رۆژا جيھانیا مامانی ھاتە ساخکرن

نۆش نیوز:

نەخۆشخانا ژن و زارۆکبوونێ سەر ب رێڤەبەریا گشتی یا ساخلەمیا پارێزگەھا دھۆکێ ئەڤرۆ ٥/٥/٢٠١٩ رۆژا جیھانیا مامانی ((داپیرکا)) ب ھەڤکاریا رێکخراوا ( unfpa) ب چەندین چالاکیان ساخکر.

د. ئیمان یوسف، رێڤەبەرا نەخۆشخانا ژن و زارۆکبوونێ ل دھۆکێ دیارکر کو ئەڤرۆ رۆژا جیھانیا مامانی ھاتە ساخکرن ئەڤ ساله‌ ژی ب ھاریکاریا رێکخراوا (unfpa) ئەڤ رۆژە ھاتە ساخکرن، ئەم ب دەلیڤە دزانین ڤێ د رۆژێ دا رۆلێ مامانیا بلند دنرخینین و بەرچاڤ بکەین وەکو رێزگرتن بۆ کار و خزمەتا ئەو ل نەخۆشخانەیان پێشکێش دکەن ب تایبەتی ژی ل نەخۆشخانا ژن و زارۆکبوونێ ل دھۆکێ ب شەڤ و رۆژ کار دکەن پێخەمەت باشترکرنا ساخلەمیا دایک و زارۆکان. ھەر مامانی بووینە ئەگەر سەرەکی یێ کێمکرنا رێژا مرنا دایک و زارۆکان و گرنگیەکا مەزن ددەینە وان دایکا یێ قەستا نەخۆشخانێ دکەن بۆ زارۆکبوونێ، ئەم سوپاسیا ھەموو لایەیان دکەین یێن پشتەڤانیێ ل ساخلەمیێ دکەن ب تایبەتی ژی نەخۆشخانا ژن و زارۆکبوونی.

سه‌لیم حاجی ، بەرپرسێ ئوفیسا رێکخراوا (unfpa) ل دھۆکێ پەیڤەک پێشکێشکر و گۆت: مامانی رۆلەکێ گرنگ پێشکێش دکەن ل ناڤ دەزگەھێن ساخلەمیێ دا ب تایبەتی ژی بۆ ئەنجامدانا زارۆکبوونەکا ساخلەم کو ژیانێ ددەتە ئافرەتێ ئەڤە ئێک ژ گرنگترین مافێن ئافرەتێ د ناڤ کۆمەلگەھێ دا ھەتا چەند سالێن دی ب گۆرەی بەرنامەکی ھاتیە دانان دێ ب باشترین شێوە مافێن ئافرەتێ ھێنە دابینکرن کو مامانی ئانکو (داپیرک) رۆلەکێ مەزن دگێریت بۆ زارۆکبوونێ.

ئاشکەرا کر کو رێکخراوا ( unfpa) د بەرنامەکێ مەزن ل زێدەتر بۆ زێدەتر ژ١٢٠ دەولەتان گرنگی دایە مامانی ب تایبەتی بۆ بلندکرنا ئاستێ وان یێ خواندنێ دا کو باشتر مامانی (داپیرک) رۆلی خوە بگێرن رۆلەکێ مەزنتر بگێرت بۆ پەیداکرنا ساخلەمیا باشتر بۆ دایک و زارۆکان د ناڤ جڤاکی د ڤی بەرنامەی دا ١٤٤ مامانی ل عێراقێ یێن ھاتینە بەرھەڤکرن بۆ پێشکێشکرنا خزمەتگوزاریێن ساخلەمیێ ئەم داخوازێ دکەین پتر پشتەڤانی بھێتە کرن دا کو مامانی باشتر رۆلێ خوە بگێرن چونکو داپیرک ژیانا دایک و زارۆکان ژ مرنێ رزگار دکەن ب تایبەتی ژی دەمێ ژنا دووگیان قەستا سازیێن ساخلەمیێ دکەت بۆ زارۆکبوونێ.

زێده‌تر نیشان بده‌

له‌زگين جۆقى

له‌زگين جۆقى ژ دايكبوويێ 1980ێ يه‌. 10 ساله‌ كارێ رۆژنامه‌ڤايێ ل دهۆكێ دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *