌ دكه‌ن و پشتی بوورینا ده‌می دێ‌ هێن و بێژن به‌رك یێ‌ چیبوویه‌ڤه‌ ئه‌و بخوه‌ دبیت هێشتا به‌رك جارا ئێكی بیت، چونكو وی نه‌ساخی چاڤدیریا خوه‌ نه‌كریه‌ و ل دهۆكێ‌ هه‌موو جۆرین چاره‌سه‌ری بۆ به‌ركێ‌ هه‌نه‌.

خۆیا ژی كركو یا گه‌نگ ئه‌وه‌ بۆ نه‌ساخی ده‌مێ‌ به‌ركێ‌ خوه‌ چاره‌سه‌ردكه‌ت ب هه‌ر رێیه‌كا هه‌بیت دێ‌ چ كه‌ت هه‌تا جاره‌كا دی به‌ركێ‌ وی شین نه‌بیت و جاره‌كا دی ئه‌و به‌رك چێنه‌بیت؟ ئه‌وژی پێدڤیه‌ نه‌ساخ گه‌له‌ك ئاڤێ‌ ڤه‌خۆت كو ئه‌و میزا ده‌ركه‌ڤت دو لیتر و نیڤ بن، ئه‌ڤه‌ یا زه‌حمه‌ته‌، لێ‌ هه‌كه‌ خه‌لك بكاربینن به‌رك بۆ وان چێنابن ئه‌وێن به‌رك ژی هه‌ین، جاره‌كا دی به‌ركێ‌ وی شین نابیت، هه‌روه‌سا سیراتیێ‌ گه‌له‌ك خرابیێن خوه‌ هه‌نه‌ و پێدڤیه‌ نه‌ساخ سیراتیێ‌ كێم بكه‌ن و پرۆتینان ژی كێم بكه‌ت، وه‌كو نیسك و نوك ئه‌و خارنێن دی یێن پرۆتین بن هه‌روه‌سا ئه‌نجامدانا وه‌رزشێ‌ ژی زۆر یا باشه‌.

گۆتژی: به‌رك هه‌یه‌ ژ خوینێ‌ دروست دبیت بۆ هنده‌ك كه‌سان بۆ نموونه‌ هه‌كه‌ كرێكاره‌ك ل به‌ر هه‌تاڤی كاربكه‌ت و ئاڤێ‌ ڤه‌نه‌خۆت ئه‌ڤه‌ بیته‌ ئه‌گه‌ر گولچسیكێن وی هشك ببن و دێ‌ به‌ركێن وێ‌ شین بیت و حاله‌ت ژی هه‌نه‌ كه‌س چو كاران ژی ناكه‌ت وئاڤێ‌ نا ڤه‌خۆت و هنده‌ك كه‌س هنده‌ك جۆرێن خوارنا دخۆن بۆ وان ژبه‌ر وان خوارنا به‌رك چێدبیت ڤه‌خوارنا رێژه‌كا زۆر ئاڤێ‌ زۆر یا گرنگه‌ بۆ هه‌موو وه‌لاتیان.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *