چاوانیا خۆپاراستن ل دروست بوونا بەری دناڤ گۆلچیسکێ دا

چاوانیا خۆپاراستن ل دروست بوونا بەری دناڤ گۆلچیسکێ دا
نوش نیوز:
گۆلچیسک ئەندامەکێ گرنگێ لاشی یە وەکو فلتەرەکێ خوینێ کاردکەت کو هەمو ماددێن زیان و ژەهراوی پاکژدکەت و خۆینێ پاکژ دکەت برێکا میزێ دهاڤێتە دەرێ دەرڤەیێ لاشی، هەروەسا ماددێن کانزای و ئیلیکترۆلایت و ئاڤا لاشی ب هەڤسەنگی دهێلیت.
ل دەف هندەک کەس ماددە ئێک دگرن و رەمل بەری دروست دکەن و گۆلچیسکێ تۆشی هەودان و کێشا دکەن.
ژ وان نیشانا کو دشێت هاریکاربن بۆ دەست نیشانکرنا بەرێ گۆلچیسکێ
٭ئێشانا زۆر ل دەوروبەران و هندەک جارا ئێشانەکا دەملدەست
٭زۆر میزکرن و گوهرینا رەنگێ
٭عێلنجی و ڤەرشیان
٭هەستکرن ب ڤەسوتنا دەست ئاڤێ ل دەمێ میزکرنێ
٭تا و لەرزین ئەگەر کەسەک تۆشی هەودانابیت کو ب رێکا پشکنینا میزێ دشێت دەست نیشان بکەت.
بۆ رێگری کرن ل دروست بوونا بەرێ گۆلچیسکێ دڤێت دوربکەڤین ل وان تشتێن کو دبنە هۆکار بۆ دروستبوونا بەرێ گۆلچیسکێ، چەند رێنمای هەنە ب مفانە بۆ خۆ پاراستن ل کێشە و نەحۆشیێن گولچیسکێ.
٭ڤەخوارنا ۷ــ۸بەرداخێن ئاڤێ روژانە
٭کێمرنا وان خوارنا کو ئەگەرێ دروستبوونا بەرێ گۆلچیسکێ زێدە دکەن وەکو(چپسی پەتاتە،ڤینگر،شۆکۆلاتا،سپیناغ،رێڤاس،چایا رەش، تڤر،چەرەسات، کۆلا) کو دبنە ئەگەرێ دروستبوونا بەرێ گۆلچیسکێ.
٭کێم خوارنا وان خوارنێن کو زۆر پروتین تێدابیت وەکو(گۆشتێ سور،هێلک،خوارنێن دەریای).
٭کێمکرنا خوێ دناڤ خوارنێ دا، چونکی رێژا کالسیۆمێ دمیزێ دا زێده دکەت ب ڤێ چەندێ ئەگەرێ بەرێگۆلچیسکێ زێدە دکەت.

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *