گون فرۆشتن ل كوردستانێ دەستی پێكریە

گون فرۆشتن ل كوردستانێ دەستی پێكریە
نوش نیوز:
ماڵپەڕی‌ فەرمی‌ پارتی‌ دیموكراتی‌ كوردستان، ناسراو بە
کوردستان تیڤی ریپۆرتاجەکا بەرفرە ل سەر دیاردا هێلکا گون فروشتنێ ل کوردستانێ بەلافکریە، ئاماژە دایە وێ چەندێ کو تا نها حەفت حالەتێن گون فروشتنێ تومارکرینە.
مالپەری ئاماژە ب چەند ناڤان دایە کو ل کوردستانێ گونێن خۆ فروشتی نە، ژ وان ژی ئازادێ بوویە کو ژیێ وی ٤۳ سالن و کو بابێ کچ و کورەکێ یە و تاکە هێلکا گونێ خۆ فروشتی یە.
سایتێ ناڤبری ب زاردەڤێ ئازادی دبێژیت بەری مەهەکێ ل سەر کاری بەحسێ فروشتنا گون و نرخێ وان هاتەکرن و من ژی ب دەرفەت زانی لدویڤ ڤی بابەتی بچم و ل ئێک نەخۆشخانێن ناحکومی باژێرێ هەولێرێ من ناڤێ خۆ تومارکر، دەست پێکێ وان دیارکر کو نشتەرگەریێن هوسا ل نەخۆشخانێ زەحمەتە، لێ من هەر هەولدا وان رازی کەم، پاشی وان ژی بریاردا کو ئەگەر تە بڤێت مە لاری نیە و ل دویڤ پشکنینا نوشداری دێ نرخێ وی گونی هێتە دیارکرن.

ئازادی بۆ سایتێ کوردستان تیڤی گۆتی یە ژی پشتی من پشکنین ئەنجامدای و ئەنجامێ وان وەرگرتی دیاربوو کو چ کێشێن ساخلەمی نینە و ژڤانێ نشتەرگەریێ بۆ هاتە دیارکرن و ژلایێ تیمەکا بیانی یا پروفیشناڵ نەشتەرگەری ب سەرکەفتی هاتەکرن و دیارکر پشتی ڤێ نشتەرگەریێ وی چ ئاریشە نینە.
ئازاد بابێ پێنج زارۆکا د لێدوانەکا تایبەت بۆ کوردستان تیڤی دبێژیت ل ڤی بارودوخەی دا پارەکێ هوسا دەست ناکەڤیت، لەوا من بریاردا گونەکێ خۆ بفروشم پیدڤیێن خۆ و زارۆکێن خۆ پێ پربکەم.

ئازادی و کەسەکێ دی ب ناڤێ ئەحمەد کو وی ژی گونەکێ خۆ فروشتی یە دبێژن مە بەری نشتەرگەریێ پارێ خۆ کاش وەرگرت، پاشی چوینە نشتەرگەریێ دا، ل دویڤ گوتنا تیما نشتەرگەریێ هەتا نوکە حەفت کەسان گونێ خۆ فروشتی یە.
نوشدارەکێ میزەر و گولچیسکا ژی دەربارێ ڤێ نشتەرگەریێ دیارکریە کو ڤێ نشتەرگەریێ چ کاریگەریێن نەرێنی ل سەر ژیانا وی تاکەکەسی نینە و ل زەلامینیێ ژی ناکەڤیت، تنێ ئەگەرێ زارۆک چێکرنێ دێ لاوازی کەڤیتێ، لێ ژ کارناکەڤیت.
نوشداری ئاماژە دایە وێ ئێکێ ژی کو ئەگەر کەسەک گونەکێ خۆ بفروشیت چ کێشە بۆ دروست نابن، بەلێ هەکە هەردوو لایان بفروشیت دێ کاریگەری دروست بیت و نەشێت زارۆکا دروست بکەت.

بۆ چ مەبەستەک گون دهێنە فروشتن؟
ل گورەی ئاخفتنا فروشیاران هێلکا گونی دبنە دەرڤە ب رێکا نشتەرگەریێ بۆ وان کەسان دهێنەدانان کو نەزۆکن و نەشێن زارۆکا دروست بکەن.
نوشداران گوتی یە ژی کو زێدەباری وێ چەندێ مە ئەڤ چەندەب پارە کریە، بەلێ مە هیڤی بۆ مالەکا دی ڤەگەراندی نە کو هیڤیا وان ئەوە زارۆکەک هەبیت دمالدا، لەوا ب ئەرکەکێ مروڤی دبینین، کا چاوا کەسەک پێدڤی ب گولچیسکێ دبیت گولچیسکەکێ دکریت، هوسا نەزۆک ژی پێدڤی ب گونەکێ دبن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *