خوهدانا زێده‌ ئاریشه‌یێن جڤاكی و كه‌سایه‌تی په‌یدادكه‌ت

نۆش نیوز:
د.په‌یمان مسته‌فا، نوشدارا تایبه‌تمه‌ندا نه‌خۆشیێن پیستی دیاركر كو خوهدانا زێده‌ ئاریشه‌كا دژوار یا پیستی یه‌، د ژیێ گه‌نجاتیی و زاروكاتیێ‌ دا هنده‌ك پێ‌ د ئێشن، و دهێته‌ نیاسین ب خوهدانا زێده‌ یا گلاندێن خوهدانێ‌ ژ به‌ر نه‌گونجاندنا وێ دگه‌ل پله‌یێن گه‌رماتیێ و د هه‌موو جهێن له‌شی دا په‌دادبیت و بارا پتر بن كه‌ڤشا و ده‌ست و پێیان دگریت و ئه‌ڤه‌ دبیته‌ ئه‌گه‌رێ‌ نه‌خۆشیی و ئالوزیێ‌ و تێكدانا هه‌ڤسه‌نگیێ‌ دگه‌ل ژیانا روژانه‌ یا جڤاكی و دبیته‌ ئه‌گه‌ر فشارێن ده‌روونی ل سه‌ر كه‌سایه‌تیا وی زێده‌ببن.
دیاركر ژی دگه‌ل بلندبوونا پله‌یێن كه‌ش و هه‌وایی تایبه‌ت ل وه‌رزێ‌ هاڤینێ‌ كو د چیته‌ سه‌ر 44 پله‌یێن سیلیزی، خوهدانا زێده‌ دبیته‌ به‌ربوونا زێده‌ بو له‌شی و پێدڤی ب چاره‌سه‌ره‌یێ‌ هه‌یه‌ و گۆت: راسته‌ خوهدان ئاریشه‌كا سروشتی یه‌، به‌لێ خوهدانا زێده‌ ئاریشه‌یه‌ بو هنده‌كان، و ئه‌ڤه‌ دێ یا ب زه‌حمه‌ت بیت كو زال بن ل سه‌ر ب رێكێن ب كارئینانا كه‌ره‌ستێن له‌شجوانیێ و یێن ساخله‌می و ئه‌ڤ خوهدانه‌ ژلایێ‌ زانستی ڤه‌ ب (خوهدانا زێده‌) دهێته‌ نیاسین.
ده‌رباره‌ی جیاوازیا دناڤبه‌را خوهدانا نورمال و خوهدانا زێده‌، د.په‌یمان مسته‌فا دیاركر كو خوهدان ئاریشه‌كا مه‌زنه‌ و كه‌سانێن خوهدان ل ده‌ڤ خوهدانه‌كا زێده‌ ده‌ردئێخن كو چار یان پێنج جاران ژ مروڤێ ئاسایی پتره‌ و خوهدان دبیته‌ ئه‌گه‌ر كو مروڤ هه‌ست ب نه‌ ئارامی و نه‌ره‌حه‌تیێ بكه‌ت د ناڤ جڤاكی و كومه‌لگه‌هی دا.
ده‌رباره‌ی جورێن خوهدانێ‌ ژی دیاركر كو سێ‌ جورێن خوهدانێ‌ هه‌نه‌ ژوانژی، خوهدانا سه‌روچاڤان: خوهدان ده‌ست پێ‌ دكه‌ت ژ ئه‌نیا مروڤی و دهێته‌ خوار و ڤه‌دگریت هه‌تا هه‌موو سه‌روچاڤان بگریت بتایبه‌ت د ده‌مێ وه‌ستیانێ دا. هه‌روه‌سا ده‌ما نه‌خوش هه‌ست ب نه‌ ئارامی و ترسیانێ بكه‌ت.
دیسا خوهدانا نیڤا ده‌ستێ: ب شێوه‌كێ‌ گشتی ئه‌و پتر یا به‌ربه‌لاڤه‌ و كه‌له‌گ ژ نه‌خوشێن ئه‌ڤ جوره‌ ل ده‌ڤ هه‌ست ب شه‌رمیه‌كا زێده‌ دكه‌ن، ژ به‌ركو ل ده‌مێ سلاڤكرنێ هه‌ست ب بێهنته‌نگیێ دكه‌ت و ئه‌ڤه‌ دبیته‌ ئه‌گه‌ر كو ژ سلاڤكرنی دوور بكه‌ڤت دگه‌ل جڤاكی.
هه‌روه‌سا خوهدانا بن كه‌ڤشان: د ئه‌ڤی جورێ دا هنده‌ك جاران وه‌ك شلبوون دهێته‌ دیتن و هنده‌ك جاران ل سه‌ر جل و به‌رگێن نه‌خوشێ وه‌ك پنیه‌كا سپی یا خوێ و ئه‌ڤه‌ دبیته‌ بێهنته‌نگیه‌كا زێده‌ بو نه‌خوشی.
گۆتژی د هنده‌ك جاران خوهدان جهێن دێ یێن له‌شی دگرێت و ب شیوه‌كی گشتی خوهدان ل ده‌مێ كه‌ش و هه‌وا به‌ره‌ڤ گه‌رماتیێ ڤه‌ دچیت زێده‌ دبیت. هه‌روه‌سا ئه‌گه‌ر پلا گه‌رماتیێ گه‌له‌ك یا زێده‌ بیت یان فشاره‌كا ده‌روونی یان هه‌سته‌كێ خوشیێ چ ب رێكه‌كا راسته‌خو ل سه‌ر نه‌خوشی، هه‌روه‌سا ل ده‌ڤ هنده‌ك نه‌خوشان ژ نشكه‌كیڤه‌ په‌یدادبیت بو ده‌مه‌كێ نه‌ دیار.
ل دور چاره‌سه‌ریێ‌ ژی، د.په‌یمان مسته‌فا دیاردكه‌ت كو پێدڤیه‌ ب رێیێن خوجهی یێن دژه‌ خوهدانێ‌ بهێنه‌ چاره‌سه‌ركرن، یانژی چاره‌سه‌ری ب رێیا ده‌رزیێن خوجهی یێن ( بوتوكس) هه‌یه‌ و دیسا هه‌كه‌ گه‌له‌ك یا ئالوز بیت هنده‌ك جاران پێدڤی ب نشته‌رگه‌ریان دبن.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *