زریانا زارۆیان زوو نه‌هێته‌ چاره‌سه‌ركرن گه‌له‌ك ئاریشێن پیستی ژێ‌ په‌یدادبن

نۆش نیوز، وارهێل نێروه‌ی:

ژ نه‌خوشیێن به‌ربه‌لاڤ ل ده‌ف زارویان زریانا جهێن هه‌ستاره‌ ژبه‌ر نازكیا پیستی تووشی ڤان حاله‌تان دبن، له‌ورا پێدڤیه‌ ل ده‌مێ‌ زریانێ‌ نوشدارێ‌ تایبه‌تمه‌ند چاره‌سه‌ریا ده‌رمانا بۆ زاروی دیار بكه‌ت.

د.هنداڤ مه‌ردان خه‌لیل، تایبه‌تمه‌ندا نه‌خوشیێن پیستی و جوانكاریێ‌ دیار كر: زریان ره‌نگڤه‌دانا ئه‌وان كارلێكایه‌ ئه‌وا ناڤ پێت زارویی دا تایبه‌ت ده‌وروبه‌رێن ده‌ستئاڤا زراڤ دروست دبیت، گۆت ژی: چه‌ندین ئه‌گه‌ر هه‌نه‌ ئه‌ڤ زریانه‌ دروست بیت كو به‌ربه‌لاڤ ئه‌و ژی میزا زارویی بخوه‌ یه‌ یان زوو نه‌گوهرینا حه‌فازا زاروی ده‌مێ‌ خوه‌ پیس دكه‌ت ئه‌ڤه‌ ژی دێ‌ كارتێكرنێ‌ لسه‌ر پیستێ‌ زارۆی كه‌ت، ئه‌گه‌ر ئه‌و زریان زوو نه‌هێته‌ چاره‌سه‌ر كرن ره‌نگه‌ ببیته‌ حه‌ساسیا پیستی یان شه‌قكرنا پیستی یان پرسكێن هوور یان فتریات لسه‌ر دیار بن.

گۆت ژی: جوره‌كێ‌ دی هه‌یه‌ دبێژنێ‌ صه‌ده‌فی جهێ‌ هه‌ستیار زاروی ره‌نگه‌ چاره‌سه‌ریا وێ‌ زه‌حمه‌ت، ژبه‌ركو پیستێ‌ زاروی یێ‌ ته‌نكه‌ و به‌رگیریا پیستێ‌ زاروی كێمه‌، جوره‌كێ‌ دبێژنێ‌ (ئه‌توپیك دێمه‌توپیتس) ئه‌ڤ جوره‌ ژی به‌رگریا جهێ‌ هه‌ستیاره‌ پیستی زاروی كێمه‌، له‌ورا ئه‌گه‌ر میزا زاروی هه‌تا دوو خوله‌كان ژی مینیت سه‌ر پیستی دێ‌ زریان و پیستێ‌ زاروی تێك دده‌ت.
ئاشكرا ژی كر: ئه‌ڤ زریانه‌ وێ‌ چه‌ندێ‌ ژی دروست دبیت ده‌مێ‌ زكچوونه‌كا به‌رده‌وام زاروی هه‌بیت، هه‌رچه‌ند زوو ژی بهێته‌ پاقژ كرن لێ‌ هه‌ر كارتێكرنا وێ‌ سه‌ر پیستێ‌ زاروی هه‌یه‌.

تایبه‌تمه‌ندا نه‌خۆشیێن پیستی دیاركر چاوانیا شووشتن و پاقژكرنا زارۆی گرنگه‌، ژبه‌ركو گه‌له‌ك جاران دایكا زاروی ب كلینیكسێن ته‌ر ب بێهنێن جوراوجور زاروی پاقژ دكه‌ن یان هنده‌ك زاروی جوان پاقژ ناكه‌ن، ژبه‌ركو پێدڤیه‌ دگه‌ل شووشتنا ئاڤێ‌ ب سابینه‌كێ‌ بهێته‌ پاقژكرن دا نه‌بیته‌ ئه‌گه‌رێ‌ زریانا پیستێ‌ زاروی و هه‌ر چه‌ند ژیێ‌ زاروی كێمتر بیت ئه‌گه‌رێ‌ زریانا پیستی پتره‌ ژبه‌ركو پیستێ‌ زاروی یێ‌ نازكه‌، چه‌ند ژیێ‌ زاروی مه‌نتر بیت ئه‌ڤ زریانه‌ كێمتر دبیت، ژبه‌ركو به‌رگیریا پیستی باشتر دبیت و گۆت: ئه‌ڤ زریانه‌ مه‌ترسیا وێ‌ كێمه‌ كو بیته‌ ئه‌گه‌رێ‌ هنده‌ك نه‌خوشیێن ده‌گمه‌ن، تنێ‌ ده‌مێ‌ زارۆ تووشی زریانێ‌ دبیت هه‌ست ب نه‌خوشییه‌كا زێده‌ دكه‌ت ره‌نگه‌ خه‌وا زاروی تێك بچیت و گریانه‌كا زێده‌ بكه‌ت.

سه‌باره‌ت چاره‌سه‌ریا زریانێ‌ ئاشكرا كر: پێدڤیه‌ ده‌مێ‌ زارو تووشی زریانێ‌ دبیت ده‌یكا زاروی سه‌ره‌دانا نوشدارێ‌ تایبه‌تمه‌ند بكه‌ت دا حاله‌تێ‌ زریانا زاروی بزانیت ل دوف وێ‌ حاله‌تی چاره‌سه‌ریا بۆ زاروی بده‌ت، دیارده‌یه‌كا شاش هه‌یه‌ ل ده‌ف دایكێن زارویان ئه‌و ژی ده‌مێ‌ زارو تووشی زریانێ‌ دبیت سه‌ربخو دچن ده‌رمانخانێ‌ ده‌رمانه‌كێ‌ بۆ زریانا زاروی بكار دئینن ئه‌ڤه‌ ژی كریاره‌كا گه‌له‌ك شاشه‌ پێدڤیه‌ هشیاری ڤی حاله‌تی بن باشتره‌ نوشدارێ‌ تایبه‌تمه‌ند جورێ‌ چاره‌سه‌ریێ‌ بۆ زاروی دیار بكه‌ت.

دیار كر ژی: بكار ئینانا پوترێ‌ بشێوه‌یه‌كێ‌ به‌رده‌وام بۆ جهێن هه‌ستیارێن زاروی ده‌مێ‌ زریانێ‌ گه‌له‌ك شاشیه‌كا مه‌زنه‌، ژبه‌ركو گه‌له‌ك جاران هنده‌ك سه‌رباركان بۆ زاروی دروست دكه‌ت یان زاروی تووشی هه‌ستیاریا پیستی بكه‌ن، تنێ‌ هنده‌ك حاله‌تان دهێته‌ بكارئینان ده‌مێ‌ هه‌ر زاروی هشك دكه‌ت ته‌ر دبیت یان ده‌مێ‌ پشتی سه‌ر شیشتنا زاروی دروسته‌ پوتری بكار بینیت.

تایبه‌تمه‌ندا نه‌خوشیێن پیستی گوت ژی: دیارده‌یه‌كا دی شاش هه‌یه‌ ئه‌و ژی بكار ئینانا ده‌رمانێ‌ كرێمه‌ ده‌مێ‌ زارو تووشی زریانێ‌ دبیت، ره‌نگه‌ حه‌فتیا ده‌ستپێكێ‌ ئه‌ڤ زریانه‌ نه‌مینیت لێ‌ پشتی حه‌فتی تمام دبیت ئه‌ڤ زریانه‌ دێ‌ سه‌ر هه‌لدده‌ت و خراپتر لێ‌ دهێت و پیستێ‌ زاروی نازكتر دبیت، ژبه‌ركو ماددێ‌ كورتیزن تێدایه‌ بشێوه‌ی ده‌مكی وێ‌ زریانێ‌ دبه‌ت.

گوت ژی: هنده‌ك جارا ده‌مێ‌ پیساتیێ‌ زاروی ئه‌ڤ زریانه‌ چێ دبیت له‌ورا ل دوف حاله‌تێ‌ زاروی چاره‌سه‌ری بۆ دهێته‌دان، پاشان نوشدار دێ‌ هنده‌ك شیره‌تان ده‌ته‌ ده‌یكا زاروی ژوانا ژی حه‌فازا زاروی زوو بهێته‌گوهرین، پشتی زارو دهێته‌ شیشتن ب پارچه‌كا خاولیێ‌ نه‌رم زارو بهێته‌ هشك كرن، یان جوره‌كێ‌ كرێمێ‌ دێ‌ ده‌تێ‌ ده‌مێ‌ ده‌یكا زارو دبینیت پیچه‌ك پیستێ‌ زارو سور بیت وێ‌ كرێمێ‌ بكار بینیت، ئه‌گه‌ر ئه‌و سور بوون زێده‌ بوو گه‌هشته‌ حاله‌تێ‌ شه‌ق بوونێ‌ پێدڤیه‌ نوشدار ببینیت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *