بوچی مژوولانكێن هندەک ژنان د وه‌ریێن؟

نۆش نیوز:
د گه‌ل مه‌زنبوونا ژیێ‌ مرۆڤی و ژ ئه‌نجامێ‌ نه‌ پووته‌پێكرنێ‌، مژوولانك ده‌ست ب وه‌ریانێ‌ دكه‌ن و وه‌كو به‌رێ‌ درێژ نابن و وه‌رارێ‌ ناكه‌ن. جانیت گراف نوشدارا تایبه‌تمه‌ند یا نه‌خۆشیێن پیستی ل نیویورك دیاردكه‌ت كو ئه‌گه‌رێن وه‌ریانا مژوولانكان وه‌كو ئه‌گه‌رێن وه‌ریانا پرچێ‌ سه‌ری نه‌.
ئه‌ڤه‌ وێ‌ چه‌ندێ‌ دگه‌هینیت كو نه‌ئارامی و تیتالێن خوارنێ‌ یێن نه‌دروست ژ گرنگترین ئه‌گه‌رێن وه‌ریانا مژوولانكانه‌، دگه‌ل ڤێ‌ چه‌ندێ‌ ژی ئاریشه‌یێن په‌ریزادێ‌ و هه‌ودانێن مژوولانكا و چاره‌سه‌ریێن كیمیاوی ژی هنده‌ك ئه‌گه‌رێن دیترن،ره‌نگه‌ ژی هنده‌ك جاران ژن بخو ببیته‌ ئه‌گه‌رێ‌ پووچكرن و ژناڤبرنا مژوولانكێن خۆ ب رێیا هنده‌ك لڤینان وه‌كو په‌رخاندنا مژوولانكان یان نه‌راكرنا مسكارێ‌ چاڤان به‌ری نڤستنێ‌ كو دبنه‌ ئه‌گه‌ر مژوولانك بشكێن، هه‌تا ئه‌گه‌ر ماسكرایێ‌ دژی ئاڤێ‌ ژی بهێته‌ ب كارئینان هه‌ر دبیت ببیته‌ ئه‌گه‌رێ‌ هشكبوونا رموشان.
ره‌هێن مژوولانكان گه‌له‌ك دنازكن و هه‌كه‌ ب ژواری سه‌ره‌ده‌ری دگه‌ل بهێته‌ كرن دێ‌ بیته‌ ئه‌گه‌رێ‌ شكه‌ستنا وان، هه‌كه‌ ساخله‌میا ته‌ یا باش بیت و تو خوارنێن باش دخوی هه‌لبه‌ت بتنێ‌ دێ‌ ته‌ پێدڤی ب پاراستنا مژوولانكێن خۆ هه‌بیت و ب ڤی ره‌نگی:
-مژوولانكێن خۆ گه‌له‌ك نه‌شدینه‌.
-ئه‌گه‌ر تو تشته‌كی بو جوانیا مژوولانكان ب كاردئینی هشیاربه‌ گه‌له‌ك نێزیكی ره‌هێن موویان نه‌كه‌.
-هه‌كه‌ ته‌ ڤییا به‌رمایكێن ماسكارایێ‌ راكه‌ی باشتره‌ بهێلی هه‌تا ماسكارا هشك دبیت پاشی راكه‌ و ل وی ده‌می دێ‌ شه‌كرنا وانژی یا ب سانه‌هی بیت.
هه‌روه‌سان خو قورتالكرن ژ ماسكارایێ‌ كه‌ڤن رۆله‌كێ‌ گرنگ د چاڤدێریا مژوولانكان دا هه‌یه‌، باشتره‌ ب كێماتی هه‌ر شه‌ش هه‌یڤان جاره‌كێ‌ ماسكارای ب گوهۆری و ئه‌گه‌ر ژڤی ده‌می پتر ما دێ‌ بیته‌ ئه‌گه‌ر كو به‌رئاتافی میكروبان ببیت و د ئه‌نجامدا هه‌ودان ژێ‌ په‌یدادبن.
نوشدار دبێژن هه‌كه‌ چاڤێن ژنێ‌ سۆر بوون یان هه‌ر هه‌ودانه‌ك بۆ په‌یدابوو پێدڤی یه‌ هه‌ر تشته‌كێ‌ بۆ چاڤێن خۆ ب كاردئینیت تافیل بكه‌ت و هه‌كه‌ وه‌نه‌كر دێ‌ گه‌له‌ك ئاریشه‌ بۆ په‌یدابن ژوانژی وه‌ریانا مژوولانكان و هه‌ودانێن به‌رده‌وام.
هنده‌ك جورێن چاره‌سه‌ریێ‌ بۆ نه‌وه‌ریانا مژوولانكان هه‌نه‌ به‌لێ‌ پێدڤیه‌ ل دووڤ شیره‌تێن نوشداری بن و گه‌له‌ك دگران به‌هانه‌ و هه‌كه‌ ژ گه‌نجاتیێ‌ ته‌ مژوولانك نه‌بن هه‌وجه‌ ناكه‌ت تو ده‌رمانان ب كاربینی ژبه‌ركو ده‌رمان بتنێ‌ بۆ وان ڤه‌گه‌راندنا مژوولانكێن وه‌ریای دهێنه‌ دان.

زێده‌تر نیشان بده‌

حه‌مزه‌ ره‌زيكى

حه‌مزه‌ ره‌زیكی: ژدایكبوون 1974 ل سالا 1992ێ‌ وه‌ره‌ كارێ‌ رۆژنامه‌ڤانیێ‌ دكه‌ت ل ( رادیو، تێله‌فزیون، رۆژنامه‌، رۆژنامه‌ڤانیا ئه‌لكترونی). ل سالا 1995ێ‌ وه‌ره‌ ل راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌ كاردكه‌ت. facebook:hamze mohammed ali

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *