هه‌شت پلانێن خوه‌ زه‌عیفكرنێ‌

نۆش نیوز:

1- پلانه‌كێ‌ بو خوارنا خوه‌ بدانه‌: به‌ری خوارنێ‌ بخوون، باشتره‌ پلانه‌كێ‌ بدانن، ل ده‌ستپێكێ‌ كا دێ‌ چ خوارن ئاماده‌كه‌ن و پاشی دێ‌ چ خوارن خوون، ل بیرا وه‌بیت ده‌مێ‌ خوارن بو خوشیێ‌ بیت نابیت ببیته‌ ئه‌گه‌رێ‌ قه‌له‌وبوونێ‌، تكه‌ و كباب و خوارنێن قه‌لاندی و بژارتی هندی بشێی نه‌خوو، بلا تیتالێن خوارنا ساخله‌م ژی ل بیرا وه‌بن ، گه‌له‌ك شرینی و خوارنێن نه‌ساخله‌م و پری روین و كالوری نه‌خوون، هه‌كه‌ وه‌ خوارن دێ‌ په‌شیمان بن و وه‌ستیانه‌كا زێده‌ ل هولا وه‌رزشی به‌ن.
2- دانێن سڤك یێن خوارنێ‌ بخوون، نابیت خوه‌ گه‌له‌ك برسی بكه‌ن بو هندێ‌ كو ل دانێ‌ بهێت گه‌له‌ك خوارنێ‌ بخوون، له‌ورا خوارنا دانێن سڤك كو ل سه‌ر هه‌موو روژێ‌ بهێنه‌ به‌لافكرن دێ‌ چارسه‌ریا ڤێ‌ كێشێ‌ كه‌ت، خوارنێن سڤك و ساخله‌م ب هه‌لبژێره‌ و بلا بهێنه‌ دابه‌شكرن لسه‌ر هه‌ر سێ‌ دانێن سه‌ره‌كی یێن خوارنێ‌.
3- سه‌ر خاترا مێڤانان خوارنێن گران و پری روین نه‌خوو، نه‌ترسن مێڤانێن خوه‌ژی فێربكه‌ن كو خوارنێن كێم كالوری بخوون و دبیت هنده‌ك جارا ب دلێ‌ وانژی نه‌بیت خوارنێن گران بخوون.
4- بزانه‌ دێ‌ چه‌ند خوارنێ‌ خووی: هندی دشیان دابیت كه‌میا وێ‌ خوارنا تو دخووی كێم بكه‌، بزانه‌ پاریێ‌ ئێكێ‌ و دووماهیێ‌ وه‌كو ئێكه‌، هه‌كه‌ ته‌ ئه‌ڤ چه‌نده‌ زانی دێ‌ خوارنا خوه‌ژی كێم كه‌ی.
5- هێدی هێدی خوارنێ‌ بخوون: هندی دشیاندابیت هێدی خوارنێ‌ بخوو، ب دلێ‌ خوه‌ و له‌زێ‌ نه‌كه‌، دگه‌ل خوارنێ‌ هه‌ول بده‌ گه‌نگه‌شێ‌ دگه‌ل خێزان و مێڤانێن خوه‌ بكه‌، خوارنێن هه‌مه‌ره‌نگ و سڤك بخوو و شرینی ژی بلا دوه‌سان بن، بلا ل بیرا ته‌بیت مێشكێ‌ مرۆڤی بیست ده‌قیقه‌ دڤێن هه‌تا نیشانێ‌ بده‌ته‌ مروڤی یێ‌ تێربووی.
6- ل وان تشتا بگه‌ره‌ یێن ته‌ تێر دكه‌ن: هندی بشێی ئاڤێ‌ دناڤ خوارنێ‌ دا ڤه‌خوو، خوه‌ ژ شه‌ربه‌ت و پێپسیا دوور بێخو، شوربێ‌ به‌ری خوارنێ‌ بخوو، هه‌ول بده‌ نانێ‌ ره‌ش و شوفان و زه‌رزه‌واتی و زه‌لاتێ‌ گه‌له‌ك بكاربینه‌.
7- شریناهیان كێم بكه‌: هه‌كه‌ ته‌ بریار دا تشته‌كێ‌ شرین بخووی، بلا یێ‌ كێم روین بیت، یان ل شوونا وان فێقی بخوو.
8- وه‌رزشێ‌ بكه‌ن: هه‌ول بده‌ ده‌مه‌كی بو وه‌رزشێ‌ ببینه‌، هه‌ر چ نه‌بیت بو ده‌مێ‌ 30-45 خوله‌كان، تو دشێی پشتی فراڤینێ‌ بڤی كاری راببی، هه‌ول بده‌ ته‌پانێ‌ بكه‌ یان ل باخچه‌كێ‌ گشتی یاریان بكه‌، به‌لێ‌ هشیاربی ل به‌رگه‌رمێ‌ ب ڤی كاری نه‌رابه‌.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *