ئەگەرێن ھەبوونا بوشایێ د ناڤبەرا ددانان دا

نۆش نيوز:
ددان دھێتە ژمارتن ئێک ژ خالێن ھەرە گرنگ بۆ دەرئێخستنا جوانیا سەروچاڤێن مروڤی لەورا گەلەک ‏کەس گازندا دکەن ژ بەر کو بوشاییەک ھەیە د ناڤبەرا ددانێت وان دا ئەڤە ژبلی تێکدانا جوانیێ دبیتە ‏ئەگەر کوخ وارن ژی بمینیتە د ناڤ ددانا دا، ئەڤی حالەتی ژی گەلەک ئەگەر ھەنە.‏
د.بێستون غەریب، تایبەتمەندێ نشتەرگەری و جوانکاریا دەڤ و ددانا دیارکر: ئێک ژ حالەتێن بەربەلاڤ ‏ئەوە کو گەلەک کەس سەردانا نوشدارێ ددانا دکەن کو گازندا ژوێ چەندێ دکەن بوشایی د ناڤبەرا ‏ددانێن وان دا ھەیە، ئەڤە ژی ژبلی کو جوانیا ددانا تێک ددەت، نەخوش گازندا ژی دکەن ژ بەر کو ‏بەرمایکێن خوارنێ دمینیتە د ناڤبەرا وان بوشایی دا.
گوت ژی: ئەڤ حالەتە گەلەک ئەگەر ھەنە کو دروست بیت ژوانا ژی نەرێک و پێکیا (قەبارێ ددانا، ‏قەبارێ شەویلکا)کو ددان بچووکترن ژ شەویلکا و نەشێن بوشایی شەویلکا پر بکەت.
گوت ژی: ئەگەرەکێ دی مەزنی و درێژی ( فرێنەم) پارچە گوشتەکە لێڤ و پدیان پێکڤە گرێددەت.ئا‏شکرا کر ژی: ئەگەرەکی دی ھەیە کو تا رادەیەکێ بەربەلاڤە ئەو ژی مژینا تبلێ یە ژلایێ زارۆیڤە، ‏لەورا گەلەک کەس ل دەمێ زارۆکینێ تبلا خوە دمێژن وەک فێربوونا ڤی حالەتی ل دەف وان دروست ‏دبیت، لەورا پێدڤیە لسەر دایک و بابێ زارۆی ڤی حالەتی نەھێلن ژبەرکو ئەڤە ژی دبیتە ئەگەر کو ‏بوشایی بکەڤیتە دناڤبەرا ددانا چێ بیت.
گوت ژی: گڤاشتنا ئەزمانی و پاڵدانا ددانا ب ئەزمانی ئەگەرەکێ دیە بۆ چێکرنا بوشایێ ھەروەسا ‏تێکچوونا پدیان و ھەوکرن (ئیلتیھاب) زێدە لسەر پدیان و ھەستێن ددانا ئێک ژ ئەگەرێن دی دھێتە ‏زانین.‏
سەبارەت ب دەزی ددانا نوشدارێ تایبەتمەندێ نشتەرگەری و جوانکاریا ددانا گوت: گەلەک وەسا ھزر ‏دکە نکو بکار ئینانا دەزی ددانا دبیتە ئەگەر بوشایی بکەڤیتە دناڤبەرا ددانا، راستیا ڤێ چەندێ ئەوە ‏کو ب ھیچ رەنگەکێ دەزی ددانا بوشایێ نائێخیتە دناڤبەرا ددانا دا، بەلکو ئەو خوارن و بەرمایکێن وێ ‏ئەوێ دکەڤنە دناڤبەرا ددانی دا تنێ ب دەزی ددانا دھێتە پاقژ کرن، لەورا گەلەکا گرنگە دەزی ددانا ‏بھێتە بکار ئینان داکو ددان برەنگەکێ باش بھێنە پاقژکرن.‏

زێده‌تر نیشان بده‌

وارهێل نێروه‌یی

وارهێل محه‌مه‌د عه‌لى ژ دايكبوويێ 1989ێ يه‌. ده‌رچوويێ پشكا رۆژنامه‌ڤانى ل په‌يمانگه‌ها ته‌كنكى كارگێرى دهۆك 2011. ده‌رچوويێ پشكا راگه‌هاندنێ (راديو و تله‌ڤزيۆن) زانكۆيا سه‌لاحه‌دين- هه‌ولێر 2018.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *