ئه‌و شاشیێن ل ده‌مێ‌ ب كارئینانا میكروویفێ‌ په‌یدادبن

نۆش نیوز:
گه‌له‌ك كه‌س هه‌نه‌ خوارنێ‌ ب رێیا میكروویفێ‌ گه‌رم دكه‌ن ژبه‌ر نه‌بوونا ده‌می، هنده‌ك ژوان كه‌سان هنده‌ك ئامانان ب كاردئینن كو نابیت خوارنێ‌ بكه‌نه‌ تێدا، ئه‌ڤه‌ژی دبیته‌ ئه‌گه‌ر زیانێن ب مه‌ترسی لسه‌ر ساخله‌میا وان په‌یداببن.
ل دووڤ راپورته‌كێ‌ كو ل سایتێ‌ ( ریدیرز دایگست) هاتیه‌ به‌لافكرن دیاردبیت كو هژماره‌كت زوور یا خوارنا نابیت دناڤ میكروویفێ‌ دا بهێنه‌ گه‌رمكرن، ژبه‌ركو هنده‌ك كه‌رستێن كیمیاوی ژێ‌ ده‌ردكه‌ڤن ژوان ژی:
• حه‌لاندنا گۆشتی: میكروویفه‌ دشێت لایێن گۆشتی ب سوژیت، به‌لێ‌ نیڤه‌كا وی وه‌كو خوه‌ دمینیت، ئه‌ڤه‌ژی رێكێ‌ ه‌دكه‌ت كو به‌كتریایێن ب زیان وه‌رارێ‌ بكه‌ن.
• فێقیێ‌ جه‌مه‌دگرتی: ده‌مێ‌ فێقیێ‌ جه‌مه‌دگرتی دناڤ میكروویفێ‌ دا دهێته‌ دانان كه‌رستێن وێ‌ ژ ئه‌كسیدی بو كه‌رستێن په‌نجه‌شێرێ‌.
• هێك: شاره‌زایێن خوراكیێ‌ هوشداریێ‌ دده‌ن ژ مه‌ترسیا دانان هێكا دناڤ میكروویفێ‌ دا، ژبه‌ركو ئه‌و دبیته‌ ئه‌گه‌رێ‌ پێكئینانا كه‌رستێن ژه‌هراوی، ئه‌ڤ چه‌نده‌ ژی كارتێكرنێ‌ ل كۆئه‌ندامێ‌ هه‌رسكرنێ‌ دكه‌ت.
• شیر: هنده‌ك ڤه‌كولینێن نوشداری شیره‌تان دكه‌ن كو شیری دناڤ میكروویفێ‌ دا گه‌رم نه‌كه‌ن، چونكو گه‌له‌ك ژ مفایێن خوه‌ ژده‌ست دده‌ت.
• ئامانێن پلاستیكی: گه‌له‌ك ژ ئامانێن پلاستیكی ژ كه‌رستێن كیمیاوی پێك دهێن، ئه‌و كه‌رسته‌ دشێن بچنه‌ دناڤ خوارنێ‌ دا ده‌مێ‌ پلاستیك گه‌رم دبیت، هه‌كه‌ تو تشتێ‌ ڤه‌خوارنێ‌ ب رێیا كوپێن پلاستیكی گه‌رم دكه‌ی، پێدڤیه‌ راسته‌وخو وی كاری بهێلی.
• ئامانێن فلینی: ئه‌ڤ جورێ‌ ئامانا دشێت كه‌رستێن كیمیاوی ڤه‌گوهێزنه‌ ناڤ خوارنا ته‌ ده‌مێ‌ كه‌ل دبن، باشتره‌ خوارنێ‌ دناڤ ئامانێن شووشه‌ی دا ب كاربینی ل شوونا وان.
• كوپێن كه‌ڤن: هنده‌ك كوپێن كه‌ڤن ژ هنده‌ك كه‌رستێن ب مه‌ترسی پێك دهێن وه‌كو ، رساس، كانزایێن گران، له‌ورا هندی دشیان دابیت كوپێن كه‌ڤن نه‌كه‌ننه‌ دناڤ میكروویفێ‌ دا.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *