سالانه‌ دورێن 200 نه‌خۆشێن ئێشا سلێ‌ ل دهۆكێ‌ دهێته‌ توماركرن

نۆش نیوز:
د. عه‌بدولره‌حمان ئیسلام، رێڤه‌به‌رێ‌ شیره‌تكاریا نه‌خۆشیێن سینگی و هه‌ناسێ‌ ل دهۆكێ‌ دیاركر نه‌خۆشیا ئێشا زراڤ نه‌خۆشیه‌كا گرانه‌ لێ‌ چاره‌سه‌ریا وێ‌ یا هه‌ی وهه‌كه‌ نه‌خۆش هه‌ڤكاربیت 100% دهێته‌ كونترولكرن ونه‌خۆش ساخ دبیت، نوكه‌ هه‌موو جیهانێ‌ هه‌ولدان دهێنه‌ كرن بۆ بنبركرنا ڤێ‌ نه‌خۆشیێ‌ و ل پارێزگه‌ها دهۆكێ‌ ژی پلان هه‌یه‌ ئه‌ڤ نه‌خۆشیه‌ بهێته‌ بنبركرن وه‌كو هه‌موو ده‌وله‌تیێن جیهانێ‌ هه‌تا سالا 2030ێ‌ نوكه‌ رێژا ڤێ‌ نه‌خۆشیێ‌ به‌ره‌ڤ كێمبوونێ‌ یه‌ به‌رامبه‌ر سالێن بوری.
رێڤه‌به‌رێ‌ شیره‌تكاریا نه‌خۆشیێن سینگی و هه‌ناسێ‌ ل دهۆكێ‌ دیاركر كو ل دووڤ ئامارێن كلینیكا شیره‌تكاریا نه‌خۆشیێن سینگی و هه‌ناسێ‌ ل دهۆكێ‌ سالانه‌ هه‌تا 200 نه‌خۆشان دهێنه‌ تۆماركرن وهه‌موو نه‌خۆش ژی به‌رده‌وام چاره‌سه‌ریا خوه‌ وه‌ردگرن و هه‌تا چاره‌سه‌ر دبن پشكنینا تیشكێ‌ و خوینێ‌ و بلغه‌می و هه‌موو جۆرێن دی یێن پشكنینا و ده‌رمان ژی بێ‌ به‌رامبه‌ر بۆ نه‌خۆشی دهێنه‌ كرن و دان.
ناڤهاتی ئه‌وژی دیاركركو هه‌كه‌ نه‌خۆش چاره‌سه‌ریا خوه‌ ب دروستاهی بكارنه‌ئینیت نه‌خۆشیا ئێشا زراڤ دبیته‌ نه‌خۆشیه‌كا ڤه‌گر ئه‌وژی رێژا ره‌نگه‌ كێمتر بیت ژ 1% وه‌كو دیتر نه‌خۆش چاره‌سه‌ریا خوه‌ بكاردئینن.
د.عه‌بدولره‌حمان ئیسلام گۆت: سالا 2018ێ‌ ل سنۆرێ‌ دهۆكێ‌ 177 نه‌خۆش یێن ئێشا زراڤ هاتبوونه‌ تۆماركرن وسالا 2017ی ژی 177 نه‌خۆش بووینه‌ وسالێن 2015 و 2014 بیگومان رێژا نه‌خۆشان زێده‌تر بوویه‌ دوان سالاندا هه‌تا 250 نه‌خۆشان دهاتنه‌ تۆماركرن لێ‌ نوكه‌ رێژه‌ كێمبوویه‌ ل دووڤ به‌رنامه‌ وپلانا هاتیه‌ دانان بۆ بنبركرنا ئێشا زراڤ ل جیهانێ‌ ژوانا ژی پارێزگه‌ها دهۆكێ‌ بیگومان ئه‌و رێژا سالا 2014ی ژی هاتیه‌ تۆماركرن ژبه‌ر هاتنا ریژا زۆر یا ئاواران بوویه‌ بۆ دهۆكێ‌ گه‌له‌ك نه‌خۆش ئاوارانه‌ لدهۆكێ‌ چاره‌سه‌ریا وان دهێته‌ كرن.
دیاركر ژی هه‌ر ده‌مێ‌ ئێك ژ ڤان نێشانا ل نه‌خۆشه‌كی دیاربیت پێدڤیه‌ سه‌را كلینیكا شیره‌تكاریا نه‌خۆشیێن سینگی بده‌ت ئه‌وژی هه‌كه‌ كه‌سه‌ك بۆ ده‌مێ‌ دو حه‌فتیا به‌رده‌وام ب كۆخت یانژی پلا گه‌رما مرۆڤی بلند ببیت و به‌رده‌وام سینگێ‌ مرۆڤی ب ئێشیت و به‌لغه‌مێ‌ خویناوی بهاڤێت و مرۆڤ هه‌ست ب ماندیبوونێ‌ بكه‌ت و حه‌زا خۆارنێ‌ ل ده‌ڤ كێم ببیت یان نه‌مینت و مرۆڤ گه‌له‌ك زه‌عیف دبیت كو كێشا سه‌نگا مرۆڤێ‌ دهێته‌ خوارێ‌ ئه‌ڤ نیشانا هه‌كه‌ ده‌ڤ كه‌سه‌كێ‌ دیاربن پێدڤیه‌ چاره‌سه‌ریا خوه‌ بكه‌ت.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *