باهیڤ و هنگڤین و زه‌یتا زه‌یتوونان چ مفا دساخلەمیێ دا هەنە؟

نۆش نیوز:

رۆژانه‌ ڤه‌كولینێن نوو دهێنه‌ كرن و مفایێ‌ هنده‌ك خوارنان بۆ پاراستنا ساخله‌میا له‌شی و ب هێزكرنا كۆئه‌ندامێ‌ به‌رگریا له‌شی و دووركرنا مرۆڤی ژ نه‌خۆشیان و ب تایبه‌ت یێن ب مه‌ترسی وه‌كو په‌نجه‌شێرێ‌ دیاردكه‌ن، ل ڤێ‌ دووماهیێ‌ ژی شاره‌زایێن خوارنا جیهانی هنده‌ك جورێن خوارنێ‌ دیاركرینه‌ كو باشترین خوارنن بۆ ساخله‌میا مرۆڤی و ب ڤی شێوازی:
1-باهیڤ: گه‌له‌ك باهیڤێن شه‌كر كری دخون یانژی دكه‌نه‌ دناڤ كێكان دا، یا باشتر ئه‌وه‌ باهیڤ ب ره‌نگێ‌ خۆ یێ‌ سروشتی بهێنه‌ خوارن و باهیڤ ئێك ژ ژێده‌رێن هه‌ره‌ گرنگه‌ بۆ دابینكرنا پروتینی و فاكته‌ره‌كه‌ بهێزكرنا هه‌ستییان ژبه‌ركو گه‌له‌ك كانزایێن پێدڤی دناڤدا هه‌نه‌ بۆ هه‌ستییان وه‌ك ( كالسیوم، مه‌گنسیوم، منگه‌نبز و فوسفور) ئه‌ڤه‌ هه‌موو ژی دلی دپارێزن.
2-زه‌یتا زه‌یتوونا: گه‌له‌ك ل ده‌وروبه‌رێن ده‌ریایا سپی دهێنه‌ ب كارئینان و ئێمنترین تشته‌ بۆ ساخله‌می و دلێ‌ مرۆڤی و تایبه‌تمه‌ند شیره‌تان دكه‌ن كو رۆژانه‌ زه‌یتا زه‌یتوونا ل سه‌ر خوارنێ‌ بهێته‌ زێده‌كرن، به‌لێ‌ ڤه‌كولین دبێژن كو خوارنا وێ‌ ب ره‌نگه‌كێ‌ رێكخستی مرۆڤی ژ نه‌خوشیێن دلی و گرتنا خوینهنێران دپارێزیت و دیسان زه‌یتا زه‌یتوونا یا ب مفایه‌ بۆ نه‌خوشێن شه‌كرێ‌ و كاردكه‌ت دژی په‌نجه‌شێرا قولونێ‌ و دیسان بۆ نه‌خۆشێن ره‌بوویێ‌ ژی گه‌له‌ك یا باشه‌.
3-هنگڤین: تاما وی یا ب له‌زه‌ته‌ و ب ده‌ه جاركی پتر ژ شه‌كرێ‌ مفای دگه‌هینیته‌ ساخله‌میێ‌ و د گه‌له‌ك چاخێن به‌رێ‌ دا هنگڤین بۆ به‌رده‌وامیا هێزا مرۆڤی هاتیه‌ خوارن و نوكه‌ وه‌كو دژه‌ زینده‌وه‌ره‌ك ب دژی هه‌ودانێن له‌شی و به‌رگره‌ك بۆ پرۆستاتان دهێته‌ ب كارئینان و باشتره‌ ژ هه‌موو ده‌رمانان بۆ نه‌هێلانا تووشبونا مرۆڤی ب په‌رسیڤی و نه‌خۆشیێن زڤستانێ‌، پتریا پێكهاتێ‌ هنگڤینی كاربه‌هیدرات و ئاڤن، له‌ورا بۆ به‌رده‌وامیا هێزێ‌ دهێته‌ ب كارئینان و ب تایبه‌ت ژی رومانیێن به‌رێ‌ بۆ زێده‌كرنا هێزا له‌شی هنگڤین ب كارئینایه‌.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *