ژ به‌ر ڤان ئه‌گه‌ران زه‌رك ل ده‌ف زارۆيێ ژ نوو ژ دايك بوويى په‌يدا دبيت

نوش نيوز، ئدریس ئاسيهى:

د. هندرین حه‌یده‌ر ره‌شاد، تایبەتمەندا چاڤدێریا خێزانى بۆ نوش نيوز دياركر كو نەخوەشیا زەرکێ، کۆمبوونا مادێ (بیلوروبین)ە د ناڤ خوینێ دا دبت ئەگەرێ زەربوونا پیست و چاڤێن زارۆيێ ژ نوو ژ دایک بووى، ژ ئەگەرێ نە تمامبوون یان تەمبەلیا جگەرێ و کارێ وێ لەورا نەشێت جەستەیێ زاڕۆيى ژ ماددێ زەر ب دووماهى بینيت.

د. هندرين خۆيا كر كو نەخوەشیا زەرکێ ل سەر دو جوران دهێت دابەشکرن:

  • زەرک وە کو (نەخوەشى) د 24 دەمژمێرێن ژ دایکبوونا زارۆيى دیار دبيت و دڤیا هەر ئێکسەر، سەرەدانا نۆشدارى بهێته‌ کرن، ژ بۆ پشت راست بوون دێ چەند پشکنین بۆ هێنه‌ ئەنجامدان دا کو ژێدەرێ نەخوەشیێ بهێته‌ دەست نیشانکرن و یا پێدڤى بۆ زارۆيى بهێته‌ کرن.
  • زەرکا (فيسیولوژى)، ئانکۆ نە نەخوەشیە، به‌لێ هەر دڤێت سەرەدانا نۆشدارى بهێته‌ کرن دا کۆ رێژە بهێتە زانین.

ل دۆر چاره‌سه‌ريێ ژى تايبه‌تمه‌ندا چاڤدێريا خێزانى گۆت: “سەبارەت زەرکا فيسیولۆژى، هەگەر رێژا ماددێ زەر ژ ئاستێ سرۆشتى بلندتر بوو ب تنێ دێ زارۆيى پێدڤى ب چارەسەریا ژۆرا تایبەت یا رۆناهیێ هەبيت بۆ ماوێ چەند دەمژمێرەکان و جاران نیشانێن باشبوونێ لێ دیار نابن ژ ئەگەرێ پەنگینا ماددێ بیلوروبین، لەوا نۆشدار بۆ ماوێ 48 دەمژمێران شیرێ دایکێ ژ زارۆيى دبڕن.

گۆتژى: “هەگەر جوڕێ زەرکێ (نەخوەشى)بيت، ئانکۆ دبيت جگەرا وى وەکو پێدڤى نە گەهشت بيت یان رێيا دەرکەفتنا ماددێ زەر گرتى بيت و ئەو زەرک بەر ب تاریبوونێ ڤە چووبيت، دڤى حالەتى دا دبيت زارۆيى پێدڤى ب نشتەرگەریێ هەبيت. لێ د هەر حاله‌كى دا وەکو نیشانێن ناڤ مالێ، هەگەر زارۆيى نیشانێن گریەکا دژوار و بێ خوارن و لڤینا کێم و گەلەک نڤستن لێ دیار بوون، ئەڤە هەمى نیشانێن گرنگێن زەرکێ نە.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *