ل دەمێ پێڤەدانا دویپشک و ماری چ بکەین

ل دەمێ پێڤەدانا دویپشک و ماری چ بکەین
نوش نیوز:
ئەڤ جورێن ماری ل هەرێما کوردستانێ ژ جورێ(افعی)یە، دژە ژەهری ژی ل نەخۆشخانێن هەرێما کوردستانێ هەیە، هەتا ئەگەر دژە ژەهریش بکارنەهێت رەنگە پێ نەمریت، لێ بۆ (زارۆکان، کەسێن دانعەمر، یان کەسەکێ لاواز، یان ئێکێ کێشێن ساخلەمیێ هەبن)دێ کارتێکرنێ لێ کەت و رەنگە بیتە ئەگەرێ مرنا وی، یان ل دەمێ مار ب کەسەکی ڤەدەت و زوی نەگەهیتە نەخۆشخانێ ژبەر جهێ دویر یان زوی پێ نەزانن ئەڤە ژی یا مەترسی یە سەر ژیانا وی.

٭چبکەین  دەمێ پێڤەدانێ دا:

٭ل دەست پێکێ هەولبدە جهێ پێڤەدانێ بزانی.
٭هەردەمێ تە جهێ پێڤەدانێ دیت، زوترین دەم وی جهی ب ئاڤا سار و سابۆنێ بشۆ، هەکە چ نەبیت ئەو ژەهرا ل دەوروبەرێن جهێ پێڤەدانێ دێ هێتە پاکژکرن و دناڤ هەمی لاشی دا بەلاڤ نابیت.
٭ئەو کەسێ دویپشک یان مار پێڤەدەت، پێدڤیە ئەو کەس خۆ ئارام بکەت و ل سەر خۆ بیت و خۆ تێک نەدەت.
٭نابیت قەلەبالغی و دەنگە دەنگ ل سەر کەسێ دویپشکی یان ماری پێڤەدای دروست بیت، بۆ وێ چەندێ هەتا لێدانێن دلی و فشارا خۆینێ بەرز نەبیت، چونکی ترس و فشار دێ بیتە ئەگەرێ هندێ کو زویتر ژەهر دناڤ لاشی بەلاڤ بیت، لەوا زۆر یا گرنگە هەتا بشێی ترسێ ل دەف وی کەسی کێم بکەی ئەو ژی ب هندەک ئاخفتنێن خۆش ئەگەر پێدڤی کر.
٭ڤەخوارنا شیری مفایەکێ باش یێ هەی ل دەمێ پێڤەدانا دویپشکی و ماری چونکی دژە ژەهرە و دبیتە ئەگەرێ ڤەرشیانێ، ب ڤێ چەندێ ژەهر ناچیتە نزیک دلی و دێ یێ ب سلامەت بیت.
٭ئێک ژ خالێن دی یێن گرنگ هەولبدە ئەو کەسێ ماری یان دویپشکی پێڤەدای جهێ پێڤەدانێ لڤین پێ نەهێتەکرن،چونکی هندی لڤین ب وی جهی بکەڤیت دێ زویتر ژەهر ناڤ لاشێ ویدا بەلاڤ بیت.
٭هەولبدە پارچەک ژ بەفرێ دانیە سەر جهێ پێڤەدانێ و بۆ ماوێ ۱۰خولەکان و دووبارە بکەڤە، هەتا بگەهیە جهەکێ ساخلەمیێ، ئەڤ چەندە دبیتە ئەگەر ژەهر زویتر بەلاڤ نەبیت بۆ ناڤ لاشێ نەخۆشی دا.
٭ئەگەر جهێ پێڤەدانێ دەست بیت، نابیت ب هیچ شێوەکێ دەستێ خۆ بلند بکەی، تایبەت ل ئاستێ بلندتر ژ دلی،چونکی ئەڤە ژی بەلاڤکرنا ژەهرێ بلەزتر لێ دکەت.
٭ل هەمی دەمەکی دا دگەل ڤان رێکان باشترە بۆ چارەسەریێ زویترین دەم بگەهینی یە نەخۆشخانێ و بەفرێ ژی دگەل خۆ ببە و رێکێ ل سەر جهێ برینێ دانە.
٭ئەگەر ئەڤ رێکە بهێنە جێبەجێکرن مەترسی دێ کێمتر بیت ل سەر ژیانا ی کەسێ ماری یان دویپشکی پێڤەدای.
٭هەمی جورێن مار و دویپشک ب مەترسی نینە.

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *