نۆشداره‌ك به‌حسێ‌ جورعێن په‌نجه‌شێری دكه‌ت

نۆش نیوز، له‌زگین جوقی:

تایبه‌تمه‌نده‌كێ‌ نه‌خۆشیێن په‌نجه‌شێری ل دهۆكێ‌ دیاركركو گه‌له‌ك جۆرێن چاره‌سه‌ریێ‌ بۆ په‌نچه‌شێرێ‌ هه‌نه‌ ئه‌م هه‌موو هه‌ولا دكه‌ین ئه‌ڤ نه‌خۆشیه‌ زوو بهێـته‌ ده‌ستنیشانكرن، چونكو هه‌كه‌ زوو بهێته‌ ده‌ستنیشانكرن دێ‌ نه‌خۆش ژ مه‌ترسیا په‌نجه‌شێرێ‌ قورتال بیت دێ‌ ژیانا خوه‌ ئاسای ب رێڤه‌به‌ن .

د. ره‌زڤان فه‌یسه‌ل عه‌بدولجه‌بار، تایبه‌تمه‌ندێ‌ نه‌خۆشیێن په‌نجه‌شێرێ‌ ل دهۆكێ‌ دیاركر كو په‌نجه‌شێرا مه‌مكی ئێكه‌ ژ نه‌خۆشیێن به‌ربه‌لاڤ دناڤ خه‌لكی دا بتایبه‌تی ژی ل ده‌ڤ ژنان، پتریا ژنان تووشی په‌نجه‌شێرا مه‌مكی دبن و نوكه‌ ل دهۆكێ‌ ئه‌ڤ نه‌خۆشیه‌ ب گه‌له‌ك رێیا دهێته‌ چاره‌سه‌ركرن، وه‌كو چاره‌سه‌ریا كیمیاوی و نشته‌گه‌ری و هورمۆنی و چاره‌سه‌ریا به‌رگریێ‌(مه‌ناعی) و چاره‌سه‌ریا تێشكێ‌، و گۆت: ب شێوه‌یه‌كێ‌ گشتی هه‌ر هنده‌ك نه‌خۆش پێدڤی ب هنده‌ك ژڤان جۆرێن چاره‌سه‌ریێ‌ دبن، به‌لێ‌ چه‌ند نه‌خۆش زووتر بهێته‌ نۆشدارێ‌ تایبه‌تمه‌ند بۆ نه‌خۆشی باشتره‌ و دێ‌ ژ مه‌ترسیا په‌نچه‌شێری دهێته‌ رزگاركرن.

ئاشكه‌را كركو هه‌موو ژن دشێن ل مالێن خوه‌ پشكنینا سینگێ‌ خوه‌ بكه‌ن، هه‌كه‌ دیتن گوهۆرینه‌ك وه‌كو پفبوون یان بادانبوون یانژی گرێ‌ و كورجبوون وسۆربوون و برینداربوون و چرمسینێ‌ ببن، یان هه‌ر تشته‌كێ‌ ل پیستی مه‌مكی دیاربیت باشتره‌ زوو قه‌ستا نۆشداری بكه‌ن و گۆتژی: نه‌ هه‌ر گوهۆرینه‌كا دمه‌مكی دا دروست دبیت، ئه‌و نیشانا په‌نجه‌شێرێ‌ یه‌، نه‌خێر هه‌موو گوهۆرین نه‌ نیشانێن په‌نجه‌شێرێ‌ نه‌، وه‌كو زێده‌بوونا گۆشتی یان قونێرا مه‌مكی یانژی كولبوون یانژی بوركه‌به‌ز.

دیاركر كو هه‌كه‌ نه‌خۆشیا په‌نجه‌شێری هه‌تا بن كه‌ڤشێ‌ نه‌خۆشی بچیت نه‌چووبیته‌ وه‌كو جهێ‌ میلاكێ‌ و سیها سۆر هیڤیا چاره‌سه‌ریێ‌ هه‌یه‌، نه‌خۆش ژ نه‌خۆشیا خوه‌ رزگارببیت و به‌هرا پتر ل جیهانێ‌ و ل دهۆكێ‌ ژی ئه‌م دوێ‌ باوه‌ریێ‌ داینه‌ چاره‌سه‌ریا نشته‌گه‌ری بۆ نه‌خۆشی بهێته‌كرن داكو مه‌مكێ‌ نه‌خۆشێ‌ نه‌هێته‌ ژێڤه‌كرن، نه‌خاسمه‌ ژی كه‌سێن گه‌نج چاڤێ‌ وان ل هندێ‌ یه‌ سینگێ‌ وان نه‌هێته‌ ژێڤه‌كرن هه‌كه‌ نشته‌گه‌ری بۆ بهێته‌ كرن باشتره‌.

ته‌كه‌ز كر كو په‌نجه‌شێرا مه‌مكی لسه‌ر چار قۆناغان دهێته‌ ده‌ستنیشانكرن كو قوناغا ئێكی یا بچووكه‌ و ل جهێ‌ خوه‌ دایه‌ و قۆناغا دوێ‌ ژی یا مه‌زنه‌ و د جهێ‌ خوه‌ دایه‌ و قۆناغا سیێ‌ ژی بچووكه‌ یان مه‌زن به‌س هه‌تا بن كه‌ڤشێ‌ نه‌خۆشی چوویه‌ و قۆناغا چارێ‌ ژی ئه‌و ئه‌ڤ نه‌خۆشیا یا به‌ربه‌لاڤبووی و چه‌ند گرێك بچووك بیت زووتر نه‌خۆش دهێته‌ چاره‌سه‌ركرن، هه‌تا بتنێ‌ د سینگی دا نه‌بیت نه‌چووبیته‌ بن گه‌ڤشی دا و گۆت: شیوه‌یه‌كێ‌ گشتی چار جورعه‌ هه‌نه‌ بۆ وی نه‌خۆشی و هه‌كه‌ هه‌تا بن كه‌ڤشی چو بیت هه‌تا هه‌شت جۆرعه‌ نه‌خۆش وه‌ردگریت .

د. ره‌زڤان ئه‌وژی دیاركركو ل دووڤ پشكنینا نه‌خۆشی دیاردبیت كا چ جۆرێ‌ په‌نجه‌شێرێ‌ یه‌، هه‌كه‌ په‌نجه‌شێرا مه‌ناعی بیت ئه‌و هه‌تا ساله‌كێ‌ چاره‌سه‌ریێ‌ وه‌ردگریت یانژی هه‌كه‌ گرێك یا مه‌زن بیت وسینگێ‌ خوه‌ ژێڤه‌نه‌كه‌ت هه‌یڤه‌كێ‌ چاره‌سه‌ریا تیشكێ‌ ژی وه‌ردگریت، هه‌روه‌سا هه‌كه‌ هورموون نێكه‌تیف بیت یان پوزه‌تیف بیت پینج سالا هه‌تا 10 سالا چاره‌سه‌ریا هورمۆنی وه‌ردگریت ب شێوه‌یه‌كێ‌ گشتی هه‌ر جۆره‌كی نه‌خۆشیا په‌نچه‌شێری پێدڤی ب جۆره‌كێ‌ چاره‌سه‌ریێ‌ هه‌یه‌ و گه‌له‌ك جۆر هه‌نه‌ و به‌لێ‌ یا گرنگه‌ ئه‌و وه‌لاتی بتایبه‌تی ژی ئافره‌ت زوو پشكنینێن مه‌مكی ئه‌نجام بده‌ن، دا زوو بهێته‌ ده‌ستنیشانكرن و چاره‌سه‌ركرن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *