قوناغێن نەخوش یا تیفویێ

قوناغێن نەخوش یا تیفویێ
نوش نیوز:
نازناڤێ من
د.شڤان سعید نعمت نوشدارێ نیشتەجێ دێرینێ نەشتەرگەریا گشتی بۆ نوش نیوز دەتە دیارکرن کو دەمێ کرکرنا بەکتریایێ incubation period :
دەمێ بەکتریایا تیفویێ دگەهیتە کوئەندامێ هەرسێ بۆ دەمێ ٧ هەتا ٢١ روژان دێ خۆ بێدەنگ کەت، پاشی دێ د چەند قوناغادا بوریت ئەگەر نەهێتە دەستنیشان کرن و چارەسەرکرن:

*** قوناغێن نەخوشیێ :

# قوناغا ئێکێ (حەفتیا ئێکێ):
دێ تا هێنە نەخوشی، روژ ب روژێ دێ تایێت وی گرانتر و بلندتر بن هەتا دیماهیا حەفتیا ئێکێ دگەهیتە ٤٠ سیلیزی، دگەل کێم بوونا لێدانێن دلی، سەرئێشان، ل دەست دانا حەزا خوارنێ، بەلکی خوین ل دفنێ بەرببیت ، هەست ب ماندیبوونێ بکەت و پەیدابوونا کوخکەکا هشک، ئەگەر نەهاتە دەستنیشانکرن و چارەسەرکرن دێ چیتە قوناغا دوویێ.

# قوناغا دویێ ( حەفتیا دوویێ ) :
دێ تایا بلند هەرمینیت و نیشانێن کوئەندامێ هەرسێ و پیستی و دەمارا دەستپێکەن ، زک ئێشان، هەوکرنا دیوارێ رویڤیکا، بەلکی توشی قەفزاتیێ ببیت، هندەک ب تایبەتی زاروک توشی زکچوونێ دبن، سەرئێشانەکا توند، گێژبوون، ل هوش خوچوون، لێ هاتنا هندەک خالێت سور ل سەر سینگی و زکی تیرێ وان ١-٤ سم، ژمارا وان ل ٥ کێمترە و پشتی ٢ – ٤ روژا نامینن، پاشی بەلکی نەخوشی دژوارتر ببیت ببیتە ئەگەرێ وەرمینا زکی و مەزنبوونا تەحێلکێ و مێلاکێ، دیسا هەکە نەهاتە دەستنیشانکرن و چارەسەرکرن دێ چیتە قوناغا سیێ.

# قوناغا سیێ ( حەفتیا سێ یێ) :
دڤێ حەفتیێدا دێ زوربەیا ئارێشێن ڤێ نەخوشیێ دەرکەڤن، ل بەر خوین بەربوونا رویڤیا و هەوکرنا خانێن مێشکی، کێشا نەخوشی دادبەزیت، چاڤێت وی سور دبن، زک پتر د وەرمیت و ئەگەرێ خوین بەربوون و پەقینا رویڤیا و هەوکرنا زکی زێدە دبیت، لەوانەیە نەخوش دڤێ قوناغێ دا بمریت، ئەگەر نەمرت دێ چیتە قوناغا چاێ دا.

# قوناغا چارێ ( حەفتیا دیماهیکێ) :
قوناغا چێبوونەڤێ یە، بەلکی نەخوش ب تمامی لێ خلاس ببیت یان ژی ئاریشەک بۆ چێببیت وەکی خووین بەربوون یان پەقینا رویڤیکا، یان ژی ببیتە هەلگرێ ڤێ نەخوشیێ بو دەمەکێ درێژ، د ڤان کەسان دا ئەڤ بەکتریایە تورا زراڤێ دکەتە مالا خۆ و ڤێ بەکتریایێ ب رێکا پیساتیێ بو کەسێن دیتر ڤەگوهێزیت، ل بەر ڤێ چەندێ ل هندەک حالەتادا زراڤا ڤان کەسان ب نەشتەرگەریێ دهێتە راکرن دا ل ڤێ بەکتریایێ خلاس ببیت.
هندەک جارا تیفو و پارا تیفو ب ڤان شێوێن جیاواز دەرکەڤیت :
بەس تا دهێنە نەخوشی، لێ سەرئێشان، هەوکرنا سیها ، هەوکرنا گەها، هەوکرنا جوو بارێت میزێ، زەرکەکا دژوار .

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *