موبایل ده‌ماران پووچ دكه‌ن

نۆش نیوز:
هنده‌ك نوشدارێن تایبه‌تمه‌ند ب راستڤه‌كرنا ئه‌ندامان وه‌سان پێشبینی كر كو ل ڤێ‌ دووماهیێ‌ دیاروكه‌ك ل ده‌ڤ وان كه‌سێن گه‌له‌ك موبایلێ‌ ب كاردئینن به‌لاڤ دبیت ئه‌وژی تلێن به‌رانی ب تایبه‌ت تووشی جوره‌كێ‌ بێهوشكرنێ‌ دبن و مرۆڤ گه‌له‌ك هه‌ست ب كارئینانا وی ناكه‌ت.
بو دیاركرنا ڤێ‌ چه‌ندێ‌ (بیته‌ر جی) كو نوشداره‌كێ‌ تایبه‌مه‌نده‌ دوارێ‌ ده‌ماران دا ل ویلایه‌تا كالیفورنیا یا ئه‌مریكی دیاردكه‌ت، ده‌مێ‌ مرۆڤ موبایلێ‌ هه‌لدگریت بو ده‌مه‌كێ‌ درێژ ئه‌و دێ‌ كونترولێ‌ ل سه‌ر ده‌ماره‌كێ‌ تلێن ده‌ستی كه‌ت و رێكێ‌ ل چوونا خوینێ‌ دگریت و پاشی بێهێز دكه‌ت و ل وێرێ‌ نیشانێن بێهوشكرنێ‌ و فالنجیبوونێ‌ ل تلێن ده‌ستی دیاردبن.
ژبو چاره‌سه‌ركرنا ڤێ‌ چه‌ندێ‌ ژی نوشدار دیاردكه‌ت كو گه‌له‌ك باشه‌ مرۆڤ ده‌ستێن خۆ ب گوهریت ل ده‌مێ‌ موبایلێ‌ ب كاردئینیت و ئارامیێ‌ بده‌ته‌ ده‌ستێن خۆ یان بلنگویان ل شوونا ده‌ستان ب كاربینیت. ئه‌ڤ نه‌خوشیه‌ ژی تلێن ده‌ستی بێهێز دكه‌ت و كه‌سێن تووش دبنێ‌ هه‌تا نه‌شێن قودیكێن پێپسیان ژی ڤه‌كه‌ن یان ئامیرێن موزیكێ‌ بژه‌نن.
نوشدار دیسان دبێژن هه‌كه‌ ئه‌ڤێ‌ چه‌ندێ‌ ڤه‌كێشا ئێدی مرۆڤی شیانێن نڤیسینێ‌ و ب كارئینانا كومپیوته‌ری ژی نامینن و هنده‌ك جاران ژی دبنه‌ ئه‌گه‌رێ‌ خواربوونا ده‌ستان و خوین ناگه‌هیتێ‌.
نوشدار هوشداریێ‌ دده‌نه‌ نه‌خوشان كو ئه‌ڤ جورێ‌ نه‌خوشیان گه‌له‌ك جاران پێدڤی ب نشته‌رگه‌ریێ‌ دبیت، ئه‌ڤ جورێ‌ نه‌خوشیێ‌ نوكه‌ پتر ل ده‌ڤ شوفێران و كه‌سێن دانعمر دهێته‌ دیتن كو ل جهێ‌ خۆ نالڤن و ده‌ستێن خۆ بو ده‌مێن درێژ بلند د هێلن.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *