١١ هزار ٤١٨ کەسان سەرەدانا دەزگەھێن ساخلەمیێ داینە

ل رۆژانێن بهێنڤەدانا جەژنێ ۸۲ نشتەرگەری هاتینە ئەنجامدان

نوش نیوز:

بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ دیارکر کو ١١ هزار و ٤١٨ کەسان د جەژنا رەمەزانێ دا سەرەدانا دەزگەھێن ساخلەمیێ ل دھۆکێ کریە و ٢٦٣ زارۆ ژ دایک بووینە و ٣٤ کەسان گیانی خوە ژ دەست دایە.

حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ د کۆنگرەکێ رۆژنامەڤانی دا دیارکر کو ژ سەرجەمێ ١١ هزار و ٤١٨ کەسێن سەرەدانا دەزگەھێن ساخلەمیێ کرین ٣٨٢ کەس ھاتینە نڤاندن و ٢٦٤ زارۆ ژ دایک بووینە ژ وانا ژی ١٣٤ کور و ١٢٩ کچ و ٨٢ نشتەرگەری ھاتینە ئەنجامدان و ٨٨ حالەتیێن سوتنێ ھاتینە تۆمارکرن پێنچ ژ وانا ل زاخۆ بووینە و ژنەکا ٦٠ سالی سووتبوو و گیانی خوە ژ دەست دایە و ١٥ حالەتیێن ب شەرچوونێ ژی ھاتینە تۆمارکرن و ٣٤ کەسان ب ئەگەرێن ھەمەجۆر و نەخۆشیان و روودانان گیانێ خوە ژ دەست داینە ژ وانا ژی ٢١ کەس کو شەش ژی زارۆ بووینە ژ ئەگەری نەخۆشیان مرینە و حەفت کەسان ژی ب روودانیێن ھاتنوچوونێ گیانی خوە ژ دەست داینە و دو حالەتیێن خوە کوشتن و ئێک خەندقین و ئێک سووتن ھاتینە تۆمارکرن.

ئاشکەرا ژی کر کو تێمێن زێرەڤانیێ سەرا ٣٦ جھا داینە و دو جهـ ھاتینە گرتن و ٣ جهـ ھاتینە سزادان و ١٣ جهـ ژی ھاتینە ھوشداریکرن کو دو ژوان ھوشداریێن دووماھیێ بووینە. “٢٧٨ کەسان ل میحوەرێن پێشمەرگێ کوردستانێ قەستا تێمێن ساخلەمیێ کرینە کو ٢٦ ژ وان بۆ نەخۆشخانەیان ھاتینە ڤەگوھاستن و ٦٣ حالەتان پەیوەندێ ب تیمێن ١٢٢ کرینە ژ وان ژی سوتن و جەلتە و ژەھرایبوون و شکەستن بووینە و حالەتەک ژی ھەبوویە کەسەکی ھەڤژینا خوە دایە بەر چەقویان و تیمێن ١٢٢ شیاینە بگەھیننە نەخۆشخانێ”.

زێده‌تر نیشان بده‌

له‌زگين جۆقى

له‌زگين جۆقى ژ دايكبوويێ 1980ێ يه‌. 10 ساله‌ كارێ رۆژنامه‌ڤايێ ل دهۆكێ دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *