نەخۆشیا ب دەرفەت دیتنا زارۆکا بۆ کارێن سکسی چیە؟

سەروەر رەزیکی، ڤەکۆلەرێ دەروونی:

پشتی رەڤاندنا مینا و دلینی ترس کەفتە دلێ دایک و بابان و زارۆکان خەلکی و هەر ئێکی ژلایێ خۆ شلوڤەکرن دانە وێ بوویەرا کەسی. هەموویان ئەو کەس ب بێ ئەخلاق و بێ وژدان د دانه دیار کرن بێ کو هزر د نەخوشیەکا دەروونی دا بکەن، تشتەکی نه بهر ئاقله کەسەکێ ساخلەم ژلایی هزر و هەست و رەفتار و دەروونی بشێت کریارەکا ب ڤی رەنگی ئەنجام بدەت یان دەست درێژیەکا سکسی دگەل زاروکەکی بکەت و د دووڤ دا ب شێوەیەکێ هوڤانه دووماهی ب ژیانا وێ بینیت.

نەخوشیا دەروونی یا ب ناڤی پێدۆڤیلیا ئەو کەسێ تووش بوویی ب ڤێ نەخوشیێ ئارەزۆ و حەزا ئەنجامدانا سکسی دگەل زارۆکان یا هەیی ئەڤ زارۆکە چ کور بیت یان کچ نیاس بیت یان ژی بیانی بیت چ جیاوازی دەف نینە تنێ زارۆک بیت. (Pedophile ب زمانێ عەرەبی د بیژنێ (الاستغلال الجنسی للأطفال).

ل دووڤ کوما زانایێن نیاسینا نەخوشیێن مێشکی یا ئەمریکی نەخوشیا پیدوفیلی دهێتە پێناسەکرن وەك (هەبوونا حەزەکا مەزن یا سکسی بەرامبەر وان زاروکان یێن ژیێ وان ل بن 15 سالیێ دا). ئەو کەسێ ئەڤ حەزە ل دەف پەیدا دبیت ژیێ بالقبوونێ دەرباز کریە.

 

ئەگەرێن ڤێ نەخوشێ

– هەردو فاکتەرێن بایلوژی و ژینگەهی ئەگەرن کو کەسەکێ ئەڤ حەزە ل دەف پەیدا دبیت، لێ ل دووڤ ڤەکولینێن زانایان فاکتەرێن بایلوژی تنێ (25%) کارتێکرن هەیە و فاکتەرێن ژینگەهێ (75%) کارتێکرن هەیە.

– فاکتەرێن بایلوژی: ئەگەر دایك یان بابێ تە ئەڤ نەخوشیە هەبیت، ب رێکا جیناتێن وان کروموسوما ئەڤ نەخوشیە ل دەف تە پەیدا کربیت.

– فاکتەرێن ژینگەهی: ل ژیێ زاروکینیێ کەسا/کەسێ زورداری یان دەست درێژیا سکسی لێ هاتیە کرن، ژ ئەگەرێ ڤێ تووشبوونا وی گەشا هەستێت وی دراوەستیت و ئەو پێنەگەهشتی دمینیت ژ لایێ دەروونی ڤە. هەروەسا ئەڤ کردارا نە ئاسایی دبیتە پارچەك د مێشکێ وی دا و جهێ خۆ دکەت و د گەل دمینیت.

 

نیشانێت ڤێ نەساخی
1- شەش مەهان بەری ئەڤ کەسە دەستدرێژیا سکسی بکەتە سەر زاروکی هەستێن گەلەك ب هێزۆ فانتاسیا سکسی ل دەف پەیدا دبیت بەرامبەر زاروکان.

2- ئەڤ جورە کەسە گەلەك کەیف خوش دبن دەمێ زاروکان ب تنێ دبینن، ئانکو کەسێن مەزن ل دەف زاروکان نەبن.

3- رەگەزێ زاروکی چ کارتێکرن نینە، ئانکو ئەڤ هەستە ل دەف ڤی کەسی پەیدا دبیت ڤێجا زاروك چ کچ بیت چ کور.

– هەبوونا فشارەکا مەزن یا دەروونی، هەست کرن ب لادانێ ژ جڤاکی.

.

پاراستنا زاروکی دا نەبیتە قوربانی:

– دڤێت تو یێ هشیاربی و چ جارا زاروکێ خو ب تنێ نە هێلیە ل جهەکێ وەسا کو ئەگەرێ چێبوونا ئەڤێ کردارێ لێ هەبیت.

– پێدڤیە زارۆک بهێتە پەروەردە کرن هەردەما کریارەکا سکسی یان هەر دەست درێژیەکا هەبیت ل سەر هاتە کرن دایک و بابێن خو ئاگەهدار بکەت.

هەروەسا ل دووڤ گازیا چ کەسێن بیانی نەچیت و هەردەما ب زورداری لێ کر بکەتە هەوار و گازی.

ل دووڤ ڤەکولینا (8%) ژ کەسێن جیهانێ ئەڤ نەخوشیە هەیە و (50%)ژ وان کەسێن ڤان کریارا دکەن خێزاندارن، ئەڤ کەسە نەئیلا یێ بیانی بیت، دبیت هەڤسۆ بيت، هەڤالەكێ تە یێ نێزیك بیت، ماموستایەك بیت، حەتا دبیت ئەندامەکێ خێزانێ بیت.

زێده‌تر نیشان بده‌

نيوار باشوورى

نيوار محه‌مه‌دسه‌ليم شوكرى ژ 2007ێ وه‌ره‌ وه‌كو رۆژنامه‌ڤان ل پارێزگه‌ها دهۆكێ كار دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *