نه‌بوونا حه‌زا سێكسی ل ده‌ڤ ژنان ..ئه‌گه‌ر و چاره‌سه‌ری

نۆش نیوز:
نه‌بوونا حه‌زا سێكسی ل ده‌ڤ ژنان مه‌ بو وێ‌ چه‌ندێ‌ نه‌نڤیسایه‌ كو خه‌لكی براكێشیت و بخوینن، به‌لكو ئاریشه‌كا راسته‌ و گه‌له‌ك ژن ئالوزیا خوه‌ ژێ‌ دبینن و گه‌له‌ك جاران ژی دبیته‌ ئه‌گه‌رێ‌ ژێكڤه‌بوونا هه‌ڤژینان، چونكو په‌یوه‌ندیا سێكسی بنیاته‌كێ‌ گرنگێ‌ پێكئینانا ژیانا هه‌ڤژینیێ‌ و سه‌ركه‌تنا وێ‌ یه‌.
ده‌مێ‌ ژن حه‌زنه‌كه‌ت كریارا سێكسی ل گه‌ل بهێته‌ كرن، هه‌لبه‌ت گه‌له‌ك ئه‌گه‌ر یێن هه‌ین، به‌لێ‌ هه‌ڤژین وه‌سا به‌رێخودانێ‌ لێ‌ دكه‌ت كو هه‌ڤژینا وی حه‌ز ژ وی ناكه‌ت و ئه‌و هه‌ست نینن بو وی خوشیێ‌ په‌یدابكه‌تن و حه‌زێن وی بجهبینیت، له‌ورا ئه‌وی هه‌ول دده‌ت خوه‌ ژێ‌ دوور بكه‌ت.
گرنگترین ئه‌گه‌رێن نه‌بوونا حه‌زا سیكسی ل ده‌ڤ ژنان ڤه‌دگه‌رن بو:
-ئه‌گه‌رێن ئه‌ندامی: ئێكه‌م ئه‌گه‌رێ‌ ژنێ‌ هاندده‌ت كو حه‌زا سیكسی نه‌بیت، ده‌مێ‌ دكه‌ڤیته‌ دته‌نگه‌زاریێن هورمونی دا، ئه‌وژی پشتی زارۆبوونێ‌ یان ل ده‌مێ‌ عاده‌یا هه‌یڤانه‌ یان پشتی عادێ‌.
دڤان هه‌ردو قۆناغان دا حه‌زا سێكسی یا ژنان گه‌له‌ك كێم دبیت ژیه‌ر وه‌ستیان و نه‌ئارامیێ‌ و هاتنه‌ خوارا هورمونێن وێ‌ راسته‌وخو پشتی زارۆبوونێ‌، هه‌روه‌سا گوهورینا گێولێ‌ وێ‌ و زێده‌بوونا سه‌نگی وێ‌ و گه‌له‌ك نیشانێن دی ل ده‌مێ‌ دكه‌ڤیته‌ دعاده‌یا هه‌یڤانه‌ دا یان ده‌مێ‌ دگه‌هیته‌ ژیێ‌ بێهیڤیبوونێ‌.
ئه‌و ئه‌گه‌رێن ئه‌ندامی یێن كو دكه‌ڤنه‌ ل پشت نه‌مانا حه‌زا سێكسی ل ده‌ڤ ژنان ڤان ب خوه‌ڤه‌ دگرن:
•كێمخوینێ‌: كو ژ ئه‌نجامێ‌ كیمبوونا رێژا ئاسنی یاكو ژ ئه‌نجامی خوینبه‌ربوونێ‌ ل ده‌مێ‌ دكه‌ڤیته‌ دعادا هه‌یڤانه‌ دا په‌یدادبیت.
•ب كارئینانا كحولی و مادین هوشبه‌ر.
ب كارئینانا هنده‌ك ده‌رمانان ژی دبیته‌ ئه‌گه‌ری نه‌مانا حه‌زا سێكسی وه‌كو ده‌مانێن خه‌موكیێ‌.
•ئه‌و گوهورینێن ب سه‌ر لاشێ‌ وێ‌ دا دهێن ده‌مێ‌ دگه‌هیته‌ ژیێ‌ بێهیڤیبوونێ‌، ل وی ده‌می ئاستێ‌ ئه‌ستروجینی كێم دبیت و لاشێ‌ وێ‌ هشك دبیت و زه‌ڤله‌كێن وێ‌ بێهیز دبن، هه‌روه‌سا هه‌ست ب خوریانێ‌ و ئێشانێ‌ و تێكچوونێ‌ دكه‌ت ل ده‌مێ‌ كریارا سێكسی ئه‌نجام دده‌ت.
-ئه‌گه‌رێن ده‌روونی و جڤاكی: هنده‌ك ئه‌گه‌رێن دیتر ژی هه‌نه‌ ل پشت نه‌مانا حه‌ا سێكسی یا ژنان، ئه‌وژی ئه‌گه‌رێن ده‌روونی و جڤاكی یین جودا جودانه‌.
ل ده‌ستپێكێ‌ دێ‌ به‌حسێ‌ ئه‌گه‌رێن ده‌روونی كه‌ین كو پیك دهێن ژ خه‌موكیێ‌ ب تایبه‌ت ژی پشتی زارۆبوونێ‌ یان دگه‌ل نێزیكبوونا راوه‌ستیانا عاده‌یا هه‌یڤانه‌، هه‌روه‌سا ب كارئینانا ده‌رمانین دژی خه‌موكیێ‌ ره‌نگه‌ كارتیكرنێ‌ ل حه‌زا سێكسی بكه‌ن.
وه‌ستیان و ماندیبوونین دژوار و كاودانێن ژیانێ‌ یێن دژوار و هه‌كه‌ ژن د كاودانه‌كێ‌ نه‌خوش دابیت كو گرێدای نه‌خوشیێ‌ یان مرنێ‌ بیت و گه‌له‌ك كارۆبارێن دیتر یێن فشارێن رۆژانه‌ دكه‌ن، هه‌موو كارتێكرنی ل حه‌زا سیكسی یا ژنان دكه‌ن.
-چاره‌سه‌ریا نه‌مانا حه‌زا سێكسی ل ده‌ڤ ژنان:
•زێده‌كرنا ( صویا) ل سه‌ر سیسته‌مێ‌ خوارنێ‌ یێ‌ رۆژانه‌ ژبه‌ركو یێ‌ پێكهاتیه‌ ژ Phytoestrogens و هاریكاره‌ بو زێده‌ ده‌رهاڤێتنا رژینێن ئه‌ندامێ‌ زاوزێ‌ ژنێ‌ و نه‌هشكبوون و تێكچوونێ‌.
•هنده‌ك ته‌حامیلێن تایبه‌ت بو ئه‌ندامێ‌ زاوزێ‌ ب كاربینه‌ كو ڤیتامین (E) دناڤدا هه‌یه‌ و هاریكاره‌ بو زێده‌كرنا حه‌زا سێكسی.
•باشكرنا ئاستێ‌ ئه‌ستروجینی كو یێ‌ پێدڤیه‌ بو ته‌ركرنا ئه‌ندامێ‌ زاوزێ‌ و زێده‌كرنا حه‌زا سێكسی.
•ب كارئینانا هنده‌ك له‌سقێن پیستی كو ژ تستستیرنی هاتینه‌ دروستكرن و هاریكارن بو زێده‌كرنا حه‌زا سێكسی.
•ب كارئینانا هنده‌ك زه‌یتان وه‌كو زه‌یتا یسترا و خوارنا هنده‌ك ته‌مامكه‌رێن خوارنێ‌ یێ، حه‌زا سێكسی زێده‌دكه‌ن.
•خوه‌ دووركرن ژ ئالوزی و ئاریشێن دبنه‌ ئه‌گه‌رێ‌ فشارا ده‌روونی و روودانا نه‌بوونا حه‌زا سێكسی ل ده‌ڤ ژنان.
•پێدڤیه‌ چاره‌سه‌ری ل ژێر سه‌رپه‌رشتیا نوشداره‌كا تایه‌تمه‌ندبیت و پشتی پشكنینا ژنێ‌ دهێته‌ كرن ئه‌و ده‌رمان و چاره‌سه‌ری بو بهێنه‌ دان.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *