په‌رستاری.. ئه‌و پیشه‌یا گیانێن نه‌ساخ تیمار دكه‌ت

حه‌مزه‌ ره‌زیكی

سالانه‌ ل روژا 12 ئه‌یارێ‌ جیهان هه‌موو ئاهه‌نگان بو روژا جیهانی یا په‌رستاران دگێریت ئه‌و روژه‌ یا كو فلورانس نایتنگێل ژ دایك بوی.
ئارمانج ژ روژا جیهانی یا په‌رستاری زێده‌كرنا پێزانینێن په‌رستارانه‌ بو دروستكرنا باشترین رول و گه‌شه‌پێدانا شیانێن وان یێن پیشه‌ی و باشكرنا وێنێ‌ په‌رستاریێ‌ د جڤاكیدا و به‌رچافكرنا رولێ‌ په‌رستاران د خزمه‌تێن ساخله‌میێ‌ دا.
فلورانس نایتنگێل ل سالا 1820 ل باژێرێ‌ فلورنسا ل ئیتالیا ژدایك بویه‌، ئه‌و ژ خێزانه‌كا زه‌نگین بو باوه‌ری ب خواندنا ئافره‌تێ‌ هه‌بو، ل سالا 1851 ل قه‌تابخانا كایزرو وارت فێری په‌رستاریێ‌ بوویه‌ و وێ‌ باوه‌ری ب گرنگی و دانانا پروگرامه‌كێ‌ تایبه‌ت بو فێربونا په‌رستاریێ‌ و پروگرامه‌كێ‌ خواندنا ئه‌تیكێن پیشه‌یی هه‌بو یه‌ و د خواست ئه‌و به‌رنامه‌ ل سه‌رده‌ستێ‌ هنده‌ك ژنێن مه‌شقكار و ل ئاسته‌كێ‌ بلندێ‌ ره‌وشتی و خودان سالوخه‌تێن باشبن.
فلورانسێ‌ گرنگی ب پاقژی و بنه‌مایێن تافیلكرنێ‌ ددا دیسا ب په‌رستاریا ساخله‌میا گشتی دناڤ جڤاكیدا ددا و دهێته‌ نیاسین ئێكه‌م په‌رستار د دانانا بنه‌مایێن په‌رستاریا نوی و فێركرنا په‌رستاریێ‌ و هنده‌ك ئاست بو خزمه‌تێن په‌رستاریێ‌ و خزمه‌تێن كاركرنێ‌ ل نه‌خوشخانه‌یان دانان.
فلورانس نایتنگێل د بیرهاتنێن خوه‌ دا ب ڤان سالوخه‌تان په‌رستار وه‌سفكرینه‌:
-پێدڤیه‌ خوه‌ دووربكه‌ت ژ ئاخفتن و پروپاكندا.
– به‌حسێ‌ نه‌خوشان نه‌كه‌ت و نهێنیێن وان ئاشكرا نه‌كه‌ت.
– یا ئێمن بیت ل گه‌ل نه‌خوشان.
-ده‌مێ‌ نه‌خوش داخوازیان ژێ‌ دكه‌ت گیرو نه‌بیت، ژ به‌ركو نه‌خوش ژیانا خوه‌ ددانه‌ دناڤ ده‌ستێن وێدا.
– یا هوربین بیت د تێبینی كرنێدا یا نه‌رم بیت د سه‌ره‌ده‌ریێ‌ دا و زوو هه‌ست ب كه‌سێ‌ به‌رانبه‌ر بكه‌ت.
فلورانس نایتنگێل وه‌ كو خوبه‌خش پشكداری د شه‌رێ‌(القرم) دا كربوو و رابو ب تیماركرنا له‌شكه‌ری و ژ به‌ر شیانێن وێ‌ د شه‌ری دا گه‌لێ‌ بریتانی رابون ب به‌خشینا هنده‌ك دراڤی ژبو ئاڤاكرنا قوتابخانه‌كێ‌ بو فێربونا په‌رستاریێ‌ ل نه‌خوشخانا سان توماس ل ئنگێلته‌را و فلورانسێ‌ ب هوری قه‌تابی فێركرن، و پشتی دانانا قوتابخانا فلورانس نایتنگێلێ‌ په‌رستاری بو پیشه‌ و پێتڤی ب راهێنانێ‌ بو و پلانه‌ك بو فێربونا په‌رستاریێ‌ هاته‌ دارێتن هه‌روه‌سا په‌رستاری ب ته‌كنیك هاته‌ نیاسین ژ به‌ركو په‌رستار سه‌ره‌ده‌ریێ‌ ل گه‌ل داروبه‌ران ناكه‌ن به‌لكو سه‌ره‌ده‌ریێ‌ ل گه‌ل هنده‌ك مروڤان دكه‌ن كو دساخن و خودان پێدڤی نه‌ و دیسا خودان كه‌سایه‌تی و سروشته‌كێ‌ سه‌ربخونه‌ و ژ گوتنێن فلورانسێ‌ ل دور په‌رستاریێ‌ (په‌رستاری له‌ش و گیانێن نه‌ساخ تیماردكه‌ت).

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *