نۆشداره‌ك به‌حسێ‌ ئه‌گه‌ر و چاره‌سه‌ریا فالنجا مه‌ژی د زكماك دا دكه‌ت

نۆش نیوز، له‌زگین جوقی:

تایبه‌تمه‌نده‌كێ‌ نه‌خۆشیێن گه‌هان دیاركر كو فالنجا مه‌ژی زكماكی یانژی ژ ئه‌نجامێ‌ ژدایكبوونه‌كا نه‌دروست په‌یدابیت و كارتێكرنێ‌ ل سه‌ر مه‌ژی دروست ببیت یان كه‌رستێ‌ زه‌ر د خوینێ‌ دا گه‌له‌ك زێده‌بیت، ئه‌ڤه‌ ژی كارتیكرنێ‌ ل مه‌ژی دكه‌ت دئه‌نجامدا دبیته‌ فالنج، هه‌كه‌ یا توند بیت دێ‌ چاره‌سه‌ركرن گه‌له‌ك یا زه‌حمه‌ت بیت و هندی ژیێ‌ وی هه‌بیت پێدڤیه‌ یێ‌ به‌رده‌وام بیت لسه‌ر چاره‌سه‌ریا سرۆشتی.

د. سه‌میان نایف، تایبه‌تمه‌ندێ‌ نه‌خۆشیێن گه‌هان دیاركركو ل سه‌ر رێژا په‌ككه‌ڤتنێ‌ دمینت هه‌كه‌ هات رێژا په‌ككه‌ڤتنی گه‌له‌ك بیت، هنده‌ك هه‌موو ژیێ‌ خوه‌ پێدڤی ب چاره‌سه‌ریا سرۆشتی دبن وهنده‌ك ژی هه‌نه‌ ده‌مێ‌ ژدایك دبن هه‌تا 18 سالیێ‌ پێدڤی ب چاره‌سه‌ریا سرۆشتی دبن، ژبلی چاره‌سه‌ریا سرۆشتی ژی ده‌رمانان وه‌ردگرن بۆ بهێزكرنا ماسولكا، چونكو ماسولكێن وان سست دبن و تووشی په‌ككه‌فتنێ‌ دبن و پێدڤیه‌ دایك وباب هێشتا زارۆكێ‌ وان نه‌هاتیه‌ لسه‌ر دونیایێ‌ پشكنینا بكه‌ن یانژی ده‌مێ‌ زارۆك ژدایك دبیت گه‌له‌ك باشتره‌ دایك وباب وی زارۆكی درۆژێن ئێكێ‌ دا نیشا نۆشداره‌كێ‌ تایبه‌تمه‌ندێ‌ زارۆیان بده‌ن، داكو هه‌موو پشكنینن بۆ بهێنه‌ ئه‌نجامدان.

ته‌كه‌ز كركو خه‌لكێ‌ مه‌ زوو زارۆكێ‌ خوه‌ نابه‌نه‌ نوشداری، ئه‌ڤه‌ دبیته‌ ئاریشه‌ بۆ چاره‌سه‌ركرنا وان زارۆیێن تووشی فالنجا مێشكی دبن، چونكو راستی دایك وباب ره‌نگه‌ هه‌ست ب هه‌بوونا نه‌خۆشیێ‌ ل ده‌ڤ زارۆكێ‌ خوه‌ نه‌كه‌ن هه‌تا زارۆك دگه‌هیته‌ ژیێ‌ چه‌ند سالان ژنوو زارۆكی دیاربیت به‌رده‌وام ئه‌م ئاموژگاریان ل دایكان دكه‌ین ده‌مێ‌ زارۆكێ‌ وان دهێته‌ سه‌ر دونیایێ‌ قه‌ستا نۆشداری بكه‌ن هه‌كه‌ هات نه‌خۆشیه‌ك ل زارۆكێ‌ هه‌بیت دێ‌ زوو هێته‌ چاره‌سه‌ركرن .

ئاشكه‌را كركو گه‌له‌ك جاران زارۆك ده‌مێ‌ ژدایك دبیت ئاریشین ساخله‌میێ‌ هه‌نه‌ وه‌كو ( خلع ولادی) ئه‌ڤه‌ گه‌له‌ك یا مشه‌یه‌ و ئاریشه‌كا مه‌زنه‌، چونكو دایك وباب پێ‌ ناحه‌سن هه‌تا ژیێ‌ زارۆكێ‌ دبیته‌ ساله‌ك ب پییا دچیت ژنوو زارۆكی دیاردبیت و هه‌كه‌ ژیێ‌ زارۆكێ‌ چار هه‌تا پینج هه‌یڤان بیت بهێته‌ ده‌ستنیشانكرن كو هه‌لگرێ‌ ( خلع ولادی ) یه‌ دێ‌ زوو هێته‌ چاره‌سه‌ركرن ل قایشێ‌ دانن و چاره‌سه‌ر بیت لێ‌ هه‌كه‌ شه‌ش هه‌یڤان ببوریت ئه‌و زارۆك پێدڤی نشته‌گه‌ریێ‌ دبیت ونشته‌گه‌ری ژی سه‌د ژ سه‌دێ‌ سه‌رناكه‌ڤت، له‌ورا ئه‌م هه‌موو هه‌ولدانان دكه‌ین خه‌لكێ‌ مه‌ زوو قه‌ستا نوشداران بكه‌ن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *