زارۆ ژبه‌ر 12 تشتا دكه‌نه‌ گری

نۆش نیوز:
زارۆ چ بكه‌ت هه‌كه‌ دێ‌ چ رێك نه‌بن كو هه‌ستێن خوه‌ ده‌رببریت و داخوازیێن خوه‌ بێژیت ژبلی گریێ‌؟ ئه‌ڤه‌ مافێ‌ وی یه‌ داكو مه‌ترسیێن ده‌وروبه‌رێن خوه‌ بزانیت، گریا رۆژێن ئیكێ‌ یا جودایه‌ ژ گریا پشتی چل رۆژان.
1- ل حه‌فتیا ئێكێ‌ زارۆ دكه‌ته‌ گری ژئه‌نجامێ‌ ده‌ركه‌تن وی ژ مالبچووكێ‌ دایكێ‌ بو دونیایا ژده‌رڤه‌ و گوهورینێن وی، وه‌كو گوهورینا روناهیێ‌ و تاریێ‌ و پلێن گه‌رماتیێ‌ و ده‌نگ و ئاواز و كارتێكرنێن جودا جزدا، د ڤێ‌ قوناغێ‌ دا گریا هه‌موو زارۆیان وه‌كو ئێكه‌ و ب ده‌نگه‌كێ‌ بلند و به‌رده‌وام دكه‌نه‌ گری.
2- پشتی بور ینا چل رۆژان و ب تایبه‌ت پشتی هه‌یڤا ئێكێ‌ هه‌ست ب برسێ‌ دكه‌ت و هه‌تا خوارن بو نه‌هێته‌ دان ته‌نا نابیتن، هه‌كه‌ زكێ‌ وی ئێشا دێ‌ ب ده‌نگه‌كێ‌ بلند و ڤه‌بری كه‌ته‌ گری.
3- هه‌روه‌سا دكه‌ته‌ گری ده‌مێ‌ برسی دبیت و بوورینا دو هه‌تا سێ‌ ده‌مژمێرا ل سه‌ر شیردانا وی، یان ده‌مێ‌ ته‌مامیا خوه‌ ژ شیرێ‌ دایكێ‌ وه‌نه‌گریت و دایكا وی ماندی دبیت، دبیت ب شه‌ڤ رێژا شیری ژ رۆژێ‌ كێمتر بیت.
4- هنده‌ك جارا ژبه‌ر تێهنیبوونێ‌ و پێدڤیا وی ب ئاڤێ‌ دكه‌ته‌ گری ب تایبه‌ت ژی ئه‌و زارۆیێن شیرێ‌ قودیكا دخوون كو پێدڤی ب ئاڤێ‌ دبن.
5- هه‌وره‌سا ده‌مێ‌ ژ شیری خلاس دبیت هنده‌ك جارا ئێكسه‌ر دكه‌ته‌ گری، ژبه‌ركو حه‌زدكه‌ت مه‌مكی بمێژیت و نه‌دووره‌ هنده‌ك جارا ئه‌ڤه‌ ببیته‌ ئه‌گه‌ر ئه‌و فێری مێژتنا تلان ببیت.
6- دكه‌ت گری ده‌مێ‌ پشتی شیردانێ‌ ئێكسه‌ر دنڤینن، چونكو ئه‌و حه‌زدكه‌ت بمینیت هه‌تا مه‌عیدا وی ڤالادبیت ژ هه‌وای، داكو بو جارا ددووڤدا باشتر بخووت.
7- ساربوونا ئالیێن له‌شێ‌ وی ل زڤستانێ‌ یان هه‌ستكرن ب گه‌رمێ‌ ل هاڤینێ‌ دبیته‌ ئه‌گه‌ر زارۆ بكه‌نه‌ گری.
8- گریا وی دژواردبیت ل ده‌مێ‌ حه‌زدكه‌ت حه‌فازێن وی بهێنه‌ گوهورین، ده‌مێ‌ هه‌ودان هه‌بن و هنده‌ك جارا دكه‌ته‌ گری ده‌مێ‌ ده‌ستئاڤا وی نه‌هێت.
9- زارۆیێن ساڤا دكه‌نه‌ گری ده‌مێ‌ دفنێن وی دگرتی بن و هه‌ناسا وی یا ب زه‌حمه‌ت بیت، یان نڤستنا وی یا ئارام نه‌بیت، یان دلێ‌ وی رادبیت.
10- هنده‌ك گری گرێدای ئاریشێن زكی نه‌، دایك دێ‌ بینیت كو زارۆیێ‌ وێ‌ پێن خوه‌ به‌ره‌ف زكێ‌ خوه‌ دبه‌ت و دبیت غازات ژێ‌ په‌یداببن.
11- ب شه‌ڤ دكه‌ته‌ گری بو ده‌مێ‌ ده‌مژمیرَه‌كێ‌ هه‌تا دویان و هندی بهێنێ‌ بێ‌ ده‌نگ نابیت، ئه‌ڤه‌ ژ ئه‌نجامێ‌ وێ‌ ئالوزیێ‌ یه‌ یا ب رۆژ بو په‌یدابووی.
12- هه‌روه‌سا دكه‌ته‌ گری ده‌مێ‌ هه‌وا دگه‌ل شیری دادعوریت، یان زكێ‌ وی دئێشیت ژ ئه‌نجامێ‌ هه‌رسنه‌بوونا شیری.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *