هنده‌ك ده‌رمانێن ئێكسپایر بو ده‌مێ‌ چه‌ند سالان ژی ب كارێ‌ خوه‌ رادبن

نۆش نیوز:
ڤه‌كولینه‌كا بریتانی دیاركر كو ده‌رمان ره‌نگه‌ هه‌ر كاریگه‌ریا خوه‌ بكه‌ن هه‌تا هه‌كه‌ ئێكسپایر ژی ببن بو ده‌مێ‌ چه‌ند سالان و ل جهه‌كێ‌ نه‌باش ژی هاتبنه‌ هه‌لگرتن.
ڤه‌كوله‌ران د كوڤارا ( وایلدرنیس ئه‌ند ئینفیر ومنتال میدیسن) دا نڤیسیه‌ كو ئه‌ڤه‌ تشه‌كێ‌ باشه‌ بو وی خه‌لكێ‌ ل ده‌ڤه‌رێن پاشڤه‌مای دژیت كو گه‌له‌ك جارا بتنێ‌ ده‌رمانێن ئێكسپایر ب ده‌ست وان دكه‌ڤن و چ تشتێ‌ پێگوهور نینه‌ بو نه‌خۆشیێن وان یێن ب مه‌ترسی.
د.ئیما براون كو سه‌رۆكا تیمێ‌ ڤه‌كولینێ‌ بوو دبێژیت: دانانا مێژوویا ئێكسپایربوونێ‌ لسه‌ر ده‌رمانی بو هندێ‌ یه‌ كو ئه‌و كومپانیا ده‌رمان چێكری هه‌تا وی ده‌می ژێ‌ به‌رپرسه‌.
د نامه‌یه‌كێ‌ دا كو بو رویته‌رز هنارتیه‌ دبێژیت: ئه‌و مێژوو نه‌ یا گرنگه‌ كا ده‌رمان یێ‌ ب ترسه‌ و كاریگه‌ریا خوه‌ ناكه‌ت، ل گه‌له‌ك ده‌رمانان ره‌نگه‌ مێژوویا كاریگه‌ریا وی پتربیت ژ ده‌مێ‌ ئێكسپایربوونێ‌ كو دو هه‌تا سێ‌ سالانه‌.
دیاركر ژی كو ل هنده‌ك ده‌ڤه‌ران سالێ‌ جاره‌كێ‌ ژی ده‌رمان ناگه‌هنێ‌ و دبیت یا ب زه‌حمه‌ت بیت بو وان بشێن ده‌رمانێن ب كارنه‌هاتی ب گوهورن.
تیمێ‌ ڤه‌كولینێ‌ پێنج جورێن ده‌رمانێن ئێكسپایر ده‌ستنیشانكرن و ڤه‌كولین ل سه‌ر كرن ئه‌و ده‌رمان ئه‌وبوون كو پتر شه‌ش هه‌یڤان دڤیان هه‌تا برێیا گه‌میا و ترومبێلا دگه‌هشتنه‌ خه‌لكی و ب تنێ‌ سالێ‌ جاره‌كێ‌ دگه‌هشتن و دبێژن: هنده‌ك ژوان ده‌رمانان ساله‌ك هه‌تا چار سالا ب سه‌ر ده‌مێ‌ چێكرنا وانڤه‌ ده‌ربازبوو، و به‌راوردیا وان دگه‌ل كاریگه‌ریا ده‌رمانێن نوو هاته‌ كرن دا بزانن كا هه‌ر ئه‌و كاریگه‌ری مایه‌ یان نه‌.
پشتی ڤه‌كولین ب دووماهی هاتی دیاربوو هه‌ر هه‌مان كاریگه‌ری د چارسه‌ریێ‌ دا هه‌بوویه‌ و چ كارتێكرن ل ساخله‌میا وه‌لاتیان نه‌كر و دبێژن:هژماره‌كا زور یا ده‌رمانان هه‌نه‌ ب ڤی ره‌نگی كارێ‌ خوه‌ دكه‌ن، به‌لێ‌ ده‌زگه‌هێن ساخله‌میێ‌ ژناڤ دبه‌ن و باج و گره‌نتیا وان ژ خه‌لكی دهێنه‌ وه‌رگرتن.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *