گه‌له‌ك نه‌خۆشێن جه‌لتێ‌ ده‌مه‌كێ‌ درێژ ل ژێر چاڤدێریا چڕ دمینن

نۆش نیوز، وارهێل نێروه‌ی:

پشكا چاڤدێریا چڕ ئێكه‌ ژ گرنگترین جهێن مانا نه‌خوشێن جه‌لتا مێشكی و دلی پشتی كو ژ نشته‌رگه‌ریێ‌ ته‌مام دبن و رۆژانه‌ پشكنین و تیشك بۆ دهێنه‌گرتن.

د. هند ئه‌نوه‌ر سلێمان، نوشدارا نیشته‌جێ‌ ل پشكا ته‌نگاڤیا چاڤدێریا چڕ(icu)ل سه‌نته‌رێ‌ دلی نه‌خوشخانا ئازادی یا فێركرنێ‌ دیار كر: پشكا چاڤدێریا چڕ ل سه‌نته‌رێ‌ دلی ئێكه‌ ژ پشكێن هه‌ره‌ گرنگ كو چاڤدێریا نه‌خوشی دهێته‌كرن پشتی كو ژ نشته‌رگه‌ریێ‌ تمام دبیت، گوت ژی: پشتی كو نه‌خوش ژ نشته‌رگه‌ریێ‌ تمام دبیت ئاگه‌ه ژ خوه‌ نینه‌ ژبه‌ركو په‌نجێ‌ هێشتا به‌رنه‌دایه‌ و هه‌ر نه‌خوشه‌ك نێزیكی پێنج ده‌مژمێرا دمینیته‌ سه‌ر هه‌ناسا ده‌ستكرد.

دیاركر پشتی كو نه‌خوش ئاگه‌ه ژ خوه‌ هه‌بیت و ده‌رمانێ‌ هوشبرنێ‌ دهێته‌ راوستاندن و په‌نجێ‌ به‌ردده‌ت و چه‌ند لڤینه‌كا دبێژینێ‌ وه‌ك ده‌ست گرتن و لڤینێن سه‌ری كو بزانین ب ته‌مامی ئاگه‌ه ژ خوه‌ هه‌یه‌، دگه‌ل هنده‌ك پشكنینێن نورمال بن دگه‌ل پشكنینا فشارا خوینێ‌ و شه‌كرێ‌ و ئوكسجین و لێدانێت دلی هه‌موو نورمال بن، پاشان دێ‌ بو مه‌ دیار بیت كو ئه‌ڤ نه‌خوشه‌ ئامادیه‌ كو سوندێت هه‌ناسا ده‌ستكرد بهێنه‌ ڕاكرن و ئه‌و بخوه‌ دشێت ئاسایی هه‌ناسێ‌ بده‌ت.

گوت ژی: رۆژانه‌ پشكنینێت خوینێ‌ و تیشكا سینگی و ته‌ختیتا دلی كو بۆ ده‌مێ‌ 24 ده‌مژمێرا دهێته‌ تومار كرن دا بزانین لێدانێن دلی نه‌خوشی چ ئاریشه‌ تێدا نین، هه‌روه‌سا تیشكا ڤه‌گوهاستن(اشعه‌ متنقل) دهێته‌گرتن ژلایێ‌ كه‌سه‌كێ‌ ته‌كنیكی ڤه‌ بۆ وان نه‌خوشا كو پێدڤی بڤی جورێ‌ تیشكێ‌ بیت.

ناڤهاتی ئاشكرا ژی كر: پرانیا نه‌خوشا ژ 24 – 48 ده‌مژمێرا دهێنه‌ ڤه‌حه‌واندن ل ژوورا چاڤدێریا چڕ و ل دووف هه‌ر حاله‌ته‌كێ‌ دمینیت كا چه‌ند بمینیته‌ د سه‌نته‌ری دا ئه‌گه‌ر چ سه‌ربارك بۆ نه‌چێبوون پاشان دێ‌ هێته‌ڤه‌گوهاستن بۆ ژوورێن نه‌خوشا دا نوشدارێ‌ تایبه‌تمه‌ند چاڤدیریا نه‌خوشی بكه‌ت هه‌تا دگه‌هیته‌ وێ‌ چه‌ندێ‌ نه‌خوش ساخله‌میا وی به‌رف باشتر بوونێ‌ بچیت و كارێ‌ وی ل سه‌نته‌ری نه‌مینیت.

دیار كرژی ده‌رباره‌ی نه‌خوشێن قه‌سته‌را دلی نه‌خوش تنێ‌ 24 ده‌مژمێرا دهێنه‌ ڤه‌حه‌واندن ل پشكا چاڤدێریا چڕ پاشان ئێكسه‌ر دهێته‌ ده‌رئێخستن بۆ مال ژبه‌ركو پرانیا جاران ره‌وشا ساخله‌میا نه‌خوشی باش دبیت پێدڤی ب مانا سه‌نته‌ری ناكه‌ت و گۆت:هنده‌ك حاله‌ت هه‌نه‌ ده‌مه‌كێ‌ درێژ دمینه‌ چاڤدێریا چڕ دا پرانیا وان ژی ئه‌ون ئه‌وێن جه‌لتا مێشكی یان جه‌لتا دلی زه‌حمه‌ت بیت كو نوشدار نه‌شێت نشته‌رگه‌ریێ‌ بۆ بكه‌ت ژبه‌ركو مه‌ترسی دكه‌ڤیته‌ لسه‌ر ژیانا ڤان جوره‌ نه‌خوشا خێزانێن وان ژی موله‌تێ‌ ناده‌ن نشته‌رگه‌ری بۆ بهێته‌كرن و ئه‌و ژی نه‌چار دبن نه‌خوش بۆ ده‌مه‌كێ‌ درێژ دمینیته‌ ژوورا پشكا چاڤدێریا چڕ دا هه‌ناسا ده‌ستكرد بۆ دهێته‌دانان.

به‌رپرسا پشكا چاڤدێریا چڕ سه‌نته‌رێ‌ ئازادی یێ‌ نه‌خۆشیێن دلی گۆت ژی: پرانیا نه‌خوشا ل سه‌نته‌ری دهێنه‌ ده‌ركرن پشتی كو ره‌وشا باشتر دبیت، دووباره‌ ناڤه‌گرن بۆ سه‌نته‌ری ژبه‌ركو هه‌تا ره‌وشا ساخله‌میا باش نه‌بیت نه‌خوش ناهێته‌ ده‌ركرن ژ ژوورا چاڤدێریا چڕ دا.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *