ساخله‌می پشتی جه‌ژنێ‌

نۆش نیوز:
پشتی ب دووماهی هاتنا مه‌ها ره‌مه‌زانا پیرۆز و خۆشیێن جه‌ژنێ‌ و خوارنێ‌ و شریناهیا كو هنده‌ك ژێ‌ تێر نابن، مه‌عیدا مرۆڤی دێ‌ ده‌ست ب گۆهورینا كه‌ت كو ره‌مه‌زانێ‌ فێرببوویێ‌، گۆهورینا شێوازێ‌ خوارنێ‌ دێ‌ ده‌ستپێ‌ كه‌ت ب خوارنا سێ‌ دانێن سه‌ره‌كی كو جوداهی ل گه‌ل مه‌ها ره‌مه‌زانێ‌ هه‌یه‌، ئه‌ڤه‌ دبیته‌ ئه‌گه‌رێ‌ ئاریشه‌یان وه‌كو كێم هه‌رسكرنێ‌ و به‌رسۆژێ‌، ژ ئه‌نجامێ‌ گه‌له‌ك خوارنێ‌ و ب كه‌میێن جودا، ڤه‌رێژا مه‌عیدێ‌ فێری وێ‌ چه‌ندێ‌ دبیت كو ل ده‌مه‌كێ‌ ده‌ستنیشانكری خوارنێ‌ هه‌رس بكه‌ت و هه‌كه‌ ل وی ده‌می چو خوارن دمه‌عیده‌ی دا نه‌بیت، دێ‌ كارتێكرنێ‌ ل دیوارێن مه‌عیده‌ی و دوازده‌ گرێیێ‌ كه‌ت، د ئه‌نجامدا دێ‌ تووشی كولبوون و هه‌ودانان و هنده‌ك نه‌خۆشیێن دیتر بن.
هه‌كه‌ مرۆڤ خوارنا خوه‌ ل دووڤ سیسته‌مه‌كێ‌ ساخله‌م و ل ده‌مه‌كێ‌ دروست نه‌خووت، دێ‌ تووشی بێهێزبوونا گشتی و بێ‌ ئاگه‌هیێ‌ بیت،و دشیاندایه‌ شه‌هیا وی بۆ خوارنێ‌ كێم ببیت، هه‌كه‌ هه‌ر گیرۆبوونه‌ك بكه‌ڤیته‌ دانێن خوارنێ‌ ب شێوه‌یه‌كێ‌ به‌رده‌وام یان خوارن ل سه‌ر مه‌عیدا تژی خواره‌ڤه‌، بزاڤا رژینێن هه‌رسكرنێ‌ دێ‌ تێك چیت و كریارا هه‌رسكرنا خوارنێ‌ دێ‌ ئالوز بیت.
سه‌ره‌رای كو گۆشت رۆله‌كێ‌ سه‌ره‌كی دبینیت بۆ گه‌شه‌پێدانا له‌شی ب پرۆتینی و ڤیتامین (بی) و كاردكه‌ت بۆ ئاڤاكرنا شانه‌یێن له‌شی و هێزا پێدڤی دده‌ته‌ له‌شی، به‌لێ‌ پێدڤیه‌ ئه‌م بزانین گوشتێ‌ سۆر ریژه‌یه‌كا مه‌زن یا پرۆتینا تێدایه‌ و دیا گه‌له‌ك روین ژی دناڤدا هه‌یه‌ و دبیته‌ ئه‌گه‌رێ‌ زێده‌كرنا رێژا كولیسترولێ‌ LDL دخوینێ‌ دا كو ب كولیسترۆلێ‌ نه‌باش دهێته‌ ناڤكرن، ژبه‌ركو دناڤ ده‌مارێن خوینێ‌ دا گیرهه‌دبیت و دبیته‌ ئه‌گه‌رێ‌ ره‌قبوونا خوینگران و گرتنا وان و د ئه‌جامدا كارتێكرن ل دلێ‌ مرۆڤی دبیت.
له‌ورا شیره‌تان دكه‌ین پشتی جه‌ژنێ‌ ژی ل دووڤ سیسته‌مه‌كێ‌ دروست یێ‌ خوارنێ‌ بچین و پیچ پیچه‌ بزڤرینه‌ڤه‌ بۆ شێوازێ‌ خوه‌ یێ‌ به‌ری ره‌مه‌زانێ‌، نه‌كو راسته‌وخو ده‌ست ب گوهۆرینان بكه‌ین.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *