ھندەک جاران پشتی نشتەرگەریێ نەخۆش تووشی سەرئێشانێ دبيت

نوش نیوز:

تایبەتمەندا بێھوشکرنێ ل نەخۆشخانا ئافرەت و زارۆکبوونێ دھۆکێ دیارکر کو ل دووڤ ڤەکۆلین و ئامارێن جیھانی ژی بێھوشکرنا نێڤ سڕکرن مەترسی ل سەر ژیانا ژنا دووگیان کێمتر لێ دھێـت بەرامبەر بێھوشکرنا گشتی.

د. دلسوز مل شێرۆ، تایبەتمەندا بێھوشکرنێ ل نەخۆشخانا ئافرەت و زارۆکبوونێ دھۆکێ بۆ نوش نیوز دیارکرکو ئارمانجا مە سلامەتیا ژنا دووگیان وپاراستنا وی یە ژ ھەر مەترسیەکێ لەورا ئەم ڤێ جۆری بێھوشکرنێ بۆ وان ژنیێن دووگیان ئەوین پێدڤیی ب نشتەگەریێ پیشنیاز دکەین چونکو نیڤ سڕکرنێ باشین خوە ھەنە وەکو دایکی دی ئاگەە ژ خوە ھەبیت وەکی ژدایک بوونا سرۆشتی دشێت د وێ دەمێ دا زارۆکێ خوە ببینت و زارۆک دێ وەکو ژدایک بوونا سرۆشتی یێ چالاک بیت وکاریگەریا دەرمانیێن بێھوشکرنێ لێ ناھێتە کرن پشتی نشتەگەریێ بۆ ماوێ چار ھەتا شەش دەمژمێران دایک پێدڤی ب چ دەرمانیێن ئارام بەخش نابیت.

ئاشکەرا کرکو نیڤ سڕکرن مەترسیا راوەستانا دلی وبلندبوونا فشارا خوینێ و ھشیار نەبوون پشتی نشتەگەریێ نامینت وپێدڤی ب ڤەگوھاستن بۆ بەشێ چاڤدێریا چر کیمتر لێ دھێت و ئەڤ جۆرە بێھوشکرنا بۆ وان ژنان یێ باشە یێن سەنگا وان یا زێدە یان نەخۆشیا فشارا خوینێ ھەی باشە ئەنجامدانا ڤێ جۆری نیڤ سڕکرن گرەنتیا سلامەتیی یە بۆ وان دەمێ زارۆکبوونێ.

دەرباری چاوانیا سەرەدەریکرن دگەل سەر ئێشانا پشتی سرکرنێ د. دلسوز مل شێرۆ گۆت: ھندەک جاران دماوێ ٢٤ ھەتا ٧٢ دەمژمێران پشتی نشتەرگەریێ نەخۆش تووشی سەرئێشانێ دبیت ئەڤ سەر ئێشانا تشتەکێ سرۆشتی یە وھیچ مەترسیەک نینە بتنی پێدڤیە نەخۆش د وێ دەمێ دا ژوورەکا تارێدا ل سەر پشتێ ب رازیت وگرنگیی بداتە ڤەخۆارنا چا و قەھوێ وھندەک جاران دشێت دەرمانیێن تەناکەر بکاربینت.

زێده‌تر نیشان بده‌

له‌زگين جۆقى

له‌زگين جۆقى ژ دايكبوويێ 1980ێ يه‌. 10 ساله‌ كارێ رۆژنامه‌ڤايێ ل دهۆكێ دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *