نوش نيوز پێزانينێن نوو ل سه‌ر ميرخچكان به‌لاڤ دكه‌ت

نوش نيوز، ئدریس ئاسیهى:

د. سه‌عید خه‌مو تاییبەتمەندێ نەخوەشیێن زارۆيان دياركر كو میرخچک، نەخوەشیەکا ڤایرۆسى یە (ڤەگرە)و هەمى تەمەنان ڤەدگرت، بەرى ڤاکسینا دژى ڤایرۆسێ (VZV) هۆکارێ ڤێ نەخوەشیێ بهێت دەرەهیکرن دهاتە هژمارتن ژ نەخوەشیێن گەلەک بەربەلاڤ، لێ نهۆ ڤاکسین ل پتریا بنگەهان دهێن وەرگرتن.

دکتۆر سعید دبێژت: خوەریانەکا دژوار و دیاربوونا پنییێن سۆر ل زاڕووکى دەردکەڤن پشتى 10 – 21  ڕۆژان ژ رۆژاتۆشبوونێ ب ڤایرۆسى و ل بەراهیێ پرزکێن بلند و دوورگرتى ب سۆراتیێ، سەر و چاڤان دگرن و پاشى دناڤ پرچێ دا و پاشى ب شێوەیەک لەزگین ل هەمى جەستەى بەڵاڤ دبن  دگەل گەرماتیا لەشى.

وگۆت: جاران دگەل دەرکەتنا نیشانین میرخچکان، هندەک حالەتێن وەکۆ ( رەبۆ و نەخوەشێن پیستى یێن دوومدرێژ وەکۆ ئەگزیمایێ ) پێویستى ب نڤاندنێ ل نەخوەشخانێ هەیە و هندەک دەرمان وەکۆ چارەسەرى بۆ دهێن نڤیسین و د بن چاڤدێرییا نۆژدارێ تایبەتمەند ڤە بۆ ماوێ دوو ڕۆژان دمینت.

دەربارەى گوهدانا زاڕووکى ل مالێ نۆژداری گۆت:

  • ب چ حال هەبت باشترە پلا گەرماتیا زاڕووکى بهێت خوار، ئەوژى پەراسیتۆل باشە، لێ ل گۆڕ ئامووژگاریا نۆژدارى و نابت ماددێ ئەسپرین بۆ بهێت دان.
  • رێ گرتنا خوارندنا لەشى بۆ رێگرى ل هەودانێ .
  • بڕینا نینۆکان دا کۆ چو بواران ل پشت خوە نەهێلت.
  • شویشتنا سەرى بتنێ ب ئاڤ و صابوونان، بێى ب کار ئینانا لیفى.
  • دانا دەرمانەکێ دژى هەستیاریێ ل ژێر ئامووژگاریێن نۆشدارى.
  • ڤەدەرکرنا زاڕووکى تاکۆ ب دروستاهى چارەببت.
  • دەمىێ ڤەگرتنا و بەلاڤبوونا نەخەوشیێ ژ 1 – 2 رۆژان بەرى سۆربوونا پیستى و دوومدکت هەتا کۆ 5 – 7 رۆژان .

کەنگى پێویسە سەرەدانا نۆژدارى بهێت کرن؟

نۆژدارى گۆت: پتریا حالەتان پێویستى ب سەرەدانا نۆژدارى نینە و هەمى گڤاشتن و نیشان ب خوە پاش دکەڤن و نەخوەشى ب دووماهیک دهیت، تەنێ ئەڤ حالەت نەبن:

  • بلندبوونا پلا گەرماتیێ پتر ژ 39 پلەیانا.
  • هەگەر گەرماتی دەربازى 4 رۆژان بۆ.
  • هەگەر زاڕووک تووشى نەخوەشیەکا پیستى بۆ دگەل ڤێ نەخوەشیێ.

سەبارە ب لاوازى و پاشمایێن دویف نەخوەشیێ، نۆژدارى گۆت:

پتریا حالەتان چو پاشمایێن لاوازیێ ل دویڤ خوە ناهێلن، لێ جاران ژ ئەنجامێ خوەراندنێ و چەند هۆکارەکان هەودانا پییستى یا بەکتیرى دروست دبت و پێویستى ب چارەسەریێ هەیە و ب رێژەیەکا گەلەک کێم ئەوژى هەگەر بەڕەڤانیا زاڕووکى چالاک نەبت، دبت میرخچک ببن هۆکارێ نەخوەشیەکا میشکى.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *