میتومانیا ( ئێشا دره‌وان)

نۆش نیوز، حه‌مزه‌ ره‌زیكی:

گه‌له‌ك كه‌س یێن هه‌ین دره‌وا بو خوه‌ دكه‌نه‌ رێكه‌ك یان پره‌ك بو ب ده‌ستڤه‌ئینانا ئارمانجێن خوه‌، هنده‌ك جارا دره‌و ل ده‌ڤ هنده‌ك كه‌سا دبیته‌ نه‌ساخیه‌ك دبێژنێ (میتومانیا) یان خه‌موكیا قه‌هرێ‌، ئه‌و كه‌سێ‌ تووشی ڤێ‌ نه‌خۆشیێ‌ دبیت، كه‌سه‌كێ‌ شاره‌زایه‌ و گه‌له‌ك جارا كه‌سه‌كێ‌ جڤاكیه‌ و دزانیت دێ‌ چاوا كه‌سێن ده‌وروبه‌رێن خوه‌ رازی كه‌ت كو ئه‌و یێ‌ راستیێ‌ دبێژیت و دێ‌ سه‌حكه‌تێ‌ كا لڤین و دارشتنا دێمێ‌ وی چاوانه‌ ل ده‌مێ‌ دئاخڤیت، بو جارا ئێكێ‌ ئه‌ڤ نه‌خۆشیه‌ ل ئه‌لمانیا ل سالا 1891 یا هاتیه‌ دیتن.

پێناسا نه‌خۆشیێ‌
نه‌خۆشیه‌كا ده‌روونیایا دۆمدرێژه‌ خودانێ‌ خوه‌ پالدده‌ت كو هنده‌ك چێروكا بو خوه‌ چێكه‌ت و دێ‌ وه‌سا دیاركه‌ت یێ‌ ب سه‌رێ‌ ویییان كه‌سێن ده‌وروبه‌رێن وی هاتین، مه‌ره‌ما وی ژ دره‌وێ‌ ئه‌وه‌ حه‌زێن خوه‌ یێن ده‌روونی تێربكه‌ت و گه‌له‌ك جارا ئه‌و دزانیت كو دره‌وا دكه‌ت، یان هزردكه‌ت یێ‌ راستیێ‌ دبێژیت، دگه‌له‌ك حاله‌تا دا ئه‌و دزانیت دره‌وه‌، به‌لێ‌ هندی ئه‌و دگه‌ل خوه‌ دبێژیت دهزڕا وی دا دبیته‌ راستی و ل ڤی حاله‌تییئه‌و دكه‌ڤیته‌ ل بن كارتێكرنا بیردانكا دره‌و.

نیشانێن نه‌خۆشیێ‌
ل ده‌ف نه‌خۆشی هنده‌ك نیشان په‌یدادبن و پتریا وان گه‌نگه‌شا وی ل دور وی ب خوه‌یه‌، دێ‌ به‌حسێ‌ قاره‌مانی و زیره‌كی و په‌یوه‌ندیێن خوه‌ دگه‌ل كه‌سێن به‌رنیاس كه‌ت، دراستی دا ژی ئه‌وی چ جار ئه‌و كه‌س نه‌دیتینه‌ بتنێ‌ ددالغێن خوه‌دا نه‌بیت، هه‌روه‌سا دێ‌ بینی ئه‌و هزردكه‌ت كو قوربانیه‌ بو زولما هنده‌ك كه‌سێن دی و ئه‌و نه‌خۆشیێن ب سه‌رێ‌ وی هاتین، به‌ری وی ب سه‌رێ‌ كه‌سێ‌ نه‌هاتینه‌ و كه‌س نه‌شێت نه‌خۆشیێن وی چاره‌سه‌ربكه‌ت، هه‌ر تشته‌كی دێ‌ گه‌له‌ك موبالغێ‌ تێداكه‌ت و رێكێ‌ ناده‌ت كه‌س شیره‌تا لێ‌ بكه‌ت. ب شێوه‌یه‌كێ‌ گشتی ئه‌و مرۆڤێن دره‌وا دكه‌ن هنده‌ك نیشان لێ‌ دیاردبن، ده‌مێ‌ مرۆڤه‌ك دره‌وا دكه‌ت كه‌رستێ‌ ئه‌درینالین دناڤ له‌شیدا ده‌ردهاڤێژیت و دگه‌هیته‌ شانه‌یێن خوینێ‌ ددفنێ‌ دا و ئه‌و كه‌س دێ‌ دفنا خوه‌ خورینیت، هه‌روه‌سا كه‌رستێ‌ ئه‌درینالین گلیزێ‌ مرۆڤی جاران هشك دكه‌ت و دبیته‌ ئه‌گه‌ر ئه‌و كه‌س ئاخفتنا خوه‌ داعووریت یان ڤه‌بری بیت و دێ‌ ده‌ستێن خوه‌ ئێخیته‌ ئه‌رزنكا خوه‌ یان گوهێ‌ خوه‌ ل ده‌مێ‌ د ئاخڤیت، هه‌روه‌سا ئه‌م دبینین نه‌خوش نه‌شێت سه‌حكه‌ته‌ وی كه‌سێ‌ دگه‌ل دئاخڤیت و هه‌ناسا خوه‌ پتر دئینیت و دبه‌ت و خوه دده‌ت.

پێزانین ل دور نه‌خۆشا میتومانیا:
هنده‌ك شاره‌زایێن ده‌روونی ئیماژێ‌ ب وێ‌ چه‌ندێ‌ دده‌ن كو نه‌خوشێن ناڤبری نه‌شێن دره‌وا بهێلن و مرتاح دبن ده‌مێ‌ دزانن ئه‌وێن به‌رامبه‌ر باوه‌ر ژ وان دكه‌ن و دره‌وا ل دور هنده‌ك تشتێن گرنگ و هنده‌ك تشتێن نه‌گرنگ ژی دكه‌ن و چ تشتێ‌ ڤه‌شارتی ل پشت دره‌وێن وان نینه‌، بو وان یا بزه‌حمه‌ته‌ راستیێ‌ بێژن و هه‌تا بزانن دێ‌ دیاربن ژی بو وان گرنگ نینه‌، هنده‌ك ژوان دێ‌ بێژن مه‌زنه‌انی دره‌وه‌، هنده‌ك ژی به‌رگریێ‌ ژ دره‌وا خوه‌ دكه‌ن، خێزانێن وان دبنه‌ قوربانێن وان و زارۆیێن وانژی فێری وی ره‌وشتی دبن و هزر دكه‌ن تشته‌كێ‌ باشه‌، ل به‌رامبه‌ر ڤێ‌ چه‌ندێ‌ تایبه‌تمه‌ند زه‌حمه‌تێ‌ دبینن هه‌تا دشێن ڤێ‌ نه‌خوشیێ‌ ده‌ستنیشان بكه‌ن، چونكو هنده‌ك ته‌نگه‌زاریێن دیترێن ده‌روونی ژی هه‌نه‌ نێزیكی ڤێ‌ نه‌خۆشیێ‌ نه‌، ژبه‌ر هندێ‌ نه‌خوش پێدڤی ب گه‌له‌ك روونشتنێن ده‌روونی دبیت هه‌تا نه‌خوشیا وی دهێته‌ ده‌ستنیشانكرن و هه‌ول دهێنه‌ دان بو چاره‌سه‌ریا وی و نه‌خوش هێدی هێدی فێری گۆتنا راستیێ‌ دبیت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *