ئاریشا غازاتێن زکی د رەمەزانێ دا

ئاریشا غازاتێن زکی د رەمەزانێ دا
نوش نیوز:
دکتور عەدنان سالح تایبەتمەندێ نشتەرگەریێن گشتی ل نەخوشخانا گۆلان ددەتە دیارکرن کو ئاریشا زکبەلبوونێ و غازاتا ئێکە ژ ھەرە ئاریشێن بێزارکەر بۆ روژیگرتنێ، کو دروست بیت ژ ئەنجامێ خرڤەبوونا غازاتا دناڤ عەدە و رویڤیکاندا، رێکێن سروشتی بوچ نەمانا ڤێ گرفتێ ئەڤەنە:
*خوارنا فتارێ بلەز نەخۆ،ل سەر ئێک جەمێ خۆ نەخۆ.
*زێدە پێدڤیا خۆ ژ خوارنێ نەخۆ، ھەولبدە زکێ خۆ تژی نەکەی.
*خوارنێ باش بجوی و پاریێت بچویک چێکە، چونکی ئێک ژ ھوکاران چوونا ھەوایەکێ زورە بۆ ناڤ ھناڤا ژئەنجامێ لەزاتیا داعویرانا خوارنێ و باش نەجووینا پاریێ خوارنێ.
*ئاڤا گەرم زور ڤەخۆ ھەروەسا شەربەتێن سروشتی یێن تێنشیر ڤەخۆ،خۆ دویربێخە ژ ڤەخوارنا ئاڤا تەزی و ڤەخوارنێن دیکە یێن بەستی(جەمدی).
*ل جھێ زەرزەواتێن خاف، زەرزەواتنێن لێنای ئانکو کەلاندی بکاربینە،یا باش ئەوە بھێتە سپیکرن.
*خوچ دویر بێخە ژ وان نەریتێن ڤێ ئاریشێ زێدەدکەن مینا جگارە کێشانێ و بەنیشت جوینێ بۆ دەمەکێ درێژ(چونکی ھەوایەکێ زێدە دچیتە ھناڤا دگەل دویکێلا جگارێ و بەنیشتی) ھەروەسا روینشتن بەرامبەری تەلەفزیونێ بۆ ماوێن درێژ.
*رێڤەچوون بۆ ماوێ نیڤ سەعەتێ بکێمیڤە،لێ دڤێتن پشتی بورینا ٢ــ٣ سەعەتان بیت ژ دەمێ فتارێ.
* ھندەک خوارن و گژ و گیایێن بەرنیاس بۆ چارەسەریا غازاتا بکاربینە،ئاڤا پینگی،چایا بابونج و یانسون،زنجەبلیل،ئاڤا لیمونێ،ھێل و دارچین، توڤێ حەوینج، سیر،خەلا سێڤێ،کورکم،کەرەفس،فەرەولا،ئاڤا گیزا ھندێ.

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *