تایبه‌تمه‌نده‌كێ‌ نه‌خۆشیێن ده‌روونێ‌: به‌ری ژن دوگیان ببیت پێدڤیه‌ ژلایێ‌ ده‌روونی بهێته‌ ئاماده‌كرن

نۆش نیوز، له‌زگین جوقی:
تایبه‌تمه‌نده‌كێ‌ نه‌خۆشیێن ده‌روونی دیاركركو به‌ری ژن دوگیان ببیت و زارۆكێ‌ بینیته‌ ل سه‌ر دونیایێ‌ پێدڤیه‌ ژئالیێ‌ ده‌روونی ڤه‌ یا به‌رهه‌ڤ بیت داكو تووشی نه‌خۆشیێن ده‌روونی نه‌بیت و پشتی زارۆكبوونێ‌ ژی كێشه‌یێن ده‌روونی بو دروست نه‌بن.

د. نه‌وزاد سامی ئه‌حمه‌د، تایبه‌تمه‌ندێ‌ نه‌خۆشیێن ده‌روونی دیاركر كو ژن ده‌مێ‌ دوگیان د بن تووشی فشاره‌كا ده‌روونی یا مه‌زن د بن و گه‌له‌ك نه‌خۆشیێن ده‌روونی بۆ ژنان دماوێ‌ دوگیانیێ‌ دا دروست د بن و هنده‌ك نه‌خۆشی ژی پشتی دوگیانیێ‌ بۆ ژنێ‌ چێدبن، ئێك ژوان نه‌خۆشیێن به‌ربه‌لاڤ دێ‌ بینی پشتی زارۆكبوونێ‌ ژن بێ‌ زه‌وق دبیت وتێكدچیت هه‌تا نه‌شێت كارێ‌ خوه‌ ب دروستاهی ئه‌نجام بده‌ن و ژیانا وێ‌ هه‌تا راده‌یه‌كی نه‌خۆش دبیت و گۆت: ئه‌ڤه‌ پتر ل ده‌ڤ ژنێن دووگیان دروست دبیت كو خه‌مۆكیا پشتی زارۆكبوونێ‌ گه‌له‌ك یا مشه‌یه‌، دگه‌ل نیگه‌رانیێ‌ و هنده‌ك ژن پشتی زارۆكبوونێ‌ ره‌فتارێن سه‌یر دكه‌ن یان دێ‌ بێژێت هنده‌ك ده‌نگ دهێنه‌ من یان بێژن من بكوژن كو كارتێكرنێ‌ ل سه‌ر ژنان دوگیان دكه‌ن.

ناڤهاتی ئه‌وژی دیاركر كو یا باش ئه‌وه‌ لایه‌نێ‌ ده‌روونی یێ‌ ژنێ‌ به‌ری و پشتی زارۆبوونێ‌ بهێته‌ به‌رهه‌ڤكرن و سه‌ره‌ده‌نا نۆشدارێ‌ ده‌روونی بكه‌ت ب تایبه‌تی ژی هه‌كه‌ ئاریشه‌كا ده‌روونی هه‌بیت، چونكو ده‌مێ‌ ژن دوگیان د بیت فشاره‌كا زێده‌ یا ده‌روونی ل سه‌ر دروست ببیت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *