ئاریشا ئێشانا مەعیدێ د رەمەزانێ دا

ئاریشا ئێشانا مەعیدێ د رەمەزانێ دا
نوش نیوز:
دکتور عەدنان سالح تایبەتمەندێ نشتەرگەریێن گشتی ل نەخوشخانا گۆلان ئاکرێ بۆ نوش نیوز ددەتە دیارکرن کو ئێشانا گەدێ ب دوو شێوازا مروڤی دگریت د ھەیڤا رەمەزانێ دا، یا ئێکێ ئێشانێن برسێ ل دەمێ روژیگرتنێ، یا دووێ پشتی فتارێ نەخاسمە دەمێ مروڤ خوارنەکا زێدە دخۆت،بلەز بخۆت،پشتی خوارنێ ئێکسەر بنڤیت،یان خوارنێن زەنگین و دوھناتیێ ترشیا بکاربینن،ھەروەسا کەرەستێن کافایین تێدا و شەربەتێن دەستکرد ژ ئەگەرێن دیکەیە.
ب ڤان رێکا دێ شێی خۆ ژڤێ ئاریشێ بپارێزی یان ژی کێم کەی.
*پویتەدانەکا پتر ب پاقژیێ ژبەرکو ھوکارێ سەرەکیێ قەرحێ بەکتریایەکە ب ناڤێ(Helicobacter pylori) کو دھێتە ڤەگوھاستن ب رێکا پیساتیێ و خوارنێ ڤەخوارنێ.
*راگرتنا جگارەکێشانێ:جگارە فاکتەرەکێ ھەرە مەترسیدارە ژبوو زێدەبوونا ترشیێن گەدەی و تێکدانا دیوارێ وێ.
*نەکارئینانا دەرمانێن زیانبەخش ب گەدێ ب تایبەتی حەبێن تەناکرنا ئێشێ(مسکن)وەک پروفین و ڤولتارین و ئەسپرین…ھتد
*خوپاراستن و زوی چارەسەرکرنا فشارێن دەرونی)ترس و خەم و عێجزی…ھتد)
*کێمکرنا خوارن و ڤەخوارنێن زیانێ دگەھینە گەدێ وەک خوارنێن چەور و قەلاندی و شریناھیا، ھەروەسا زێدە ڤەخوارنا کافاینێ(چایا رەش و قەھوە و نیسکافی)شەربەتێن دەستکرد و ڤەخوارنێن غازی.
*خوارنێ ھێدی بخۆ و ب ھوشیاری(بەرامبەر تلەفزیۆنێ نەخۆ)و باش بجوی و ل سەر زکیچ تێر ئێکسەر نەنڤە نەخاسمە پشتی پاشیڤێ، جەمێن خوارنێ دناڤبەرا شیڤێ و پاشیڤێ بلا پتربن بەلێ بڕا وێ کێمتربیتن(کێمخورێ بەردەوام خوربە).
*بەری نھا وەسا دھاتە ھزرکرن کو تیژی و دژواری زیانێ دگەھینتە گەدێ،لێ ھەتا نوکە ئەڤ ئاخفتنە نەھاتیە پشت راستکرن دزانستێ نوشداری دا.
*ئەگەر ڤان پێنگاڤا فایدەنەکر دێ شێی روژیا نەگری،لێ یا گرنگە ئێکەم جار سەرەدانا نوشدارێ تایبەتمەند بکەی و ئەو بریارێ بدەت.

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *