تايبه‌تمه‌نده‌كێ نشته‌رگه‌ريێن گشتى به‌حس ل (فتق)ێ ل ده‌ف زارۆيا دكه‌ت

نوش نيوز، ئدریس ئاسیهى:

د. به‌شار زاهر حه‌سه‌ن، تایبەتمەندێ نشتەرگەریا گشتى ديار كر كو (فتق) نەخوەشیەکا زکماکى نینە، بەلکۆ ژ ئەگەرێ تەنکبوون و لاوازییا ڕوویێ ژناڤ زکی دایە و دگەل هەر گڤاشتنەکا دەرەکى یان ژناڤدا، ببيت هۆکارێ ڤەبوونێ(فتقێ)؛ جاران پشتى شەش مەهان ژ دایکبوونێ، نیشان ب بلندبوونا جهەک تایبەت یان دووجهان دەر دکەڤن یانژى پشتى ب سالەکێ.

گۆتژى: فتقێ دوو جووڕ هەنە، جووڕێ ئێکێ فتقا پشتى ژ دایکبوونێ ویا دوویێ، د ژیەک مەزن دا دەردکەڤت لێ هەر گرێداى زاڕووکینیێ یە، ئانکۆ دبت چو ئێشان و نیشانێن دەرەکى د زاڕووکینیێ دا نەبن و دگەل خودانى مەزن ببن هەتا کۆ گڤاشتن لسەر دهێت کرن ژنوو پەیدا دبت.

و گۆت: چو جاران فتق خوەبخوە چارەنابت بێی نشتەرگەرى ب تایبەت هەگەر ئاڤ د گەل داببت و گرنگە بەرى سالەکێ نشتەرگەری بهێت ئەنجامدان، و سەبارەت ب فتقا نافکێ، جاران خوە بخوە د زڤڕت، بەلێ هەگەر ژ سالەکێ دەربازبوو دڤیا ب نشتەرگەریێ بهێت چارەکرن.

دکتۆرى بەحس ل مەترسیێ کر و گۆت: فتق دگەل کۆچا گونى ( هندابوونا کتەک یان هەردووگونان) ل دەف زاڕووکى، دبت ل پاشەڕۆژێ لاوازى و کێماسییان ل دویڤخوە بهێلت لەوا پێدڤیە چارەسەرکرنا زاڕووکى بەرى دوو سالیێ بهێت کرن.

گۆتژى: هەگەر د دەمەک نێزیک دا نشتەرگەرى بهێت ئەنجامدان، گەلەک ئاسانترە گەر گیرۆ بوو.

دا زانين ژى كو هەر بلندبوون و مەزنبوونەکا لەزگین د جهێ فتقێ دا دیار بوو، نیشانێن داکەتنا ڕویڤیکانە د ناڤا جهێ فتقێ دا و دبت مەترسى، یانژى هەگەر ئەو جهه شین بوو، نیشانێن گرتنا ڕویڤیکانە و ب هەردوو حالەتان دڤیا دەملدەست نشتەرگەرى بهێت ئەنجامدان.

دکتۆرى بەحس ل باشما ولاوازیێن فتقێ کر وگۆت:

فتق دبت، ببت هۆکارێ:

  • گرتنا رویڤیکان.
  • گانگێرییا رویڤیکان.
  • گڤاشتنێن لسەر گونان.
  • هەودان.

لەوا ل داویێ د ئامۆژگاریێن خوە دا گوت:

لسەر دایبان فەرە چاڤدێریا جەستەیێ زاڕووکێ خوە بکن چ کچ بت یان کوڕ و هەردەمێ نیشانێن فتقێ ل وان دیار بوون، باشترە ب زویترین دەم سەرەدانا نۆژدارى بکن.

 گوتژى: نشتەرگەریا فتقێ گەلک ئاسانە و پتریا نشتەرگەریێن ئەم دکن ئەڤ حالەتەنە و بتنێ 10 تا 15 خۆلەکان گیرۆ دبت و ئەڤ نشتەرگەریە هیچ پاشمایێن لاواز ل دویڤ خوە ناهێلت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *