پێشنیازەکا نوو بۆ کێمکرنا رێژا نەخۆشیا ته‌لاسیمیايێ دھێتە کرن

نوش نيوز:

رێڤەبەرێ سەنتەرێ ژین یێ تایبەتمەند ب نەخۆشیێن خۆینێ و پەنچەشێرا زارۆکان ل دھۆکێ دیارکر کو ئەڤرۆ 8ى گۆلانێ رۆژا جیھانیا ته‌لاسیمیايێ بوو دڤێ رۆژی دا پیشنیاز دکەین د گەل پشکنینا چاڤان بۆ قوتابیان پشکنینا ته‌لاسیمیايێ ژی بھێتە کرن دا کو باشتر خەلک خوە ژێ ب پارێزێن.

د. سالم خەلەف ئیبراھیم رێڤەبەرێ سەنتەرێ ژین یێ تایبەتمەند ب نەخۆشین خۆینێ و پەنچەشێرا زارۆکان ل دھۆکێ دیارکر کو نەخۆشیا ته‌لاسیمیايێ ئێک ژ نەخۆشیێن ڤەگره‌ د ناڤ جڤاکى دا ب تایبەتی ژی ئەڤ نەخۆشیه‌ ژ دایک و بابان بۆ زارۆکان دھێتە ڤەگوھاستن ئەو ژی ھەکە دایک و باب ھەلگرێن نەخۆشیا ته‌لاسیمیا بن نوکە ل پارێزگەھا دھۆکێ بەرى مەھر برینێ پشکنینن بۆ کچ و کوران دھێنە کرن ھەکە ئیک ژ وان ھەلگرێ نەخۆشیا ته‌لاسیمیايێ بیت ئەم ھەولددەين ژیانا ھەڤژینێ پێک نە ئینن لێ خەلک رازی نابن و د گەل ئێکدو ژیانا ھەڤژینێ پێک دئینن ئەڤە ژی باش نینە چونکو دێ زارۆکێن وان ژی تووشی ڤێ نەخۆشيێ بن.

ئاشکەرا ژى کر کو سالا د بۆری دا گەلەک حالەت ھەبوون ھەلگرێن ته‌لاسیمیايێ بوون لێ بریارا خوە نە ھەلوەشاندن و ژیانا ھەڤژینيێ پێک دئێنن ب تنێ د سالا بۆری دا ١٢٤١ کەس تووشی نەخۆشیا ته‌لاسیمیايێ بووینە، ئەڤ ساله‌ ھەتا دووماھیا ھەیڤا چار 10 حالەت یێن ھاتینە تۆمارکرن لێ بەرامبەر سالێن بۆری رێژا نەخۆشیا ته‌لاسیمیايێ بەرەڤ کێمبوونێ یە ھەکە پشکنینن بھێتە کرن د گەل پشکنینا چاڤان دێ رێژا نەخۆشيێ زێدەتر کێم بیت.

زێده‌تر نیشان بده‌

له‌زگين جۆقى

له‌زگين جۆقى ژ دايكبوويێ 1980ێ يه‌. 10 ساله‌ كارێ رۆژنامه‌ڤايێ ل دهۆكێ دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *