هه‌ودانێن میزه‌روویێ‌ دناڤبه‌را ژن و زه‌لامان دا

نۆش نیوز:
هه‌ودانا میزه‌روویێ‌ و سێكس ژ تشتێن نه‌خۆشن دناڤبه‌را هه‌ڤژینان دا، هه‌موو كه‌س هه‌تا زارۆ ژی تووشی هه‌ودانێن میزه‌روویێ‌ دبن، به‌لێ‌ ژن پتر تووش دبنێ‌، له‌ورا بابه‌تی گرێدان ب ئه‌نجامدانا سێكسی ڤه‌ ژی هه‌یه‌.

ژن ب ده‌هـ جاران پتر زه‌لامان تووشی هه‌ودانێن میزه‌روویێ‌ دبن، ئانكو دبیت ژ هه‌ر پێنج ژنان ئێكێ‌ ئه‌ڤ هودانه‌ هه‌بن، هێشتا ئه‌گه‌رێن وێ‌ ددیارنینن به‌لێ‌ ڤه‌كوله‌ر و شاره‌زا ئه‌گه‌رێن وێ‌ بو پێكهاتا له‌شێ‌ ژنێ‌ ڤه‌دگه‌رینن، ئانكو چوونا میكروبان بو ناڤ له‌شێ‌ ژنێ‌ د رێیا میزه‌روویێ‌ دا پتره‌ و زووتر تووش دبن، به‌لێ‌ ژبه‌ركو جوبارێن میزێ‌ یێن زه‌لامان ته‌نكترن له‌ورا كێمتر تووش دبنێ‌.
ده‌مێ‌ كه‌سه‌ك تووشی هه‌ودانێن میزه‌رۆیێ‌ دبیت ئه‌ڤ نیشانه‌ دێ‌ ل ده‌ڤ دیاربن:
•هه‌ست ب نه‌ئارامیێ‌.
•ئالوزی و ئێشان ل ده‌مێ‌ ئه‌نجامدانا سێكسی.
•ئێشان و فرك ل بنێ‌ زكی.
•هه‌ستكرن كو هه‌رده‌م پێدڤی ب چوونا ده‌ستئاڤێ‌ یه‌.
هه‌ڤبه‌ندیا هه‌ودانێن میزه‌رۆیێ‌ ب كریارا سێكسی ڤه‌:
ئه‌نجامدانا سێكسی ئێك ژ ئه‌گه‌ر و فاكته‌رێن ب مه‌ترسی یێن تووشبوونێ‌ ب هه‌ودانا میزه‌رۆیێ‌ و ب تایبه‌ت ل ده‌ڤ ژنان، چونكو كریارا سێكسی هاریكاره‌ بو چوونا ژوورا میكربان بو جوبارێن وێ‌ یێن ده‌ستئاڤێ‌.
دده‌مێ‌ ئه‌نجامدانا سێكسی دا، ئه‌ندامێ‌ نێرینه‌ یێ‌ زه‌لامی په‌یوه‌ندیه‌كا راسته‌وخو ب میكوبانڤه‌ هه‌یه‌ و رێكێ‌ ڤه‌دكه‌ت بو ڤه‌گوهاستنا وان بو ژنێ‌ و دبیته‌ ئه‌گه‌رێ‌ هه‌ودانان.
ده‌مێ‌ ژن بو جارا ئێكێ‌ سێكسی ئه‌نجام دده‌ت، پتر یا به‌رهه‌ڤه‌ تووشی هه‌ودانان ببیت و چه‌ند ئه‌نجامدانا سێكسی پتربیت هه‌ودان ژی پتر په‌یدادبن، له‌ورا هنده‌ك دبێژنه‌ ڤان جوره‌ هه‌ودانان، هه‌ودانێن هه‌یڤا هنگڤینی كو ب تایبه‌ت ل له‌شێ‌ ژنێ‌ په‌یدادبن.
دێ‌ چ كه‌ی دا ژ هه‌ودانێن میزه‌رۆیێ‌ بهێیه‌ پاراستن؟
ژبه‌ركو ئه‌ڤ جوره‌ هه‌ودانه‌ ب كریارا سێكسی ڤه‌ دگرێداینه‌، رامان ژێ‌ ئه‌و نینه‌ كو خوه‌ ب ئێكجار ژ سێكسی دوور بكه‌ن، به‌لێ‌ هنده‌ك رێك و شیره‌ت هه‌نه‌ هاریكارن بو كێمكرنا ڤێ‌ ئاریشێ‌ كو پێك دهێن:
• راسته‌وخو پشتی ئه‌نجامدانا سێكسی، ده‌ستئاڤا خوه‌ خوش بكه‌.
• به‌ری ئه‌نجامدانا سێكسی پێدڤیه‌ ژن و زه‌لام باش خوه‌ پاقژ بكه‌ن.
• گه‌له‌ك ئاڤێ‌ و شله‌مه‌نیان ڤه‌خوو كو هاریكارن بو قورتالبوونێ‌ ژ به‌كتریا.
• ب كارئینانا رێگرێن زارۆبوونێ‌ رێژا تووشبوونا هه‌ودانان زێده‌ناكه‌ن.
• پێدڤیه‌ زه‌لام ئه‌ندامێنخوه‌ یێن زاوزێ‌ باش بشووت به‌ری و پشتی ئه‌نجامدانا سێكسی.
• ب كارئینانا كۆندومان دێ‌ هاریكاریا زه‌لامی كه‌ت بو پاراستنا وی ژ هه‌ودانان.
پێدڤیه‌ ژبیرنه‌كه‌ین كو ئه‌ڤ هه‌ودانه‌ ژ وان نه‌خۆشیێن ب رێیا سێكسی ڤه‌دگوهاستن نینن، به‌لێ‌ ده‌مێ‌ نیشان دیاربوون، شیره‌تان ل ته‌ دكه‌ین سه‌ره‌دانا نوشداره‌كی بكه‌ بو وه‌رگرتنا چاره‌سه‌ریا پێدڤی.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *