پلانێن ستراتیژی یێن ساخله‌میێ‌ بو هه‌موو قه‌زایان دێ‌ هێنه‌ دانان

نۆش نیوز:

ژبو نێزیك هایداربوون ل سه‌ر ره‌وشا ساخله‌میێ‌ ل قه‌زایێن سه‌ر ب ساخله‌میا دهۆكێ‌ و زانینا كێم و كاسیان و چاوانیا پێشڤه‌برنێ‌ و په‌ره‌پێدانێ‌، د.نزار عصمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ ل گه‌ل رێڤه‌به‌رێن رێڤه‌به‌ری و كه‌رتێن ساخله‌میێ‌ و هژماره‌ك سه‌رۆك پشكان كومبوو.
د.نزار عصمه‌ت، خواست هه‌ر رێڤه‌به‌ریه‌ك كاودانێن خوه‌ ب هه‌لسه‌نگینیت و پلانه‌كا ستراتیژی بدانیت ل دور پێدڤیێن هه‌ر قه‌زایه‌كێ‌ ژ ئاڤاهی و پێدڤیێن نوشداری و ستافێ‌ كاری بو هندێ‌ پتر پشته‌ڤانی لێ‌ بهێته‌ كرن.
هه‌روه‌سا دیاركر، ل ده‌مێ‌ ده‌ربازبووی كاره‌ك باش هاتیه‌ كرن دگه‌ل كه‌رتێ‌ تایبه‌ت و هه‌تا راده‌یه‌كێ‌ مه‌زن شیاینه‌ گه‌له‌ك جهان سزا بده‌ن و بگرن و گۆت: پێدڤیه‌ دووڤچوونا كه‌رتێ‌ تایبه‌ت یێ‌ ساخله‌میێ‌ به‌رده‌وامی هه‌بیت، ژ نه‌خۆشخانه‌ و كلینیكێن تایبه‌ت یێن نوشدار و كارمه‌ندێن ساخله‌میێ‌ و كوگه‌ه و ده‌رمناخانه‌ و تاقیگه‌هان و گۆت: ب چو ره‌نگه‌كی نابیت رێ‌ ل سه‌رپێچیا بهێته‌ كرن و هه‌ر جهه‌ك پێگیریێ‌ ب پیڤه‌رێن قانوونا ساخله‌میا گشتی نه‌كه‌ت و سه‌رپێچی بهێنه‌ دیتن ژ ( سه‌ره‌ده‌رریا دگه‌ل نه‌خوشان و پاقژیێ‌)، دڤێت پێرابوون دگه‌ل بهێنه‌ وه‌رگرتن و رێڤه‌به‌رێن ساخله‌میێ‌ ل قه‌زایان هه‌موو ده‌ستهه‌لات و ماف هه‌نه‌ بو دووڤچوونا كه‌رتێ‌ تایبه‌ت ژ سزادان و گرتنا وان.
د.نزار عصمه‌ت، ته‌كه‌ز ل بابه‌تێن خۆپاراستنا ساخله‌میێ‌ كر ب تایبه‌ت ڤاكسیندانا زارۆیان و كونترولكرنا نه‌خۆشیێن ڤه‌گر و دڤێت رۆژانه‌ ل هه‌موو بنگه‌هێن ساخله‌میێ‌ ڤاكسین بهێنه‌ دان و چو زارۆ نه‌هێنه‌ ڤه‌گه‌راندن ژپێخه‌مه‌ت كونترولكرنا نه‌خۆشیێن زارۆیان و گۆتژی: نوكه‌ وه‌رزێ‌ هاڤینێ‌ یه‌ و بو نه‌هێلانا نه‌خۆشیێن ڤه‌گر ل ڤی وه‌رزی ب تایبه‌ت نه‌خۆشیا كولێرایێ‌ و فه‌ره‌ هه‌ر ژ نوكه‌ كومبوونێن به‌رفره‌ه دگه‌ل لایه‌نێن په‌یوه‌ندیدار بهێنه‌ كرن ژبوی وه‌رگرتنا پێرابوونان و دانانا رێنمایان داكو كولێرا په‌یدانه‌بیت.
رێڤه‌به‌رێن ساخله‌میێ‌ ل قه‌زایان ئاریشه‌ و بووچوون و پێشنیارێن خوه‌ ئاراسته‌ كرن و رێكێن چاره‌سه‌ریێ‌ بو هاتنه‌دیاركرن.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *