باشترین پێنج جورێن خوارنێ‌ بو ساخله‌میا مرۆڤی

نوش نيوز:‏

رۆژانه‌ ڤه‌كولینێن نوی دهێنه‌ كرن و مفایێ‌ هنده‌ك خوارنان بۆ پاراستنا ساخله‌میا له‌شی و ب ‏هێزكرنا كۆئه‌ندامێ‌ به‌رگریا له‌شی و دووركرنا مرۆڤی ژ نه‌خۆشیان و ب تایبه‌ت یێن ب ‏مه‌ترسی وه‌كو په‌نجه‌شێرێ‌ دیاردكه‌ن، ل ڤێ‌ دووماهیێ‌ ژی شاره‌زایێن خوارنا جیهانی ده‌ه ‏جورێن خوارنێ‌ دیاركرینه‌ كو باشترین خوارنن بۆ ساخله‌میا مرۆڤی و ب ڤی شێوازی:‏

‏1-‏ ماسی: سلیمون و تونا جورێن باشن ژ ماسیان، به‌لێ‌ ماسیێن ماكریلا باشترین جورێن ‏ماسیانه‌، ژبه‌ركو رێژه‌یه‌كا مه‌زنتر ژ ئومیگا 3 دناڤدا هه‌یه‌ و یا پێدڤیه‌ بۆ له‌شی و ‏ئومیگا سێ‌ بهایه‌كێ‌ بلندێ‌ خوارنێ‌ دده‌نه‌ له‌شی و یێ‌ كاریگه‌ره‌ بۆ خوشكرنا مه‌زاجێ‌ ‏مرۆڤی و چالاكیا له‌شی و ب هێزكرنا بیردانكێ‌ و مێشكێ‌ مرۆڤی، و له‌شێ‌ مرۆڤی ژ ‏نه‌خۆشیێن دلی و ده‌مارێن خوینێ‌ د پارێزیت.‏

2-‏ سیر: دندكێن وێ‌ د بچووكن به‌لێ‌ كاریگه‌ریا وێ‌ یا ب هێز و كاریگه‌ره‌، دبیت هنده‌ك ‏كه‌س خۆ ژێ‌ دوور بكه‌ن ژبه‌ر دژواریا بێهن و تاما وێ‌، به‌لێ‌ نوژدار دبێژن سیر ‏زێره‌زانه‌كێ‌ ئێمنه‌ بۆ پاراستنا له‌شی ژ نه‌خۆشیان و سیر دهێته‌ نیاسین وه‌ك دژه‌ ‏زینده‌وه‌ره‌كێ‌ سروشتی و چه‌كه‌كێ‌ باشه‌ كاردكه‌ت بۆ بهێزكرنا كوئه‌ندامێ‌ به‌رگریا ‏له‌شی دژی هه‌ودانه‌كا تووشی هه‌ر ئه‌ندامه‌كێ‌ له‌شی دبیت و دیسان كاردكه‌ت دژی وان ‏ژه‌هرێن د له‌شیدا به‌ربه‌لاڤ دبن، هه‌ردیسان سیر كاردكه‌ت بۆ باشكرنا لڤینا خوینێ‌ و ‏چالاككرنا خولا خویناوی و دگه‌ل ڤێ‌ چه‌ندێ‌ رێگره‌ بۆ هشكبوونا خوینێ‌ و كاردكه‌ت بۆ ‏كێمكرنا رێژا كولیسترولی.‏

3-‏ باجانسۆرك: هنده‌ك كه‌س هزر دكه‌ن كو باجانسۆرك زه‌رزه‌واته‌، به‌لێ‌ ب راستی پێدڤیه‌ ‏وه‌كو فێقی سه‌ره‌ده‌ری دگه‌ل بهێته‌ كرن، باجانسۆركان به‌هایه‌كێ‌ مه‌زنێ‌ خوارنێ‌ هه‌یه‌ ‏و كه‌رستێ‌ لایكوبین دناڤدا هه‌یه‌ كو كار دكه‌ت دژی پشكێن ئازادێن له‌شی، باشتره‌ مرۆڤ ‏باجانسۆركان ب خاڤی بخوت و كه‌لاندن به‌هایێ‌ وێ‌ یێ‌ خوارنێ‌ كێم دكه‌ت، ل دووڤ ‏ڤه‌كولینێن كو ل زانكویا هارفارد هاتینه‌ كرن دیاردبیت ئه‌و كه‌سێن حه‌فتیانه‌ ده‌ه ‏باجانسۆركان ب خاڤی دخون ب رێژا 35% ژ په‌نجه‌شێرا پرۆستاتان دهێنه‌ پاراستن.‏

4-‏ باهیڤ: گه‌له‌ك باهیڤێن شه‌كر كری دخون یانژی دكه‌نه‌ دناڤ كێًكان دا، یا باشتر ئه‌وه‌ ‏باهیڤ ب ره‌نگێ‌ خۆ یێ‌ سروشتی بهێنه‌ خوارن و باهیڤ ئێك ژ ژێده‌رێن هه‌ره‌ گرنگه‌ بۆ ‏دابینكرنا پروتینی و فاكته‌ره‌كه‌ بهێزكرنا هه‌ستییان ژبه‌ركو گه‌له‌ك كانزایێن پێدڤی ‏دناڤدا هه‌نه‌ بۆ هه‌ستییان وه‌ك ( كالسیوم، مه‌گنسیوم، منگه‌نبز و فوسفور) ئه‌ڤه‌ هه‌موو ‏ژی دلی دپارێزن.‏

5-‏ هنگڤین: تاما وی یا ب له‌زه‌ته‌ و ب ده‌ه جاركی پتر ژ شه‌كرێ‌ مفای دگه‌هینیته‌ ‏ساخله‌میێ‌ و د گه‌له‌ك چاخێن به‌رێ‌ دا هنگڤین بۆ به‌رده‌وامیا هێزا مرۆڤی هاتیه‌ خوارن ‏و نوكه‌ وه‌كو دژه‌ زینده‌وه‌ره‌ك ب دژی هه‌ودانێن له‌شی و به‌رگره‌ك بۆ پرۆستاتان دهێته‌ ‏ب كارئینان و باشتره‌ ژ هه‌موو ده‌رمانان بۆ نه‌هێلانا تووشبونا مرۆڤی ب په‌رسیڤی و ‏نه‌خۆشیێن زڤستانێ‌، پتریا پێكهاتێ‌ هنگڤینی كاربه‌هیدرات و ئاڤن، له‌ورا بۆ ‏به‌رده‌وامیا هێزێ‌ دهێته‌ ب كارئینان و ب تایبه‌ت ژی رومانیێن به‌رێ‌ بۆ زێده‌كرنا هێزا ‏له‌شی هنگڤین ب كارئینایه‌.‏

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *