ده‌مێ‌ زارۆ رۆژیان دگرن ڤان رێنمایان ب كاربینن

نۆش نیوز:
یا خویایه‌ كو شه‌ریعه‌تێ‌ ئیسلامێ‌ روژیگرتن نه‌كریه‌ ئه‌رك ل سه‌ر مروفی هه‌تا دبیته‌ مروڤه‌كێ‌ بالق. لێ‌ وه‌ك موسلمان ئه‌م ب فه‌ر دزانین كو زارویێن خوه‌ فێره‌ ڤی ئه‌ركێ‌ پیروز بكه‌ین دا مه‌زناتی پێگریێ‌ ب روژیگرتنێ‌ بكه‌ن وببته‌ كاره‌كێ‌ ئاسان ل ده‌ڤ وان.
ل دۆر ڤی بابه‌تی مه‌ ژماره‌كا رێنمایێن نوشداری هه‌نه‌ بۆ رۆژیگرتنا زارویان:-
1. یافه‌ره‌ ده‌یباب بزانن كو جوداهیه‌كا هه‌ی دناڤبه‌را زارویان ژلایێ‌ جه‌سته‌یی ڤه‌ ل ئێك ژی دا ده‌رباره‌ی سه‌نگێ‌ زارۆی و سه‌روبه‌رێن وی یێن ساخله‌می له‌وما شیانێن زارویان بۆ روژیگرتنێ‌ د جودا نه‌.
2. بێدڤیه‌ دایباب رێكێ‌ نه‌ده‌نه‌ زارویێن ژیێ‌ وان كێمتر ژ هه‌فت سا لان ب روژی بن، چونكو بڤی ژی زارو پێدڤی ب رێژه‌كا باش یا شه‌كرێ‌ هه‌یه‌ وه‌ك هێز بۆ ئه‌نجامدانا چالاكیێن روژانه‌.
3 زارویێن ژیێ‌ وان ژ هه‌فت هه‌تا ده‌ه سالا ن دێ‌ كارن بۆ ماوێ‌ چه‌ند سه‌عه‌ته‌كا ب روژی بن لێ‌ نه‌ ل پرانیا روژێ‌ ب روژی بن.
4.زارویێن ژیێ‌ وان ده‌ه سال و پێهه‌ل دێ‌ كارن ب روژی بن هه‌ر وه‌كی مروڤێن مه‌زن.
5.پێدڤیه‌ دایباب داكوكیێ‌ ل زاروی بكه‌ن بۆ خوارنا پاشیڤێ‌، چونكو ئه‌ڤ خوارنه‌ زور یا پێدڤیه‌ بۆ زارویێ‌ ب روژی داكو تووشی كێماتیا شه‌كرێ‌ و ئاڤێ‌ نه‌بیت نه‌خاسمه‌ ل ره‌مه‌زانێن وه‌رزێ‌ هاڤینێ‌.
6.پێدڤیه‌ دایباب د هایداربن ب به‌رژه‌نگێن تووشبوونا زارویێ‌ ب روژی بۆ كێماتیا رێژا شه‌كرا خوینێ‌ مینا ره‌جفینا ده‌ست وپێیان، سه‌رئێشانا به‌رده‌وام یان خاڤبوونا زاروی وكێم هوشبوونا وی.
7.زارویێن خوه‌دی هنده‌ك نه‌ساخیان پێدڤیه‌ ب روژی نه‌بن مینا نه‌ساخیا ته‌نگه‌نه‌فه‌سیێ‌ یان ره‌بویێ‌، زارویێن نه‌ساخیێن خوینێ‌ هه‌بن وه‌ك نه‌ساخیا تالاسیمیا وكێماتیا خوینێ‌ یا شالوكی( فقر الدم المنجلی) یان زارویێن نه‌ساخیێن دلی هه‌بیت ئه‌وێن پێدڤی ب كارئینانا ده‌رمانان هه‌بیت.یان زارویێن خوه‌دی نه‌ساخیێن گولچیسكا یێت كه‌ڤنار، سه‌روبه‌رێن ڤان نه‌ساخیا ب روژیگرتنێ‌ ئالوز دبن له‌ورا فه‌ره‌ ده‌یباب دهایداربن ب زیانێن روژیگرتنێ‌ لسه‌ر ڤان زارویان.
دیسا روژیگرتن زور یا ب زیانه‌ بو زارویێن ده‌ردێ‌ شه‌كرێ‌ هه‌بیت ل جورێ‌ ئێكی ئه‌وا ب ده‌رزیكێن ئینسولینێ‌ دهێته‌ چاره‌سه‌ركرن، چونكو روژیگرتن دگه‌ل كارئینانا فان ده‌رزیا رێژا شه‌كرێ‌ دناڤ خوینێ‌ دا ب زه‌حمه‌ت ده‌سته‌سه‌ردكه‌ت و به‌لكو رێژا شه‌كری خوینێ‌َ زور كێم بكه‌ت تا راده‌كی ژیانا زاروكی بكه‌ڤیته‌ ژێر مه‌ترسیێ‌.
8 . روژیگرتن یا ب مفایه‌ بو زارویێن قه‌له‌و، چونكو دێ‌ بیته‌ ده‌رفه‌ت بۆ كێمكرنا كێشه‌یا وی ئه‌گه‌ر زاروی پێگری ب نه‌خوارنا زور ل ده‌مێ‌ فتارێ‌ و پاشیڤێ‌ كر .
9 . فتارێ‌ ل روژێن ره‌مه‌زانێ‌ گیرۆنه‌كه‌ن، نه‌خاسمه‌ روژێن هاڤینێ‌ ژ فه‌رایه‌ ده‌رباره‌ی روژیگرتنا زارۆیان دیسان یافه‌ره‌ دانێ‌ پاشیڤێ‌ بهێته‌ پاشخستن وده‌یباب نه‌هێلن زارو ب شه‌ڤ پاشیڤێ‌ بخوت و بنڤیت .
پێدڤیه‌ پاشیڤ و فتارێن زارویێ‌ ب روژی ب خوارنێن كاربوهیدرات ده‌وله‌مه‌ند بن وه‌كی نانی و برنجی پێخه‌مه‌ت پاراستنا رێژا شه‌كرا خوینێ‌ ل ده‌مێ‌ روژێ‌ .دیسان خوارنێن پری كه‌رستێ‌ كالسیوم وه‌كی شیری و به‌رهه‌مێن وی بۆ زارۆی د گرنگن، زێده‌بارێ‌ خوارنا فێقی و زه‌رزه‌واتی ل فتارێ‌ و پاشیڤێ‌.
دیسان پێدڤیه‌ خوارنا نیڤرو ل هه‌یڤا ره‌مه‌زانێ‌ ب خوارنه‌كا دی دناڤبه‌را فتارێ‌ و نڤستنێ‌ بهێته‌ قه‌ره‌بوكرن،
بێدڤیه‌ ده‌یباب زاروكێ‌ ب روژی ب پارێزن ل ڤه‌خوارنێن گازی وخوارنێن تیژ و پرزوم.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *