ئامیرێ میفراسێ ل نەخوشخانا گولان ھاتە ڤەکرن

  1. ئامیرێ میفراسێ ل نەخوشخانا گولان ھاتە ڤەکرن
    نوش نیوز:
    ئەڤرۆ ب ئامادەبوونا دکتور نزار عسمت رێڤەبەرێ گشتی یێ ساخلەمیا پارێزگەھا دھوکێ و دەڤەردارێ ئاکرێ رێڤەبەرێ ساخلەمیا قەزا ئاکرێ ئامیرێ میفراسێ ل نەخوشخانا گۆلان یا گشتی ھاتە ڤەکرن و دێ کەڤیتە کارکرنێ دا بۆ خزمەتکرنا نەخوشێن دەڤەرێ.
    د.نزار عسمت رێڤەبەرێ گشتی یێ ساخلەمیا پارێزگەھا دھوکێ دکونگرەکێ روژنامەڤانی دا دادیارکرن کو نەخوشخانا گۆلان ئێک ژ وان نەخوشخانێن ھەرە گرنگە ل دەڤەرا ئاکرێ کو چەند دەڤەرێن دی ژی وەکو(بەردەرەش و شێخان و بلێ) قەستا وێ دکەن، بۆ ھندێ ژی پێدڤیە پتر پیتەدان ب ڤێ نەخوشخانێ بھێتەدان.


رێڤەبەرێ گشتی یێ ساخلەمیا پارێزگەھا دھوکێ گۆت ژی ئێک ژ وان بزاڤان بۆ نەخوشخانا ناڤبری دانانا ئامیرێ میفراسێ و دانانا ئامیرێ ھوربینیێ بوو، کو کوژمێ ھەردوو پروژان نزیکی (ملیار و نیڤایە) کو ژ ئێک ژ ئامیرێن گرنگ و پێشکەفتی یە، ڤەکرنا ڤی ئامیرەی گرنگیەکا مەزن یا ھەی دێ خزمەتا دەڤەرێ ھەمیێ کەت، ژپروژێن ستراتیژیێن دی یێن ساخلەمیا پارێزگەھا دھوکێ بۆ ئاکرێ دروستکرنا نەخوشخانەکا ھەوارھاتنێ یە ل ئاکرێ، ھەروەسا دانانا ئامیرەکێ رەنینێ یە بۆ ڤێ دەڤەرێ، ب ئاناھیا خودێ پشتی نەمانا قەیرانێ باشترکرنا رەوشا ئابوری ئەو پروژە دێ ھێنە جێبەجێکرن، دانانا میفراسێ ژی پروژەکێ گرنگ بوو ب ڤێ چەندێ ژی ئەم سوپاسیا وەزارەتا ساخلەمیا بەغدا دکەین کو ب رێکا کومپانیا گەلالە ئەڤ کارە ئەنجامدای.


دکتور عەدنان صالح رێڤەرێ نەخوشخانا گۆلان ژی دا دیارکرن کو روژانە ھژمارەکا نەخوشان پێدڤی تیشکا میفراسێ دبن، بوشایەکا مەزن ژی دروست ببوو پشتی کو ئەو چەند مەە بوون ئامیرێ مە ژ کارکەفتی، ڤەکرنا میفراسێ دێ بەشەک ژ ئاریشان چارەکەت و دێ روژا کەڤیتە خزمەتا خەلکێ دەڤەرێ دا، ھەروەسا دێ ل ئێڤاریان ژی بھایەکێ ئەرزان ئێخینە خزمەتا خەلکی دا، داکو خەلک قەستا دەڤەرێن دی نەکەت و ئەڤ ئاریشە دێ ھێتە چارەکرن

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *