ساخلەمیا دھۆکێ رێنمایێن تایبەت بۆ ھەیڤا رەمەزانێ بەلاڤکرن

نوش نيوز:

رێڤەبەریا کاروبارێن خوپاراستنا ساخلەمیێ پشکا چاڤدێرى و سلامەتیا خوراکی ل رێڤەبەریا گشتی يا ساخلەمیا دھۆکێ بۆ ھەیڤا رەمەزانێ چەندین رێنما و بریار دەرئێخستن بۆ چێکرن و فرۆتنا شیریناھیا و شەربەت و بەرھەمیێن سپاتیی و کوشتی…. ھتد.

عسمەت سه‌لمان، بەرپرسێ پشکا چاڤدێرى و سلامەتیا خوراکی ل رێڤەبەریا کاروبارێن خوپاراستنا ساخلەمیا دھۆکێ دیارکر کو شەربەت دڤێت ھەموو تەزیاتى ئامیرێ پالاوتنێ یێ ئاڤێ ب قەبارێن مەزن بدانن بۆ جھێن خوە ژبۆ پالاوتنا ئاڤێ کو تێرا شووشتنا ئامانا و ئامادەکرنا ھەموو جۆرێن شەربەتا و دوشاڤا بکەت و دڤیت ئامیرێن وان بەردەوام د کاری دا بن دا کو ئاڤ ب شیوەیەکێ دروست بھێتە تافیلکرن و بەردەوام ژی فلتەرێن وان بھێنە گوھۆرين و د ناڤ ته‌زینکەرا دا شەربەت بھێتە ھەلگرتن و دانان و نابیت ب چو رەنگەکی ل سەر ستێرکا و ژ دەرڤەی دوکانێ بھێتە دانان و پێدڤیە شەربەت ب تنێ بۆ ئێک رۆژ بھێتە دروستکرن و ئامادەکرن و نابیت بمینت بۆ رۆژا د دووڤ دا و نابیت شەربەت بھێتە فرۆتن ل سەر عەرەبانا ل سەر جھێن پیادێ و ئەو فێقيێ بۆ شەربەتێ ژی دھێتە بکارئینان پێدڤیە باش بھێتە شووشتن و زوھاکرن و شەربەتا رەش یا مێووژا ژی رێ بۆ ھاتە دان بۆ ئامادەکرن و فرۆتنێ ل جھێن دەستووردايی و ھەکە ل دوکان و مارکێتان ژی شەربەت بھێتە فرۆتن دروستە لێ پێدڤیە ئەو جهـ یێ دەستوور دایی بیت.

ئاشکەرا ژى کر کو شرینی و ھەڤیر ژی نابیت ب چو جۆرە شیرینیەکى بھێتە ئامادەکرن ل جھێن نە دەستووردايی ب تنێ بھێتە ئامادەکرن ل وان جھێن تایبەت ب ئامادەکرنا شیریناھیا و ھەڤیران کو دەستووریێن ساخلەمین ھەبن و لێبلێ کارگەھێ ل سەر ھەموو شیریناھیان بھێـتە دانان د گەل ماوێ ب سەرڤەچوونێ و رۆژا چێکرنێ و نابیت ب چو رەنگەکى شیریناھیێن بەقلاوە، کونافە و زەلابی ….ھتد بھێتە فرۆتن ل سەر عەرەبانا ل سەر جھێن پیادێ یان جھێن ڤەکری و نابیت شیرناھی بھێتە دانان ژ دەرڤەی جھێن لێ دھێنە فرۆتن دڤێت د نخافتی بن و شرینيێن کارگەھێن پارێزگەھێن دیتر ل دووڤ رێنمایێن ساخلەمیا گشتی بن و میژوویا دروستکرنێ ل سەر بیت.

ناڤھاتی ئەو ژی دیارکر کو گوشت و بەرھەمێن گوشتی ب چو رەنگەکى نابیت گوشت ژ دەرڤەی چامخانا بھێتە دانان و رۆژانه‌ پشتی دەمژمێر 12:00 نيڤرۆ دڤیت گوشت بھێتە دانان د ناڤ تەزیکەران دا و نابیت ئاژەل ژ دەرڤەی سەربرخانان بھێنە سەرژێکرن و پێدڤیە ھەموو گوشتێ ئاژەلێ يێ دھێتە فرۆتن مۆرا ڤێتەرنەریێ ل سەر بیت و دیار بیت ئەو ئاژەل یێ ساخلەمە.

بەرپرسێ پشکا چاڤدێرى و سلامەتیا خوراکی گۆت: “خوارن و خوارنگەهـ ژی نابیت جگاره‌ تێدا بھێنە كێشان ل خوارنگەھێن دەستووردایی د ھەیڤا رەمەزانێ دا ئەو خوارنگەهـ و کافتریا و چایخانەیێن د ھەیڤا رەمەزانێ دا شیریناھیا دفرۆشن پێدڤیە شیریناھيێن وان دقالکێن تایبەت دا بن ولێبلێ کارگەھێ ل سەر بیت و بەفرا کارگەهێ ژی بۆ ڤەخۆارنێ نەیا گونجایە پێدڤیە ب تنێ بۆ تەزاندنێ بھێتە بکارئینان”.

زێدەتر گۆت: “شەربەتا مێووژا ژی ب تنێ پێدڤیە جھێن دەستووردایی بەرھەڤ بکەن و جھەک بۆ ھەلگرتنا مێووژێن ھشک یێ گونجایی ھەبیت و مێووژ ب ئاڤا پاقژ بھێنە شووشتن و بێنە تافلیکرن و بۆ پارزینینێ ژی پێدڤیە ئاڤا داگرتی یان ئاڤا فلتەرکری بھێتە بکارئینان ئەو کیسک و بوتلێن شەربەتێ دکەنە تێدا پێدڤیە ب تنێ بۆ ئێک جار بھێتە بکارئینان و نابیت شەربەت بۆ دو رۆژان بیت و ئەو جھێن شەربەتێ ژی ب کۆم دفرۆشن پێدڤیە پسولا فرۆتنێ د گەل بیت دا ژێدەرێ وێ یێ ئاشکرا بیت و ڤەگوھاستنا شەربەتێ ژی پێدڤیە ب شیوەیەکێ ساخله‌م بیت و بەردەوام نموونە دھێنە وەرگرتن بۆ پشکنینا ل دووڤ یاسا ساخلەمیێ بریار دێ ل سەر ھێتە دان”.

زێده‌تر نیشان بده‌

له‌زگين جۆقى

له‌زگين جۆقى ژ دايكبوويێ 1980ێ يه‌. 10 ساله‌ كارێ رۆژنامه‌ڤايێ ل دهۆكێ دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *