ئه‌رێ‌ كۆندوم مرۆڤی ژ نه‌خۆشیێن سێكسی دپارێزیت؟

نۆش نیوز:
ده‌مێ‌ بابه‌تی په‌یوه‌ندی ب ئه‌نجامدانا سێكسی ب شێوه‌یه‌كێ‌ ئێمن هه‌بیت ب كارئینانا كۆندومی كلیلا ئێمناهیێ‌ یه‌، ل گه‌ل ڤێ‌ چه‌ندێ‌ مه‌رج نینه‌ كۆندوم مرۆڤی ژ مه‌ترسیێن نه‌خۆشیێن برێیا سێكسی دهێنه‌ ڤه‌گوهاستن بپارێزیت.
هه‌لبه‌ت ب كارئینانا كۆندومی هاریكاره‌ بو كێمكرنا مه‌ترسیێن هه‌موو نه‌خۆشیێن ب رێیا سێكسی دهێنه‌ ڤه‌گوهاستن، به‌لێ‌ پێدڤیه‌ ئه‌م ئاماژێ‌ بده‌ینێ‌ كو هنده‌ك نه‌خۆشیێن سێكسی هه‌نه‌ ب رێیا ده‌ستكرنا پیستی یان وان جهێن كوندوم بو نه‌هێنه‌ ب كارئینان دهێنه‌ ڤه‌گوهاستن.
ئه‌و نه‌خۆشیێن سێكسی یێن ب رێیا كۆندومی دهێنه‌ پاراستن
كوندوم دشێت مه‌ترسیێن نه‌خوشیێن سێكسی كێم بكه‌ت ئه‌وێن دناڤ ئاڤا زه‌لامی یان ده‌رهاڤێژێن ویدا هه‌ی كو پێكدهێن ژ: (كلامیدیا، سیلان، ئایدز، هربس، په‌نجه‌شێرا ستوویێ‌ مالبچووكی).

كه‌نگی كۆندوم مرۆڤی ژ نه‌خۆشیێن سێكسی ناپارێزیت:
ئه‌و نه‌خۆشیێن كو ب رێیا ده‌ستكرنا پیستی گه‌له‌ك ب زه‌حمه‌تن مرۆڤ ژێ‌ بهێته‌ پاراستن كو پێك دهێن ژ( هربسا دژوار، وه‌ره‌مێن كو ژ ڤایرۆسان پێك دهێن)، ئه‌و نه‌خۆشیێن برێیا پێكڤه‌نووسیانا سێكسی دهێنه‌ ڤه‌گوهاستن یا ب زه‌حمه‌ته‌ ب رێیا كوندومی بهێنه‌ كونترولكرن، چونكو پتریا مرۆڤان ل ده‌مێن ئه‌نجامدانا سێسكی كوندومان ب كارنائینن.
ئه‌و نه‌خۆشیێن مرۆڤ ژێ‌ نه‌هێته‌ پارێستن ب كارئینانا كۆندومان
بو نموونه‌ ده‌مێ‌ مرۆڤ تووشی نه‌خرۆشیا هربس دبیت دبیته‌ ئه‌گه‌رێ‌ كولكێن ب ئێشان، هه‌كه‌ د ڤێ‌ قۆناغێ‌ دا بیت و سێكسی ئه‌نجام بده‌ت، هه‌لبه‌ت دێ‌ كه‌سێ‌ دیتر ژی تووش كه‌ت هه‌تا هه‌كه‌ كوندوم ژی بهێته‌ ب كارئینان.
هه‌روه‌سا نه‌خۆشیێن بالیلكێن سێكی ژی هه‌بن یان وه‌ره‌م هه‌بن ب هه‌مان رێ‌ لێ‌ ناهێنه‌ پاراستن.
باشتره‌ تو مێژوویا هه‌ڤالێ‌ خوه‌ یا سێكسی بزانی، چونكو ره‌نگه‌ به‌ری هنگی هه‌ڤالێ‌ ته‌ تووشی هربسێ‌ ببیت هه‌تا هه‌كه‌ چ شوونوارێن وێ‌ ددیارنه‌بن، هه‌روه‌سا هنده‌ك هه‌نه‌ نزا كو نیشان ل ده‌ڤ هه‌نه‌ یان نه‌، یان نه‌خۆشیا وان بێ‌ نیشان ده‌رباز دبیت.
باشترین رێ: بو خوپاراستنێ‌ ژ نه‌خۆشیێن ب رێیا سێكسی دهێنه‌ ڤه‌گوهاستن ئه‌و كو سه‌ره‌رای ب كارئینانا كوندومان، گه‌نگه‌شێ‌ ژی ل گه‌ل هه‌ڤالێ‌ خوه‌ بكه‌.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *