خوارنێن قودیك كری چ كه‌رسته‌ دناڤدا هه‌نه‌ و چاوا دهێنه‌ هه‌لگرتن؟

نۆش نیوز:
خوارنێن قودیككری ئه‌و خوارنن كۆ بۆ ده‌مه‌كی دناڤ قودیكان دا دهێنه‌ هه‌لگرتن و ب ب شێوه‌یه‌كێ‌ سه‌ر پێ‌ دهێنه‌ ب كارئینان و د به‌رهه‌ڤن بۆ ب كارئینانێ‌،ئه‌ڤ جوره‌ خوارنه‌ ب شێوه‌یه‌كێ‌ گشتی ژ رێژه‌یه‌كا مه‌زن یا پلێن گه‌رماتیێ‌ د پێكهاتینه‌ د گه‌ل هنده‌ك شه‌كران و خوێ‌ و روونی و هنده‌ك ژوان دناڤ قودیكان دا دهێنه‌ مێژاندن وه‌كو ته‌ماته‌یان و هنده‌ك ژی یه‌كسانن و هنده‌ك ژی ژناڤ دچن.
رێكا هه‌لگرتنا خوارنێ‌ دناڤ قودیكان دا دبیته‌ ئه‌گه‌رێ‌ ژ ناڤچوونا رێژه‌یه‌كا زور یا به‌كتریایێن ژه‌هراوی ب شێوه‌یه‌ك ب له‌ز، هه‌روه‌سان پێك دهێن ژ ریّژه‌یه‌كا دیاركری ژ ڤیتامین و كانزایان و كه‌رستێن خوراكی، به‌لێ‌ تشتێ‌ گرنگ ئه‌وه‌ مرۆڤ بزانیت دێ‌ چاوان هه‌لگریت و ب چ رێك ب كارئینیت و كارتێكرنا وێ‌ ل سه‌ر كه‌رستێن خوارنێ‌ چیه‌.
ل ده‌مێ‌ كرینا ڤان جوره‌ كه‌رسته‌یان یێ‌ رژد به‌ ل سه‌ر ژناڤچوونا وان و په‌قینا جورێ‌ قودیكێ‌ و هه‌بوونا كونكان دناڤدا هه‌تا ئه‌گه‌ر د بچووك بن ژی، هه‌روه‌سا یێ‌ هشیاربه‌ ل سه‌ر دورماندورێن قودیكێ‌ و هه‌بوونا ژه‌نگاتیێ‌.
هنده‌ك قودیك دناڤدا ب كه‌رسته‌كێ‌ سپی دداپوشینه‌، مه‌ره‌م ژێ‌ ئه‌وه‌ كۆ تێكه‌لی دناڤبه‌را پێكهات و قودیكێ‌ دا نه‌هێته‌ كرن و دا چ كارتێكرنێ‌ نه‌كه‌ته‌ ل سه‌ر ساخله‌میا مروڤی.
به‌رگریا خوارنێ‌به‌رگریا هه‌ر خوارنه‌كێ‌ بۆ ئێكا دی یا جودایه‌، بۆ نموونه‌ هنده‌ك جورێن ماسیا وه‌ك ئه‌لتونا دناڤ قودیكان دا هه‌نه‌ و د گه‌هشتینه‌ و د پێكهاتینه‌ ژ رێه‌یه‌كا دروست یا ( ڤیتامین دی) و كه‌رستێ‌ ( سلینیوم)، به‌لێ‌ ماسیێن ئه‌لتونا هنده‌ك ژ ترشیێن روونی و ئومیگا 3 ژ ده‌ست دده‌ت ده‌ما دناڤ قودیكێ‌ دا دهێته‌ هه‌لگرتن و ئه‌ڤ كه‌رسته‌ گه‌له‌ك ب مفانه‌ بۆ ساخله‌میا دلی و سوورانا خوینێ‌.
هه‌روه‌سان ئه‌و ئه‌لتونایێ‌ دناڤ زه‌یتێ‌ دا دهێته‌ ئاماده‌كرن دو جاركی پتر پلێن گه‌رماتیێ‌ دناڤدا هه‌نه‌ پتر یێ‌ دناڤ قودیكێ‌ دا دهێته‌ هه‌لگرتن.
مه‌عجینا باجان سوركان دناڤ قودیكان دا ژ كه‌رستێ‌ لایكوپین پێك دهێت و ل ڤان دووماهیان ڤه‌كولینێن زانستی گه‌له‌ك گرنگی دایێ‌ و دیاركر كۆ گه‌له‌ك باشه‌ بۆ نه‌خوشیێن دلی و په‌نجه‌شێرا مه‌مكان ل ده‌ڤ ژنان و گرێ‌ یێن پروستاتان ل ده‌ڤ زه‌لامان.
ژ لایه‌كێ‌ دن ڤه‌ مه‌عجینا دناڤ قودیكان دا رێژه‌یه‌كا زور ژ ( ڤیتامین سی) به‌رزه‌دكه‌ت دگه‌ل كه‌رستێ‌ (بیتاكاروتین) ل گوره‌ی وێ‌ رێكا دهێته‌ هه‌لگرتن، به‌لێ‌ رێژا ( ڤیتامین ئی) ناهێته‌ گوهرین.
رێكا هه‌لگرتنا خوارنێ‌ دناڤ قودیكان دا، رێكه‌كا زانستی یه‌ و چ نه‌باشی ژێ‌ په‌یدانابن ئه‌گه‌ر ل ژێ{ چاڤدێریا ساخله‌میێ‌ بهێنه‌ ئاماده‌كرن و زێره‌ڤانیا ساخله‌میێ‌ ل جهێن فره‌تنێ‌ ل سه‌ر هه‌بیت د وه‌رزێ‌ هاڤینێ‌ دا، ژبه‌ركو وه‌رزێ‌ هاڤینێ‌ ده‌لیڤه‌یه‌ بۆ وه‌رار و به‌لاڤبوونا به‌كتریا و فتریاتان بۆ ژناڤبرنا خوارنێن قودیككری و تیرێژا رۆژێ‌ ژی رۆله‌كێ‌ گرنگ هه‌یه‌ بۆ نه‌هێلان و ژناڤبرنا مفایێن خوارنێ‌ دناڤ قودیكان دا.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *