بۆچی د وەرزێ هاڤینێ دا ئەگەرێ دروستبوونا بەرێ گۆلچیسکێ زێدە دبیت!

بۆچی د وەرزێ هاڤینێ دا ئەگەرێ دروستبوونا بەرێ گۆلچیسکێ زێدە دبیت!
نوش نیوز:
نوشدارەکێ بسپۆرێ گۆلچیسکاج ل زانکویا نیورک رادگەهینیت کو ل وەرزێ هاڤینێ دا خەلک زێدەتر تۆشی هەبوونا بەرێ گۆلچیسکێ دکەن.
د.لۆرای باردی بسپورێ گۆلچیسکان ل زانکۆیا نیورک دبێژیت دگەل بەرزبوونا پلێن گەرمێ و هاتنا وەرزێ هاڤینێ حالەتێن تۆشبوون ب بەرێ گۆلچیسکێ زێدەدبن، چونکی دڤی وەرزی دا لاش ب رێکا ئارەقکرنێ بڕەکا زور یا ئاڤێ دەردئێخیت و دەرئەنجامێ ڤێ چەندێ وشکبوونا لاشی زێدە دبیت.
بسپۆرێ گۆلچیسکان رونکریە ژی کو ئەڤ کاریگەریا ل وەرزێ هاڤینێ ل سەر گۆلچیسکان ل هەمی ژیەکێ دا پەیدا دبیت و هەتا ژیێ زارۆکاندا.
ئەڤ بسپۆرە چەند رێنمایا بۆ خەلکی دیاردکەت کو دڤێت خەلک دڤی وەرزی دا ب کێمی روژانە هەشت پەرداخێن ئاڤێ ڤەخۆن و خۆ ل تیشکا روژێ یا راستەۆخۆ بپارێزن ب ڤێ رێکێ دێ مەترسیا دروستبوونا بەرێ گولچیسکێ کێم بیت.

سەبارەت ب خوارنا خۆارنێن ساخلەم ئەڤ بسپۆرە دبێژیت کو خۆارنا پرتەقال و لیمۆنێ و ئەو فێقیێن ب ترشا ئەسکۆربیک دەولەمەندن ب مفانە، چونکی رێکێ ل دروستبوونا هندەک بەرێن گۆلچیسکێ دێ گرن، هەروەسا دڤێت خۆ ل خوارنا چەرەس و چۆکلێت و چایێ دویر بگرین.

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *